Jerimaya 32:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Me da ghine de udju rọ obo Anatọt na mie Hanamẹl rẹ omoni mẹ, me da vwanvwọn igho na kẹ, shekẹl ihwe gbẹ ighwrẹ rẹ idọnọ efuanfon.

Jerimaya 32:9 ပူးပေါင်းရင်းမြစ်များ

Jẹnẹsis 24:22

Ọke rẹ iyesi na vwọ da ame nu, ọshare na da reyọ isa rẹ oro rọ họhọ te ubro ri shikẹl, kugbe umuobọ ivẹ re họhọ te shikẹl rẹ oro ihwe,

Jẹnẹsis 37:28

Usun rẹ ihwo ri Midian ke wan vrẹn, ayen de si Josẹf nẹ ọgọdọ na rhe, ayen da she kẹ Ishmael ovwavwọn ri shẹkẹl rẹ idọnọ uje, ayen da reyọ kpo Ijipt.

1 Ivie 20:39

Rẹ ovie na vwọ wanvrẹn, o de kperi se ovie na ọ da ta, odibo wẹn yanran kpo uherevie rẹ ofovwi na; nighere, ohwo rẹ ofovwi ọvo de kuoma rhẹriẹ ọ da vwẹ ohwo ọvo rhe vwe, ọ da ta, Yọnrọn ohwo nana; ọ da dianẹ o ghwruru, ke hwe wẹ sohọ, ọ rha dia ọtiọye ku wọ hwa talẹnt rẹ idọnọ ọfuanfon.

Nehemaya 5:15

Isun rẹ ẹsosuọ re karo kẹ vwẹ, kru oghwa ọhọhọhọ nyẹ ihwo na, ayen de mie ayen emuọre vẹ idi, a ke mrẹ shẹkẹl ujuvẹ rẹ idọnọ. Ekpuyovwi rẹ idibo rayen je vwẹ oma ruẹ Osun kẹ ihwo na. Ẹkẹvuọvo mi se ru ọtiọye-e, fiki rẹ oshọ rẹ Ọghẹnẹ.

Ẹsta 3:9

O de je ovie e gbẹ jo ji urhi re a ghwọrọ ayen nu, Me hwa talẹnt rẹ idọnọ efuanfọn uriori ihwe kẹ ihwo rẹ ovie vwẹ iruo na kẹ rere ayen phi igho na phihọ ekpu rẹ ovie.

Ẹyano 21:32

Erhuẹn na de dje ọviẹn ọshare yẹrẹ ọ rẹ aye, ohwo ro vworo me hwa shekẹl ọgban rẹ idọnọ kẹ onini rọye, e mi rhe phi erhuẹn na hwe.

Aizaya 55:2

Die wọ vwọ rhaphiẹ igho wẹn phihọ emu rọ dia emuọre-e, wọ vwọ wian phihọ obọ re vọn evu-un? Nabọ kerhọn Mẹ, re wọ re obo ri yovwiri, rere oma rẹ ivwir vwerhe owẹ.

Izikiẹl 4:10

Emu ru wọ cha re na ka vwanvwọn, shẹkẹl uje ẹdẹ ọvo; ẹsiẹvo ẹdọke wọ riọ.

Hosia 3:2

Etiyin me da dẹ shikẹl ihwiori rẹ idọnọ kugbe eghẹghẹrẹ gbe ubro rẹ ọka.