Jerimaya 32:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Kọye Hanamẹl rẹ oniọvo mẹ de bru vwe rhe vwẹ obo uwodi rẹ ọguan na kirobo rẹ ota rẹ Ọrovwohwo na epha, ọ da vuẹ vwẹ nẹ, Dẹ udju mẹ rọ hẹ obo Anatọt vwẹ otọ ri Benjamin, kidie we yi fo ohwo rọ je sa tan, dẹ ke oma wẹn. Me ke ghwa riẹn nẹ ọnana ota rẹ Ọrovwohwo na.

Jerimaya 32:8 ပူးပေါင်းရင်းမြစ်များ

1 Ivie 2:26

Ovie na da ta kẹ Abiata rẹ orherẹn na, Yanran kpo Anatọt, asan re eyere wẹn epha; kidie wo fo ughwu. Ẹkẹvuọvo me sa vwẹ ọke nana hwe we-e, fikiridie wẹ ọyen mu ekpeti rẹ Ọrovwohwo Ọghẹnẹ ka obaro kẹ Devid ọsẹ mẹ, fikiridie e kpokpo uwe vẹ ọsẹ mẹ kugbe.

1 Ivie 22:25

Maikaya da ta, Nighe, wọ cha mrẹ vwẹ ẹdẹ yena ru wọ da cha djẹ ro uvun re sioma wẹn nu.

1 Ikun rẹ Ivie 6:60

nẹ orua ri Benjamin, Geba vẹ otọ rẹ egbri rọye, Alemẹt vẹ otọ rẹ egbri rọye, kugbe Anatọt vẹ otọ rẹ egbri rọye. Irere rayen ejobi vẹ orua rayen ejobi da dia ihwerha.

Jerimaya 1:1

Eta ri Jerimaya, ọmọ ri Hilkaya, ọ rẹ irherẹn rẹ Anatot vwẹ otọ ri Bẹnjamin,

Jerimaya 32:2

Ọke yena otuo-fovwi rẹ ovie ri Babilọn yarie Jerusalẹm phihọ, ye e mu Jẹrimaya re ọmraro phihọ uwodi vwẹ ọguan rẹ ọhẹrhẹ rẹ ovie ri Juda.

Jerimaya 32:25

Dede na we, E Ọrovwohwo Ọghẹnẹ, re ta kẹ vwẹ, vwẹ igho de udju na re wo vwo iseri–-owenẹ a vwẹ orere na ke ihwo ri Kaldia dede.

Jerimaya 32:7

Nighe, Hanamẹl ọmọ ri Shalọm oniọvo rẹ ọse wẹn na che bru we rhe tanẹ, De udju me rọ hẹ obo Anatọt, kidie wẹ ohwo ro fori rọ sa tan.

Jerimaya 33:1

Ota rẹ Ọrovwohwo na da rhoma bru Jerimaya rhe vwẹ obọ rivẹ, yọ je hẹ uwodi vwẹ ọguan rẹ ohẹrhẹ.

Jerimaya 37:12

Jerimaya de nẹ Jerusalẹm kpo otọ ri Bẹnjamin re ọ reyọ ute rọye vwẹ uherevie rẹ ihwo na.

Izikiẹl 12:7

Mi de ru kirobo re ji urhi kẹ vwẹ na. Mi de mu oghwa mẹ phia vwẹ oghẹruvo na, kerẹ oghwa ra ghwa kpo imu, vwẹ ovwọnvwọn me da vwẹ obọ mẹ tọn igbẹhẹ na fi; Me da yanran vwẹ evun rẹ ebri, vẹ oghwa me ri mi mu kpahe igabọ vwẹ irharo rayen.

Zekaraya 11:11

Ọtiọye e miovwiro vwẹ ẹdẹ yena ineki rẹ igodẹ, otu re rhẹrẹ ovwẹ jovwo na, riẹnre nẹ ọye ota rẹ Ọrovwohwo.

Iyẹnrẹ Esiri ri Jọn 4:53

Ọsẹ na da ghwa riẹn dẹn nẹ ọye hẹ unọke na ri Jesu vwọ ta kẹ nẹ, Ọmọ wẹn na cha rhọ; ekpuyovwi rọye dẹ segbuyota, kugbe evwruwevwi rọye ejobi.