Jerimaya 32:39 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁹ Me cha kẹ ayen udu ọvo vẹ idjerhe ọvo, rere ayen vwọ djẹ oshọ mẹ bẹdẹ, fiki rẹ erhuvwu rayen, vẹ erhuvwu rẹ emọ rayen re cha vwẹ obuko.

Jerimaya 32:39 ပူးပေါင်းရင်းမြစ်များ

Jẹnẹsis 17:7

Ọphọ na kọ dia uvwre mẹ vẹ owẹ kugbe uvwiẹ wẹn rọ cha vwẹ obuko wẹn; kọ dia ọphọ re rara, kọ dia Ọghẹnẹ kẹ wẹn kugbe uvwiẹ wẹn rọ cha obuko wẹ.

Jẹnẹsis 18:19

Ẹjo, kidie Me jẹrẹ reyọ nure, nẹ oyono emọ rọye vẹ evwruwevwi rọye ejobi re ayen sẹro rẹ idjerhe rẹ Ọrovwohwo re ayen ru uruemu rẹ ọvwata vẹ ọsoso; rere ive rẹ Ọrovwohwo vẹ kẹ Ebraham na o vwo se ruo gba kẹ.

Jẹnẹsis 22:12

Ọ da ta, Wọ ghwe obọ kpahe ọmọ na eyẹ wo ru emuọvo kẹ-ẹ, kidie Ọnana Me vwọ riẹn nu wọ djẹ oshọ rẹ Ọghẹnẹ, ru wọ vwẹ ọmọ wẹn na, ọmọ vuọvo wẹn na vwọ djahe obuko kẹ vwẹ-ẹ.

2 Ikun rẹ Ivie 30:12

Ọbọ rẹ Ọrovwohwo vi Juda da herọ ọ da vwẹ iroro ọvo vwọ kẹ ayen vwo ru obo rẹ ovie vẹ isun vwẹ ota rẹ Ọrovwohwo ru.

Une rẹ Ejiro 112:1

Jiri Ọrovwohwo na! Ebruphihọ kẹ ohwo rọ dje oshọ rẹ Ọrovwohwo, ro vwo omavwerhe rhuarho kpahe irhi rọye.

Une rẹ Ejiro 128:6

Ju we mrẹ ivwrọmọ rẹ emọ wẹn! Ufuoma vwẹ enu rẹ Izrẹl.

Une rẹ Ejiro 86:11

yono uvwe idjerhe wẹn, E Ọrovwohwo, rere me yan phihọ uyota wẹn; ku udu mẹ gbe rọ vwo djẹ oshọ wẹn.

Isẹ 23:17

Wo jẹ udu wẹn reoma rẹ iruimwemwu-u, ẹkẹvuọvo djẹ oshọ rẹ Ọrovwohwo kọke kọke.

Aizaya 35:8

Idjerhe rode kọ cha dia etiyin, ke che se nẹ Idjerhe Ọfuanfon, emu ogbegbe cha sa wanvrẹ-ẹn, ẹkpa gbi che se ghwru vwọ-ọ.

Aizaya 52:8

Kerhọn rẹ ọrherotọ wẹn re kpare urhuru rayen kpenu, ayen ejobi re koko so ine; kidie ayen ohwohwo cha mrẹ ohwo ọke re Ọrovwohwo de che rhivwi rhe Zayọn.

Aizaya 65:23

Ayen gbe wian kufia-a, eyẹ ayen gbi vwiẹ emọ kẹ ughwu-u, kidie ayen ke dia uvwiẹ rẹ ebruphihọ rẹ Ọrovwohwo, te ayen kugbe emọ rayen.

Jerimaya 24:7

Me kẹ ayen udu rẹ ayen vwọ riẹn nẹ mẹvwẹ Ọrovwohwo na; ayen cha dia ihwo mẹ ke me dia Ọghẹnẹ rayen, kidie ayen cha vwẹ udu rayen ejobi rhivwi bru uvwe rhe.

Jerimaya 31:33

Ẹkẹvuọvo ọnana hẹ ọphọ re me vẹ uwevwi rẹ Izrẹl cha re, ọke yena da wan nu, eriyin Ọrovwohwo tare: Ki mi che phi urhi mẹ phihọ evun rayen, mi ji che siọ phihọ udu rayen; ke me dia Ọghẹnẹ rayen, ayen ke dia ihwo mẹ.

Jerimaya 32:40

Ke me vẹ ayen cha re ọphọ ri bẹdẹ bẹdẹ, iroro esiri re me jẹn kpahe ayen jovwo mi gbi siobọ nọ-ọ, ki mi phi oshoẹdjẹ mẹ phihọ udu rayen re ayen ju vwe ẹdjẹ jovwo.

Jerimaya 6:16

Enẹ Ọrovwohwo na tare, Mudia vwẹ oma rẹ idjerhe, wo ni, wọ nọ ekpen re idjerhe rẹ awanre na asan rẹ omamọ rẹ idjerhe epha, ru wa yan phihọ, re wọ mrẹ urovwoma vwọ kẹ ẹnwẹn rẹ ovwan Ẹkevuọvo ayen da ta nẹ, Avwanre cha yan phihọ-ọ.

Izikiẹl 36:26

Udu ọkpokpọ kọye me vwọ kẹ wẹ, erhi ọkpokpọ kọye mi phihọ evun wẹn, ke me reyọ udu rẹ oragha nẹ evun wẹn ke me kẹ wẹ udu rẹ uvwo.

Izikiẹl 37:22

ke me vwẹ ayen ru ẹgborho ọvo vwẹ otọ na, vwẹ enu rẹ igbenu rẹ Izrẹl, ovie ọvo kọye dia ovie vwẹ enu rẹ ayen ejobi; ayen gbe dia ẹgborho ivẹ ọfa-a, a gbe ghare ayen phihọ uvie ivẹ ọfa-a.

Izikiẹl 37:24

Odibo mẹ Devid kọ dia ovie vwẹ enu rẹ ayen, ayen ki vwo osuigodẹ ọvo. Ayen ki nene irhi mẹ, je jomaotọ vwọ yọnre iji mẹ.

Izikiẹl 37:25

Ayen ke dia otọ na rẹ esẹ rẹ ovwan diare re me vwọ kẹ odibo mẹ Jekọp, te ayen te emọ rayen kugbe uvwiẹ rayen ke dia etiyin bẹde; Devid odibo mẹ kọ dia osun rayen bẹdẹ.

Iyẹnrẹ Esiri ri Jọn 14:6

Jesu da ta kẹ, Mẹvwẹ hẹ idjerhe na, kugbe uyota na, kugbe arhọ na; ohwo ọvuọvo se bru Ọsẹ na rhe-e, ẹkẹvuọvo yẹ oma mẹ.

Iyẹnrẹ Esiri ri Jọn 17:21

rere ayen ejobi vwọ dia ọvo; kirobo rẹ owẹ, rẹ Ọsẹ, hẹ evun mẹ, re me da hẹ evun wẹ, rere ayen je vwọ dia evun rẹ avwanre rhe, ọtiọye na akpọ na ki segbuyota nẹ wọwẹ ri ji vwe rhe.

Iruo rẹ Iyinkọn na 13:33

kọna o rhi ru gba kẹ avwanre emọ rayen rọ vwọ kpare Jesu nẹ ughwu; kirobo re siro phihọ Une rẹ Ejiro rivẹ, Wọwẹ hẹ Ọmọ mẹ, nonẹ na mi vwiẹ wẹ.

Iruo rẹ Iyinkọn na 2:39

Kidie ive na ọ rẹ ovwan kugbe emọ rẹ ovwan kugbe ayen ejobi re hẹ isi, kugbe ayen uche otu ọvuọvo rẹ Ọrovwohwo Ọghẹnẹ rẹ avwanre che se vwọ kẹ.

Iruo rẹ Iyinkọn na 3:26

Ọke rẹ Ọghẹnẹ vwọ kpare odibo rọye na vrẹn nu, o de ke jo bro ovwan rhe, ọ da kẹ ovwan ebruphihọ rere ovwan ohwo ọvuọvo vwo kurhẹriẹ nẹ imwemwu rẹ ovwan.

Iruo rẹ Iyinkọn na 4:32

Ọke nana ayen otu ri segbuyota na de vwo udu ọvo kugbe iroro ọvo, ohwo ọvuọvo rọ tanẹ obo rẹ ọye vwori na kẹ ọ rọye ọvo herọ-ọ, ẹkẹviọvo ayen de vwo kemu kemu kugbe.

Iruo rẹ Iyinkọn na 9:31

Ọtiọye na oma de rhi fu ishọshi rọ hẹ Judia, Galili kugbe Sameria ejobi ayen de mudia gan; ke yan vwẹ evun rẹ oshọẹdjẹ rẹ Ọrovwohwo kugbe uchebro rẹ Erhi Ọfuanfon na ayen de rhi bu phihọ.

Ọbe ri Pọl si rhe Ihwo ri Rom 11:16

Ohọrọ rẹ omamọ da vwerhe, eduru na ejobi kọ je vwerhe rhe, awọ rẹ urhe da vwerhe, ọtiọye eghọn rọye je dia.

1 Kọrẹnt 7:14

Kidie a wan oma rẹ aye na ru ọshare ro segbuyota na-a fon, a me rha wan oma rẹ ọshare ru aye ro segbuyota na-a fon. Ọ rha dia ọtiọye-e, emọ rẹ ovwan gbe fo-on, ẹkẹvuọvo kirobo rọ epha na ayen kẹ efuanfon.

2 Kọrẹnt 13:11

Ọ rọ ka oba, imoni, kẹ ẹdẹfa. Wa rhuẹrẹ idjerhe rẹ ovwan, wa kerhọn rẹ ota mẹ, ovwan ohwohwo ro ohwo, wa dia vwẹ ufuoma, Ọghẹnẹ rẹ ẹguọnọ kugbe ufuoma ko nene ovwan dia.

Urhi Rivẹ 5:29

E manẹ oghẹre rẹ udu ọtiọye na kọye he evun rayen, re ayen vwọ djẹ oshọ Mẹ, vwọ yọnrọn irhi mẹ vwẹ ọke ejobi, ro vwo yovwi kẹ ayen, ro ji vwo yovwi kẹ emọ rayen, bẹdẹ!

Urhi Rivẹ 6:2

re wa sa vwọ djẹ oshọ rẹ Ọrovwohwo Ọghẹnẹ rẹ ovwan, vwọ yọnrọn irhi rọye, ri mi jiji kẹ ovwan na, wẹ vẹ ọmọ wẹn, vẹ ọmọ rẹ ọmọ wẹn vwẹ ẹdẹ rẹ akpọ wẹn ejobi; rere wọ vwọ tọn.

Urhi Rivẹ 6:24

Ọrovwohwo de ji iji nana kẹ avwanre, ra vwo djẹ oshọ rẹ Ọrovwohwo Ọghẹnẹ rẹ avwanre, fiki rẹ erhuvwu rẹ avwanre bẹdẹ, rere ọ mrasa vwo sivwi avwanre rhọ, kirobo rọ epha nonẹ na.

Hibru 10:20

vwẹ oma rẹ idjerhe ọkpokpọ ro je ghwo na rọ wan oma rẹ amwa na rhie kẹ avwanre na, kọye hẹ, ugboma rọye,