Jerimaya 32:35 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁵ Ayen bọn asan rọ kpenu kẹ Baal vwẹ iyara rẹ ọmọ ri Hinọm, rẹ ayen da vwẹ emeshare vẹ emetẹ rayen vwọ gọ iye kẹ Mọlẹk, mi ji aye-en, ọ je hẹ iroro mẹ-ẹ, nẹ ayen ru ẹgua nana, vwọ nẹrhe Juda ru umwemwu.

Jerimaya 32:35 ပူးပေါင်းရင်းမြစ်များ

1 Ivie 11:33

fikiridie ọ sen vwẹ, ọ da ra gọ Ashera ẹdjọ rẹ ihwo ri Sidọn, Chemosh ẹdjọ ri Moab, kugbe Milkọm ẹdjọ rẹ ihwo rẹ Ammọn, ọ gbe yan nene idjerhe mẹ-ẹ, o rhe ru obo ri yoma vwẹ obaro mẹ-ẹ ọ yọnrọn iji mẹ vẹ ẹgha mẹ-ẹ, kirobo ri Devid ọsẹ rọye ruru.

1 Ivie 11:7

Etiyin Solomọn da rẹ umukpe kẹ Chemosh ẹgua ri Moab, kugbe Molẹk ẹgua rẹ ihwo rẹ Ammọn, vwẹ obenu rẹ ugbenu vwẹ obaro ọnre vwi Jerusalẹm.

1 Ivie 14:16

Ko siobọ nẹ Izrẹl fiki rẹ imwemwu ri Jeroboam, ro ruru rọ vwọ nẹrhẹ Izrẹl ru umwemwu.

1 Ivie 15:26

O de ru obo re brare vwẹ obaro rẹ Ọrovwohwo, ọ da vwọ kpahe idjerhe rẹ ọsẹ rọye, vẹ umwemwu rọye rọ vwọ nẹrhẹ Izrẹl ru umwemwu.

1 Ivie 15:30

fiki rẹ umwemwu ri Jeroboam ro ruru rọ vwọ nẹrhẹ Izrẹl ru umwemwu, ji kugbe obo rọ vwọ kpare Ọrovwohwo ophu, Ọghẹnẹ rẹ Izrẹl na.

1 Ivie 16:19

fiki rẹ imwemwu rọye ro ruru, brabra vwẹ obaro rẹ Ọrovwohwo ro vwo nene idjerhe ri Jeroboam, fiki rẹ umwemwu rọye ro ruru, rọ vwọ nẹrhẹ Izrẹl ru umwemwu.

1 Ivie 21:22

ki mi ru uwevwi wẹn kerẹ uwevwi rẹ Jeroboam ọmọ ri Nebat, kerẹ uwevwi rẹ Baasha ọmọ rẹ Ahija, kidie wọ kpare ophu mẹ, fikiridie wọ nẹrhẹ Izrẹl ru umwemwu

Ivie rẹ Ivẹ 21:11

Fiki robo ri Manasse ovie ri Juda vwo ru obo ragha, ro vwo ru emu ẹgua nọ obo rẹ ihwo rẹ Amor ejobi ruru, re ka obaro kẹ na rọ vwọ nẹrhẹ Juda ru umwemwu fiki rẹ ẹdjọ rọye;

Ivie rẹ Ivẹ 21:4

Ọ da so egbada phihọ evun rẹ uwevwi rẹ Ọrovwohwo, rẹ Ọrovwohwo ta kpahe nẹ, Evun ri Jerusalẹm mi che phi odẹ mẹ phihọ.

Ivie rẹ Ivẹ 23:10

O de gbe Tofet ẹgua, rọ hẹ evun rẹ iyara rẹ emọ ri Hinọm, rere ohwo ọvuọvo vwo jẹ ọmọshare rọye eyẹ ọmọtẹ rọye ẹ vwọ tọn vwo ze izobo kẹ Molẹk.

Ivie rẹ Ivẹ 23:15

Ọ rọ marho agbada na rọ hẹ Bẹtẹl agbada ri Jerobaom ọmọ rẹ Nebat, ohwo rọ nẹrhẹ Izrẹl ru umwemwu na vwo vi, agbada yena vẹ egbada efa eye o ghwie she ọ da guọghọ eragha rọye ibribro, ọ da ghwọrọ ayen ivwivwuvwu; ọ da torhẹ Ashera na.

Ivie rẹ Ivẹ 3:3

Ẹkẹvuọvo o ji churu obọ mu umwemwu ri Jeroboam ọmọ ri Nebat, ro si Izrẹl ejobi ro umwemwu; o kurhẹriẹ no-o.

2 Ikun rẹ Ivie 33:6

Ọ da torhẹ emọ rọye vwo ze izobo vwẹ evun rẹ iyara rẹ emọ ri Hinnọm, ayen ke mraro, ghwere isẹ bọ epha, ki nene irivwi vẹ erieda ta ota. O ru emu imiomiovwi buebu vwẹ obaro rẹ Ọrovwohwo, re kpaerọ ophu.

2 Ikun rẹ Ivie 33:9

Manasse da riẹriẹ Juda vẹ ihwo re dia Jerusalẹm, ọ da nẹrhẹ ayen ru umwemwu nọ ẹgborho rẹ Ọrovwohwo guọghọ nu kẹ ihwo rẹ Izrẹl dia.

2 Ikun rẹ Ivie 36:14

Irherẹn ride na ejobi kugbe ihwo na rhe vwo esegbuyota-a, ayen de nene ẹgua rẹ ẹgborho na, ayen de gbe uwevwi rẹ Ọrovwohwo ro ru fon vwi Jerusalẹm ẹgua.

Ẹyano 32:21

Etiyin Mosis da ta kẹ Erọn, Didi emu ihwo nana ru we re wọ vwọ rọye umwemwu rode nana vwo rhe ayen?

Aizaya 57:5

ovwan re fian nene ehahe, kugbe otọ rẹ irhe ekpokpọ ejobi, ri hwe emọ rẹ ovwan vwẹ iyara, kugbe egbogho vwẹ otọ rẹ eragha?

Jerimaya 19:2

wọ yan kpọ Iyara rẹ Hinnọm vwẹ asan anurhoro rẹ Igbephẹre na, wo dia etiyin de ghwoghwo eta re me ta kẹ wẹ na.

Jerimaya 30:14

Ovwan chọrọ ese rẹ ovwan ẹro; ayen gbe kerhọn rẹ ovwa-an; kidie me vwe ẹghwiẹ rẹ ọvweghrẹ ghwiẹ ovwan, ehwe rẹ ọvweghrẹ ro vwo aruẹdọ-ọ, fikiridie abe rẹ ovwan ọrhuarho, fikiridie imwemwu rẹ ovwan gbori gangan.

Jerimaya 44:4

Dede na mi dje idibo mẹ emraro na ejejo bru ovwan rhe tanẹ, E, we ruẹ emuẹgha nana ro tu vwe oma na-a!

Jerimaya 7:30

Fikiridie emọ ri Juda ru emu omiomiovwi vwẹ obaro mẹ eriyin Ọrovwohwo na tare, ayen mu orukuruku rayen vi vwẹ uwevwi ra vwẹ odẹ mẹ se na, ayen de gbe ẹgua.

Jerimaya 7:31

Ayen bọn ẹdia ro kpenu ri Tofẹt, rọ hẹ iyara rẹ emọ ri Hinnọm, rẹ ayen da torhẹ emeshare vẹ emetẹ rayen vwẹ erhanre; ọ re me vuẹ aye-en, ro ji nẹ iroro mẹ rhe-e.

Izikiẹl 23:37

Kidie ayen gbe igberadja, ọbara vẹ abọ rayen, ayen vẹ edjọ rayen ri gbi gbe igberadja na; ayen tobọ vwẹ emọ rẹ ayen vwiẹ kẹ vwẹ na ze izobo rẹ emuọre kẹ ayen.

Livitikọs 18:21

Ovwan siobọ nẹ emọ ovwan rere a torhẹ ayen ki Moleki-i, e de rhe miovwo odẹ rẹ Ọghẹnẹ rẹ ovwan: Mẹvwẹ Ọrovwohwo na.

Iruo rẹ Iyinkọn na 7:43

Ovwan da reyọ utughẹ ri Molọk, kugbe isio rẹ ẹdjọ ri Refan, ekakare rẹ ovwan kara gọ, ki mi ghwie ovwan kpo abọ oboyi ri Babilọn.

Urhi Rivẹ 12:31

Wo ru ọtiọye kẹ Ọrovwohwo Ọghẹnẹ wẹn na-a, kidie ẹgua ri tuẹ Ọrovwohwo oma ejobi ọye ayen ruẹ kẹ ẹdjọ rayen; fikiridie ayen vwẹ erhanre torhẹ emeshare vẹ emetẹ rayen kẹ ẹdjọ rayen.

Urhi Rivẹ 18:10

We ja mrẹ ohwo ọvo vwẹ uherevie rẹ ovwan rọ torhẹ ọmọshare eyẹ ọmọtẹ rọye vwo ze izobo-o, eyẹ ohwo rọ mraro, eyẹ ọbuepha eyẹ ohwo rọ mrorẹ eyẹ ọbo rọ ghwa ihwo ria,

Urhi Rivẹ 24:4

ọshare rọ ka reyọ jovwo na, ro siobọ no kpo na, gbe reyọ vwo ru aye rọye ọfa-a, kidie o miovwi oma nure; omaemiovwo ẹgua kẹ Ọrovwohwo, wọ ghwa abiẹriọ cha evun rẹ otọ rẹ Ọrovwohwo rẹ Ọghẹnẹ vwọ kẹ wẹ nẹ wọ vwọ riuku na-a.