Jerimaya 32:40 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴⁰ Ke me vẹ ayen cha re ọphọ ri bẹdẹ bẹdẹ, iroro esiri re me jẹn kpahe ayen jovwo mi gbi siobọ nọ-ọ, ki mi phi oshoẹdjẹ mẹ phihọ udu rayen re ayen ju vwe ẹdjẹ jovwo.

Jerimaya 32:40 ပူးပေါင်းရင်းမြစ်များ

2 Samuẹl 23:4

Kọ bẹrẹ mu ayen kerẹ uvo rẹ irhiọke, Kerẹ ọnre ro lo muẹ enu ro pheri vwẹ irhiọke kerẹ osio rọ nẹrhẹ odi djẹ nẹ otọ cha.

Une rẹ Ejiro 80:19

Vwẹ avwanre rhivwi rhe, E Ọrovwohwo Ọghẹnẹ rẹ otuofovwi! jẹn opharo wẹn lo, rere ma vwọ sa rhọ!

Aizaya 24:5

Ihwo rẹ akpọ na gbe akpọ na ku tughu tughu kidie ayen gbe irhi rọye ku, ayen de miovwo irhi na, ayen da ghwọrọ ọphọ ri bẹdẹ na.

Aizaya 55:3

Rhie erhọn wẹn, ri wo bru vwe rhe; nyo, re erhi wẹn vwọ rhọ; ke Me vẹ owẹ re ọphọ re rara, omamọ rẹ uvi rẹ ẹguọnọ ro jẹrhẹriẹ ri mi vwo kẹ Devid.

Aizaya 61:8

Kidie Mẹvwẹ Ọrovwohwo guọnọ ọsoso, uji echo vẹ oruchọ tu vwe oma, Me vwẹ evun esiri kpẹvwẹ ayen ẹse, Me ve ayen ke re ọphọ re rara.

Jerimaya 24:7

Me kẹ ayen udu rẹ ayen vwọ riẹn nẹ mẹvwẹ Ọrovwohwo na; ayen cha dia ihwo mẹ ke me dia Ọghẹnẹ rayen, kidie ayen cha vwẹ udu rayen ejobi rhivwi bru uvwe rhe.

Jerimaya 31:34

Ohwo rhe se yọnọ ọrivẹ eyẹ omoni rọye ọfa-a, nẹ, Riẹn Ọrovwohwo na, kidie ayen ejobi cha riẹn vwẹ, nẹ otete rayen re te ọrode rayen, eriyin Ọrovwohwo tare, kidie me cha vwẹ orukuruku rayen vrẹn ayen, me gbe cha karohọ umwemwu rayen ọfa-a.

Jerimaya 50:5

Ayen cha nọ ekpẹn rẹ idjerhe ra wan kpo Zayọn, vẹ opharo re hirhe kuo tanẹ, Wa mọ re kuoma gbe Ọrovwohwo vwẹ ọphọ ẹriọ ri bẹdẹ ro je ẹro ẹchọrọ bẹdẹ.

Izikiẹl 36:26

Udu ọkpokpọ kọye me vwọ kẹ wẹ, erhi ọkpokpọ kọye mi phihọ evun wẹn, ke me reyọ udu rẹ oragha nẹ evun wẹn ke me kẹ wẹ udu rẹ uvwo.

Izikiẹl 36:27

Ki mi phi erhi mẹ phihọ evun wẹn, ki mi ru we vwọ yan nene iji mẹ wọ me rha jomaotọ sẹrọ rẹ irhi me.

Izikiẹl 37:26

Me vẹ ayen ke re ọphọ rẹ ufuoma; kọ dia ọphọ re rara me vẹ ayen cha re; ki mi bruphihọ kẹ ayen ki bun phihọ, ke me vwẹ ẹshẹ mẹ vwo vi vwẹ uherevie rẹ ayen rhiri bẹdẹ.

Izikiẹl 39:29

Mi gbi che si opharo mẹ nu kẹ ayen ọfa-a, vwẹ ọke ri mi de ku Erhi mẹ na ku uwevwi rẹ Izrẹl, eriyin Ọrovwohwo Ọghẹnẹ tare.

Maika 4:5

Kidie ihwo na ejobi ra yan vwẹ odẹ ri dohwo dẹdjọ rọye, ẹkẹvuọvo avwanre yan vwẹ odẹ rẹ Ọrovwohwo Ọghẹnẹ re avwanre bẹdẹ bẹdẹ.

Urhi Rivẹ 31:6

Wọ Me gan oma wo vwo udu, wọ djẹ oshọ-ọ eyẹ wọ je ro ẹnwan raye-en; kidie Ọrovwohwo Ọghẹnẹ rẹ ovwan yi nene ovwan yan; ọ sa phiẹn wẹ-ẹ ọ jẹ sen wẹ-ẹ.

Urhi Rivẹ 31:8

Ọrovwohwo na cha karọ kẹ wẹ ra; o nene uwe dia, ọ sa phiẹn we-e ọ jẹ sen wẹ-ẹ, wọ djẹ oshọ-ọ wo guegue-e.

Hibru 13:20

Asakiephana e gbe jẹ Ọghẹnẹ rẹ ufuoma rọ kpare Ọrovwavwanre Jesu nẹ ughwu rhe, osuigegede rode na, vwẹ ọbara rẹ ọphọ re rara na,

Hibru 4:1

Eriyin na, ovwan gba kẹnoma ọ rha dia eriyi-in, ive ro ve phihọ kẹ avwanre na nẹ avwanre kpo omaerovwo rọye na vwo jẹ ovwan abọ ẹva.

Hibru 7:24

kirobo rẹ ekpuyovwi rọye vwọ dia rhiri bẹdẹ na, orherẹn rọye rhe vwo ewene-e.

Jems 1:17

Kemu kemu esiri na ejobi obo odjuvwu i nẹ cha, nẹ obo rẹ osẹ rẹ urhukpẹ na cha ohwo ro vwo ẹrhẹriẹ-ẹ, rẹ uhoho re ebri ọvuọvo rheri-i.

1 Pita 1:5

Ihwo ra vwẹ ogangan rẹ Ọghẹnẹ rhẹrẹ fiki rẹ esegbuyota vwọ kẹ esivwo ra cha vwọ phia vwẹ ẹdẹ rẹ obo oba na.