Jerimaya 32:31 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³¹ Orere nana kpare ophu vẹ ivuemiovwo mẹ, nẹ ẹdẹ ra vwọ bọn rhi te nonẹ na, eriyin na ki mi che ghwie nẹ obaro mẹ.

Jerimaya 32:31 ပူးပေါင်းရင်းမြစ်များ

Ivie rẹ Ivẹ 21:16

Ọ rọ marho Manasse sun ọbara rẹ evwata buebu te otọ vwi Jerusalẹm nẹ oba ọvo re te oba rivẹ, je vwọ ba umwemwu rọ nẹrhẹ Juda ru rere ayen vwo ru obo ri miovwiri vwẹ obaro rẹ Ọrovwohwo na.

Ivie rẹ Ivẹ 23:15

Ọ rọ marho agbada na rọ hẹ Bẹtẹl agbada ri Jerobaom ọmọ rẹ Nebat, ohwo rọ nẹrhẹ Izrẹl ru umwemwu na vwo vi, agbada yena vẹ egbada efa eye o ghwie she ọ da guọghọ eragha rọye ibribro, ọ da ghwọrọ ayen ivwivwuvwu; ọ da torhẹ Ashera na.

Ivie rẹ Ivẹ 23:27

Ọrovwohwo na da ta, Mi che si Juda nẹ obaro mẹ kirobo ri mi ru Izrẹl, ke me cha kpare orere nana re me jẹreyọ na kufia, Jerusalẹm, uwevwi re me tare, nẹ ọde mẹ cha dia etiyin.

Jerimaya 23:39

ọtiọye na, gbe nighe, uyota me cha kpare owẹ kpenu mi de phi we nẹ obaro mẹ, wẹ vẹ orere re me kẹ wẹ vẹ esẹ wẹn na.

Jerimaya 27:10

Kidie ofian ayen mraro rọye kẹ ovwan na, oba rọye ke che si ovwan nẹ otọ rẹ ovwan na shesheri. Ke me djẹ ovwan kufia, ovwan ke cha ghwọrọ kufia.

Uvwerhe 1:8

Jerusalẹm ru umwemwu gangan vwẹ ọtiọye na kọ pha gbegbe, otu ri mu ọghọ kẹ jovwo ke jẹ rẹ fia; kidie ayen mrẹ ẹban rọye re; e, ekpuyovwi rọye ra guan, o de ku opharo fia.

Daniẹl 9:16

E Ọrovwohwo, kirobo rẹ uruemu esiri wẹn ejobi epha, gbe si ophu vẹ ivuemiovwo wẹn nẹ orere wẹn Jerusalẹm, ugbenu ọfuanfon wẹn, fikiridie vwẹ ẹkuoma rẹ umwemwu rẹ avwanre vẹ orukuruku rẹ esẹ rẹ avwanre, Jerusalẹm vẹ ihwo wẹn vwo hirhe phihọ ehwẹjẹ vwẹ ohri rẹ ihwo rẹ riariẹ avwanre phihọ.

Matiu 23:37

E Jerusalẹm, Jerusalẹm, ro hwe otu rẹ emraro na, rọ vwẹ elalọ phiẹ ihwo re ji bru ovwan rhe na! mavọ mi se ovwan koko te kerẹsiẹ rẹ ọhọ a da vwẹ ibekpe rhurhu emọ rọye, yẹ ovwan je rhọvwe-e.