Jerimaya 32:33 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³³ Ayen hirhe obuko rayen ku vwe ọ dia opharo raye-en, obo mi dje ayen eyeyono te na ayen sa kerhọn vwọ reyọ uyono-o.

Jerimaya 32:33 ပူးပေါင်းရင်းမြစ်များ

ỌBE RẸ JOB 35:11

ohwo ro yono avwanre nọ eranvwe rẹ otọ na, rọ nẹrhẹ avwanre ghwanre nọ ephran rẹ enu na.

Jerimaya 18:17

Kerẹ odju ro nẹ obaro ọnre cha eriyin me cha hra ayen vwẹ obaro rẹ ọvweghrẹ roye. Obuko mẹ me vwo ni ayen, ọ dia opharọ mẹ-ẹ, vwẹ ẹdẹ rẹ oghwọrọ rayen.

Jerimaya 2:27

Re ta kẹ urhe, “Wọwẹ ọsẹ mẹ,” vwọ kẹ olalọ Wẹ ri vwiẹ vwẹ. Kidie ayen chuko ku vwe, ọ dia opharo raye-en. Ẹkẹvuọvo ọke rẹ ukpokpogho rayẹn ayen me ta, vrẹn wo sivwi avwanre.

Jerimaya 26:5

vwọ kerhọn rẹ eta rẹ idibo mẹ emraro na ri mi ji bru ovwan cha phẹrephẹre na, dede na wa kerhọ-ọn,

Jerimaya 35:13

Enẹ Ọrovwohwo rẹ otuofovwi, Ọghẹnẹ rẹ Izrẹl na tare: Yanran ra ta kẹ eshare ri Juda vẹ ihwo re dia Jerusalẹm, Wa reyọ uyono re wa kerhọn rẹ eta mẹ? Eriyin Ọrovwohwo tare.

Jerimaya 35:15

Mi ji idibo mẹ rẹ emraro na ejobi bru ovwan rhe, mi ji ayen ejojo, nẹ, Dohwo didjerhe umwemwu rọye rhẹriẹ ru, wa rhuẹrẹ eyere rẹ ovwan, vwo je edjọ efa ẹyan nene re we jẹn ayen egọ, re wa sa dia evun rẹ otọ re me kẹ ovwan vẹ esẹ rẹ ovwan na. Ẹkẹvuọvo wa vwẹ erhọn kpọtọ-ọ wa je kerhọn mẹ-ẹ.

Jerimaya 44:4

Dede na mi dje idibo mẹ emraro na ejejo bru ovwan rhe tanẹ, E, we ruẹ emuẹgha nana ro tu vwe oma na-a!

Jerimaya 7:13

Fiki rẹ obo rẹ ovwan vwo ru imu nana, vwẹ asakiephana, eriyin Ọrovwohwo na tare, ọke mi vwo dje ovwan ẹtẹta kẹ wa kerhọ-ọn, mi vwo se ovwan we nyori-i,

Jerimaya 7:24

Ẹkẹvuọvo ayen nyori-i, ayen kerhọ-ọn, ẹkẹvuọvo ayen da yan nene iroro rẹ obo rayen vẹ udu ọgangan rẹ udu umwemwu rayen, ayen da ya kpuko o gbe dia obaro-o.

Jerimaya 7:28

Wọ me ta kẹ ayen nẹ, Ọnana orere rọ kerhọn rẹ urhuru rẹ Ọrovwohwo Ọghẹnẹ raye-en, ayen reyọ ẹghwọ kuo rọye-e, uyota ghwuru kpimẹ e bruro nẹ ẹbẹrunu rayen.

Izikiẹl 23:35

Fiki rẹ otiọyẹ na e nẹ Ọrovwohwo Ọghẹnẹ tare: Fikiridie me chọrọ owẹ ẹro wo de mu vwe phihọ obuko wẹn, fiki rẹ ọtiọye na ku wọ reyọ osa rẹ ehan wẹn kugbe ọfanrhiẹn wẹn.

Izikiẹl 8:16

O da reyọ ovwẹ rhe ọguan rẹ uherevie rẹ uwevwi rẹ Ọrovwohwo na, gbe nighe, vwẹ anurhoro rẹ uwevwi rẹ Ọrovwohwo na, vwẹ uvwre rẹ ọmọguan na vẹ agbada na, ihwo kerẹ uje gbẹ ẹnẹ herọ, ri chuku ku uwevwi rẹ Ọrovwohwo, ayen de chuko ku uwevwi rẹ Ọrovwohwo na ji hirhe opharo ku ọnre, re ga ọnre na.

Hosia 11:2

Tiobo mi se ayen na, ọtiọye ayen je ghwa mrẹ vwẹ djẹ te; ayen ji ze izobo kẹ Baal, jẹn ayen ghwa torhẹ insens kẹ ema.

Zekaraya 7:11

Ẹkẹvuọvo ayen kerhọ-ọn ayen de si igabọn te ohọre, rhurhu erhọn rayen re ayen je nyo.

Iyẹnrẹ Esiri ri Jọn 8:2

Vwẹ irhiọke ride ọ da rhoma rhe uwevwi rẹ ẹga na; ihwo na ejobi de bro rhe, o de tidia o de yono ayen.