Jerimaya 32:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Wẹ kẹ ayen otọ nana, ru wo veri kẹ esẹ rayen nẹ wọ vwọ kẹ ayen na, otọ rọ djẹ ọkẹre rẹ ame rẹ ivie vẹ ọnyọn.

Jerimaya 32:22 ပူးပေါင်းရင်းမြစ်များ

Jẹnẹsis 13:15

kidie otọ na ejobi re wọ mrẹ na Me vwẹ ayen kẹ wẹ kugbe uvwiẹ wẹn bẹdẹ.

Jẹnẹsis 24:7

Ọrovwohwo Ọghẹnẹ rẹ odjuvwu, rọ reyọ ovwẹ nẹ uwevwi rẹ ọsẹ mẹ rhe kugbe otọ re de vwiẹ vwẹ na, ọ rọ ta ota kẹ vwẹ na nẹ, Uvwiẹ wẹn Me vwẹ otọ nana kẹ, o che ji amakashe rọye karo kẹ wẹ, kẹ oboyi wọ da reyọ aye kẹ ọmọ mẹ.

Jẹnẹsis 50:24

Josẹf da ta kẹ emesẹ rọye, Mi che ghwu reọ, ẹkẹvuọvo Ọghẹnẹ che bru ovwan rhe, rọ da reyọ ovwan nẹ otọ nana vwo kpo otọ re veri kẹ Ebraham, Aizik, kugbe Jekọp.

Nehemaya 9:15

Wọwẹ re vwẹ ikara nẹ odjuvwu rhe ro fue owẹvwe rayen wọ da kẹ ayen ame vẹ evun rẹ oragha rhe rere o fue urhuru rayen, wọwẹ re je ta ke ayen nẹ ayen ra reyọ otọ ru wo veri nẹ wọ vwọ kẹ ayen.

Ẹyano 13:5

Ọke rẹ Ọrovwohwo da reyọ owẹ vwọ rhe otọ rẹ ihwo ri Kenan, ihwo ri Het, ihwo rẹ Amọr, ihwo ri Hiv, ihwo ri Jebus, ro ve kẹ esẹ wẹn nẹ ọye vwọ kẹ wẹ, otọ rọ djẹ ọkẹre rẹ ame rẹ ivie vẹ ọnyọn ku wọ gọ ẹga nana vwẹ emeranvwe nana.

Ẹyano 3:17

Mi de ve nẹ me rọye ovwan nẹ evun rẹ omaẹlaghọ rẹ Ijipt na rhe, vwo kpo otọ rẹ Kenan; o rẹ Hit, vẹ Amọr, o rẹ Feriz, vẹ Hiv kugbe Jebu, otọ rọ djẹ ọkẹre rẹ ame rẹ ivie vẹ ọnyọn.

Ẹyano 3:8

Ọtiọye na ke me rhere rhi si ayen nẹ obọ rẹ ihwo rẹ Ijipt, re mi si ayen nẹ otọ yena vwo kpo otọ rọ yoma rọ rhoro, otọ rọ djẹ ọkẹre rẹ ame rẹ ivie vẹ ọnyọn. Otọ rẹ ihwo rẹ Kenan, ihwo rẹ Hit, ihwo rẹ Amọr, ihwo rẹ Periz, ihwo rẹ Hiv kugbe ihwo rẹ Jebu.

Jerimaya 11:5

re me vwọ hwa ive mi veri kẹ esẹ rẹ ovwan nẹ me vwẹ otọ rọ djẹ ọkẹre rẹ ame rẹ ivie vẹ ọnyọn kẹ ayen, ọtiobo rọ epha nonẹ na. Me da kpahẹ nẹ, Eriyin ọdia, Ọrovwohwo.

Izikiẹl 20:15

Ọ rọ marho mi de duvwu iyori kẹ ayen vwẹ evun rẹ aghwa nẹ, me gbe reyọ ayen rhe otọ re me vwo kẹ ayen na-a, otọ rọ djẹ ọkẹre vẹ ame-ivie kugbe ọnyọn, otọ ro me yovwi ejobi,

Izikiẹl 20:6

Vwẹ ẹdẹ yena mi de duvwu iyori kẹ ayen nẹ, Me reyọ ayen nẹ otọ rẹ Ijipt rhe otọ re me guọnọ vwọ kẹ ayẹn, otọ rọ djẹ ọkẹre vẹ ame rẹ ivie kugbe ọnyọn, otọ ro me yovwi ejobi.

Ukeri 14:16

Fikiridie Ọrovwohwo sa reyọ ihwo nana te otọ ro ve phihọ nẹ ọye vwọ kẹ ayen na-a, fiki rẹ ọtiọye na ọ vwọ teyọ ayen hwe vwẹ evun rẹ aton na.

Ukeri 14:30

kaka ohwo ọvuọvo rọye che se te otọ ri mi ve phihọ kẹ ovwan nẹ ovwan dia na-a, jokpa ri Kalẹb ọmọ ri Jefunneh kugbe Joshua rẹ ọmọ ri Nun.

Urhi Rivẹ 1:35

Omuẹro, ọvuọvo rẹ ihwo vẹ edje umwemwu nana na ro se te otọ esiri ri mi veri nẹ Me vwọ kẹ esẹ rẹ ovwan na herọ-ọ.

Urhi Rivẹ 1:8

Nighe, mi phi otọ rẹ Ọrovwohwo ve kẹ esẹ rẹ ovwan, kẹ Ebraham, Aizik, kugbe Jekọp, nẹ ọye vwọ kẹ ayen vẹ emọ rẹ ayen che vwiẹ.

Urhi Rivẹ 6:10

Vwẹ ọke rẹ Ọrovwohwo Ọghẹnẹ wẹn da cha vwẹ owẹ te otọ ro ve kẹ esẹ rẹ ovwan Ebraham vẹ Aizik kugbe Jekọp, nẹ ọye vwọ kẹ ovwan, irere ride vẹ irere iyoyovwi na, e rẹ ovwan bọnre-e na;

Urhi Rivẹ 6:18

Wo mi ru obo ri shehọ ro ji yovwi vwẹ obaro rẹ Ọrovwohwo na; rere o vwo yovwi kẹ wẹ, kugbe rere wọ vwọ sa ra dia otọ rẹ esiri na rẹ Ọrovwohwo ve kẹ esẹ rẹ ovwan na,

Urhi Rivẹ 6:23

Ọ di si avwanre nẹ Etiyin rhe, rere ọ vwọ reyọ avwanre rhe, vwọ kẹ avwanre otọ ro veri kẹ esẹ rẹ avwanre.

Urhi Rivẹ 7:13

kọ guọnọ owẹ ko bruba kẹ wẹ, ji ru we bu phihọ; o ji bruba kẹ omamọ rẹ oma wẹn kugbe omamọ rẹ otọ wẹn, vẹ eka, vẹ wain kugbe evwri wẹn, ebuohọ rẹ irhuẹn wẹn kugbe ebuohọ rẹ emọ rẹ igegede wẹn, vwẹ evun rẹ otọ ro veri kọ esẹ wẹn nẹ ọye vwọ kẹ wẹ.

Urhi Rivẹ 8:1

Urhi na ejobi ri mi ji kẹ ovwan nonẹ na wa fọke otọ ruo, rere we vwo bu, rere wọ ra reyọ otọ rẹ Ọrovwohwo ve kẹ esẹ rẹ ovwan na.

Joshua 1:6

Gba goma rere wo yivwaro, kidie wẹ re cha nẹrhẹ ihwo nana riuku rẹ otọ ri mi duvwu iyori kẹ esẹ rẹ ovwan nẹ me vwọ kẹ ayen na.

Joshua 21:43

Enẹ kọye Ọrovwohwo vwọ kẹ Izrẹl etọ na ejobi ro ve phihọ kẹ esẹ rayen, re ayen vwọ reyọ etọ na nure, kẹ etiyin ayen diare.