Jerimaya 32:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Ayen da ruọ ra dia. Ẹkẹvuọvo ayen nyo urhuru wẹ-ẹ, ayen je yan phihọ urhi wẹ-ẹ; ayen ru emu ọvuọvo re wo jiji kẹ ayen nẹ ayen ru na-a, kọye umiovwo nana ejobi vwo bru ayen rhe.

Jerimaya 32:23 ပူးပေါင်းရင်းမြစ်များ

Ezra 9:7

nẹ ẹdẹ rẹ esẹ rẹ avwanre rhe rhi te nonẹ na, ọye avwanre vwọ hẹ evun rẹ abe, vwi fiki rẹ imwemwu rẹ avwanre, avwanre vẹ ivie rẹ avwanre, kugbe irherẹn rẹ avwanre: e vwo mu avwanre phihọ obọ rẹ ivie rẹ otọ na, vwọ kẹ ọlọkọ, vwọ kẹ ighuvwu, vwọ kẹ ugborho, vwọ kẹ omaẹvuọ kirobo rọ epha rhi te nonẹ na.

Nehemaya 9:15

Wọwẹ re vwẹ ikara nẹ odjuvwu rhe ro fue owẹvwe rayen wọ da kẹ ayen ame vẹ evun rẹ oragha rhe rere o fue urhuru rayen, wọwẹ re je ta ke ayen nẹ ayen ra reyọ otọ ru wo veri nẹ wọ vwọ kẹ ayen.

Une rẹ Ejiro 78:10

Ayen yọnrọn ọphọ rẹ Ọghẹnẹ-ẹ, ẹkẹvuọvo ayen da sen nẹ ayen yan nene urhi rọye-e.

Jerimaya 2:7

Me reyọ owẹ rhe otọ rọ vọnre vẹ emu re wọ ghọghọ vwẹ emamọ vẹ emuesiri rọye. Ẹkẹvuọvo wọ vwọ ro otọ mẹ na nu wo de miovwo, wọ da vwẹ ukuẹriọ mẹ vwo gbe ẹgua.

Jerimaya 26:4

Wọ me ta kẹ ayen, Enẹ Ọrovwohwo tare: Ọ da dianẹ wa kerhọn mẹ-ẹ, vwọ yan phihọ urhi me ri mi phihọ obaro rẹ ovwan,

Jerimaya 44:10

Ayen je vwẹ oma rayen kpoto rhi te nonẹ na-a, ayen je djẹ osho-o, ayen je yan phihọ evun rẹ urhi vẹ iji ri mi phihọ obaro rẹ ovwan vẹ obaro rẹ esẹ rẹ ovwan na-a.

Jerimaya 7:26

dede na ayen kerhọn mẹ-ẹ, ayen je vwẹ erhọn kpotọ-ọ, ẹkẹvuọvo ayen vẹ udu kpohro, ayen ru miovwi nọ esẹ rayen.

Uvwerhe 1:18

Ọrovwohwo re riẹ ase, kidie mẹvwẹ ri mu kpahe ota rọye, ẹkẹvuọvo nyo, ovwan ihwo ejobi, re we ni oja re me ria, emetẹ mẹ kugbe emeshare mẹ kpo ighuvwu re.

Uvwerhe 1:8

Jerusalẹm ru umwemwu gangan vwẹ ọtiọye na kọ pha gbegbe, otu ri mu ọghọ kẹ jovwo ke jẹ rẹ fia; kidie ayen mrẹ ẹban rọye re; e, ekpuyovwi rọye ra guan, o de ku opharo fia.

Izikiẹl 20:18

Me da ta kẹ emọ rayen vwẹ evun rẹ aghwa na, We nene esi rẹ iji rẹ esẹ rẹ ovwa-an eyẹ wa yọnrọn irhi raye-en, eyẹ wa vwẹ edjọ rayen gbe oma rẹ ovwan ẹgua-a.

Izikiẹl 20:21

Ẹkẹvuọvo emọ na de mu kpahe ovwẹ, ayen gbe yan phihọ iji mẹ-ẹ, ayen gbe vwẹ ẹro kpotọ sẹro rẹ irhi mẹ-ẹ, rẹ ohwo rọ sẹro rọye kọ rhọ, ayen gbe ẹdidjala mẹ na ẹgua. Me da jẹ iroro nẹ mi ku ophu mẹ ku ayen vwẹ evun rẹ aghwa.

Izikiẹl 20:8

Ẹkẹvuọvo ayen de mu kpahe ovwẹ ayen gbe kerhọn mẹ-ẹ, ayen ohwo ọvuọvo gbe rhọvwe ku obo ri tuoma rẹ ẹro rayen mrẹ ghọghọ na kufia-a, eyẹ ayen ji siobọ nu ema re Ijipt na-a. Etiyin mi de roro nẹ mi ku ophu mẹ ku ayen rere mi hirhe ivuemiovwo mẹ ku ayen vwẹ uherevie rẹ otọ rẹ Ijipt na.

Iyẹnrẹ Esiri ri Luk 17:10

Ọtiọye rhe, vwẹ ọke wo de ru obo re ji iji kẹ wẹ nu, kọ ta, Avwanre idibo ri fi emuọvo-o; avwanre di ru ẹkẹn iruo ro te avwanre.

Iyẹnrẹ Esiri ri Jọn 15:14

Ovwan igbeyan mẹ ọ da dianẹ ovwan ru obo ri mi ji urhi rọye kẹ ovwan.

Galesha 3:10

Kidie ayen ejobi re vwẹ oma da urhi na ayen hẹ otọ rẹ ekan kidie e siro, Ekan kẹ ohwo kohwo rọ yọnrọn emu ejobi re siri phihọ ọbe rẹ urhi na, ro ru ayen gba-a.

Jems 2:10

Kidie kohwo kohwo rọ yọnrọn urhi na ejobi gba, ro de miovwi ọvo vwọ, yo gbe urhi na ejobi ku.

Joshua 21:43

Enẹ kọye Ọrovwohwo vwọ kẹ Izrẹl etọ na ejobi ro ve phihọ kẹ esẹ rayen, re ayen vwọ reyọ etọ na nure, kẹ etiyin ayen diare.

Joshua 23:16

ọ da dianẹ ovwan gbe ọphọ rẹ Ọrovwohwo Ọghẹnẹ rẹ ovwan na ẹgua, rọ vẹ ovwan rere na, wa da ra ga ẹdjọ efa we de digue tẹ otọ kẹ ayen. Etiyin ophu rẹ Ọrovwohwo kọ cha tua kpahe ovwan, ku wa ghwọrọ re nẹ otọ esiri nana rọ vwọ kẹ ovwan na.