Jerimaya 32:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Nighe otuofovwi rhe riariẹ orere na phihọ rere ayen vwọ reyọ. Fiki rẹ ọlọkọ, owẹvwe vẹ ọtiekọ ọye e vwo siobọ nẹ orere na kẹ ihwo ri Kaldia ri phio na. Obo re wọ tare na ọ phiare, gbe nighe, wọ mrẹrẹ re.

Jerimaya 32:24 ပူးပေါင်းရင်းမြစ်များ

2 Samuẹl 20:15

Ihwo re vẹ Joab gba herọ ejobi da rhe kua Ebẹl ri Betmaacah, ayen da vwẹ eragha gba ogba riariẹ orere na, o de rhirẹ mu igbẹhẹ rẹ orere na kokoroko jẹ orho na ji mudia; ihwo ejobi ri nene Joab ki kporo igbẹhẹ rẹ orere na rere o she.

Aizaya 37:33

Vwẹ ọtiọye na enẹ Ọrovwohwo na ta kpahe ovie rẹ Asiria, Ọ cha sa rhe orere nana-a, eyẹ ọ cha sa sa odada phihọ-ọ, eyẹ ọ cha vwẹ ubiri rhe-e, yẹ o cha sa ma ibi igbenu riariẹ igbẹhẹ rẹ orere na-a.

Jerimaya 16:4

Emiavwe ọbrabra che hwe ayen. A cha viẹ aye-en, e ji che shi aye-en; ayen cha họhọ isọn vwẹ enu rẹ otọ na. Ọlọkọ vẹ owẹvwe che hwe ayen, irivwi rayen ke dia emuọre kẹ emephran rẹ enu kugbe eranvwe rẹ akpọ na.

Jerimaya 20:5

O rọ ma rhọ, me cha reyọ oyovwe rẹ orere rọye ejobi, efe rọye ejobi, kugbe ughwẹ rẹ ivie ri Juda ejobi phihọ obọ rẹ ivwighrẹ rayen, iri che cho ayen, re ghwẹ ayen reyọ, a me ghwa ayen kpo Babilọn,

Jerimaya 24:10

Ki mi ji ọlọkọ vẹ owẹvwe, kugbe emiavwe bru ayen ra, bẹsiẹye re ayen vwọ ghwọrọ tototo nẹ otọ re me kẹ ayen vẹ esẹ rayen na.

Jerimaya 29:17

Enẹ Ọrovwohwo rẹ otuofovwi tare, Nighe, me cha vwẹ ọlọkọ vẹ owẹvwe kugbe ọtiekọ mu ayen, ji ru ayen kerẹ orharhe ri fig ro miovwiri rẹ ọ gbe ja re-e.

Jerimaya 29:18

Ọlọkọ vẹ owẹvwe, kugbe ọtiekọ mi che vwo nene ayen, mi mi rhi ru ayen phiyọ imuoshọ kẹ ivie rẹ akpo na ejobi, re ayen vwọ dia ekan, osho, unuefiọn, vẹ ehwẹjẹ vwẹ uherevie rẹ irere ejobi re me djẹ ayen na.

Jerimaya 32:25

Dede na we, E Ọrovwohwo Ọghẹnẹ, re ta kẹ vwẹ, vwẹ igho de udju na re wo vwo iseri–-owenẹ a vwẹ orere na ke ihwo ri Kaldia dede.

Jerimaya 32:28

Vwẹ ọtiọye na, enẹ Ọrovwohwo tare: Nighe, mi che phi orere nana phihọ abọ rẹ ihwo ri Kaldia ji phihọ obọ ri Nẹbukadreza ovie ri Babilọn, kọ cha reyọ.

Jerimaya 32:3

Kidie Zẹdikaya ovie ri Juda muro phihọ uwodi, ta nẹ, Die sorọ wo vwọ mraro tanẹ, Enẹ Ọrovwohwo tare. Nighe mi phi orho nana phihọ obọ rẹ ovie ri Babilọn, kọ cha reyọ;

Jerimaya 32:36

Asakiephana enẹ Ọrovwohwo, Ọghẹnẹ rẹ Izrẹl na tare, kpahe orere nana rẹ ovwan ta na, E phio phihọ obọ rẹ ovie ri Babilọn rọ vwẹ ọlọkọ vẹ owẹvwe kugbe ọtiekọ hwe.

Jerimaya 32:5

Ke ghini mu Zedikaya kpo Babilọn, oboyi kọye ọ dia bẹsiẹye me rhe vwọ mrẹ, eriyin Ọrovwohwo tare; wo de nene ihwo ri Kaldia họnre dede, wọ sa kparobọ-ọ.

Jerimaya 33:4

Kidie enẹ Ọrovwohwo na, Ọghẹnẹ rẹ Izrẹl tare kpahe iwevwi rẹ orho nana vẹ iwevwi rẹ lvie ri Juda re kporo she ra vwo gba ogba hẹrhẹ imu vẹ ọlọkọ.

Jerimaya 34:17

Ọtioye na, enẹ Ọrovwohwo tare ovwan mu ọghọ kẹ vwẹ vwẹ ofuvwegbe ri mi ghwoghwori kẹ dohwo doniọvo rọye kugbe dohwo dọrivẹ rọye-en, nighe, mi ghwoghwo kẹ ovwan ofuvwogbe rẹ ọlọkọ vẹ otiekọ kugbe owẹvwe, eriyin Ọrovwohwo tare. Mi che ru ovwan vwo dia imuoshọ kẹ ivie rẹ akpọ na ejobi.

Jerimaya 52:4

Vwẹ ẹgbukpe rẹ irhiri rẹ ẹriọ rọye, vwẹ emeranvwe rihwe, vwẹ ẹdẹ rihwe rẹ emeranvwe na, Nebukadreza ovie ri Babilọn da rhe vẹ otuofovwi rọye ejobi rhe vwọ so Jerusalẹm, ayen da yariẹ phihọ ayen de ke phihọ.

Jerimaya 52:6

Ẹdẹ rirhiri rẹ emeranvwe rẹne owẹvwe da rhe gan gangan vwẹ orere na, rẹ emuọre rha herọ kẹ ihwo rẹ otọ na-a.

Jerimaya 6:6

E nẹ Ọrovwohwo rẹ otuofovwi na tare. She irhe rọye ghwiotọ wa gba ohẹrhẹ kpahe Jerusalẹm. Ọnana orere ro fo ehwe gangan; emuọvo hẹ evun rọye-e jọkpa rẹ oshenyẹ.

Izikiẹl 14:21

Kidie enẹ Ọrovwohwo Ọghẹnẹ tare: Komavọ ọ dia vwẹ ọke me da vwẹ oghẹre rẹ ẹdjeguo ẹne mẹ vwọ rhe Jerusalẹm, ọlọkọ, owevwe, eranvwe ebrabra vẹ emiavwe, rere o bru ohwo kugbe eranvwe no!

Izikiẹl 21:22

Itẹ ri Jerusalẹm de rhi she phihọ obọrhe rọye, o de rhiunu rẹ oviẹ, ọ da teye unuebo, ra vwọ vwẹ ikurusu vi igbẹhẹ rẹ anurhoro na, ayen da ghwẹ ẹkoekpẹn vwo vi, rere ọ vwọ bọn uwevwi rẹ ohẹrhẹ.

Izikiẹl 21:27

Eghwọrọ, eghwọrọ, eghwọrọ, mi che ruo; omogẹngẹn rọye che chekọ-ọ bẹsiẹ re ọ ro vwo asan na cha vwọ rhe, ọye me cha vwọ kẹ.

Izikiẹl 26:8

Kọ vwe ọlọkọ nyavwe emetẹ wẹn re hẹ obo ophori hwe; kọ gba ọgba rẹ ohẹrhẹ vwo bru we dje, o mi hirhe ekpọfia rẹ ubiri rọye ku we.

Izikiẹl 4:2

re wọ gba ogba phihọ, re wọ gba ohẹrhẹ kpahọ, re wọ ma ẹrhẹnre rẹ ekpẹn riariẹ, vwẹ erhọn viọ rhe, re wọ vwẹ ikurusu vio riariẹ phihọ.

Habakọk 1:10

Ayen mienu phihọ ivie, ayen ke vwẹ otu rẹ isun na jehwẹ, ayen ke vwẹ ogba ogangan rẹ ayen gbare jehwẹ, kidie ayen mu ekpẹn nyẹ ayen da ruọ.

Zekaraya 1:6

Ẹkẹvuọvo eta mẹ vẹ iji Me, ri mi ji kẹ idibo mẹ emraro na, o rhe mu ese re ovwan? Eriyin ayen de kurhẹriẹ ta, kirobo rẹ Ọrovwohwo rẹ otuofovwi rori nẹ ọye ru avwanre fiki rẹ idjerhe vẹ uruemu rẹ avwanre na, ọtiọye o ghine ru avwanre.

Matiu 24:35

Odjuvwu vẹ akpọ cha wan, ẹkẹvuọvo ota mẹ se she fia-a.

Urhi Rivẹ 4:26

Mẹ vwẹ odjuvwu vẹ akpọ se iseri hwe ovwan nonẹ na nẹ, wa cha ghwọrọ tototo nẹ otọ na re wa wan Jọdan vrẹn re yere na; ẹdẹ rẹ ovwan gbi gro vwẹ otọ na-a, ẹkẹvuọvo kẹ wa cha ghwọrọ roro.