Jerimaya 32:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Eka vẹ imu rẹ igbunu wọ vwọ reyọ ihwo wẹn Izrẹl nẹ otọ rẹ Ijipt rhe, kugbe obọ rẹ ọdo wẹn vẹ oshọ rode;

Jerimaya 32:21 ပူးပေါင်းရင်းမြစ်များ

2 Samuẹl 7:23

Didi orua ọvo vwẹ akpọ na họhọ ihwo wẹn Izrẹl, rẹ Ọghẹnẹ yanran ra tan hirhe phihọ ihwo rọye, re o vwo re odẹ kẹ oma rọye, ro ru emu rọ rhoro, ro muoshọ, rọ vwọ djẹ ihwo vẹ edjọ rayen nẹ obaro rẹ ihwo rọye?

1 Ivie 8:42

(kidie ayen che nyo usi rẹ odẹ wẹn rode na, kugbe egba rẹ obọ wẹn, kugbe igbabọ wẹn re riẹn phia), ọke rọ da rhe rhe nẹ ẹrhovwo vwẹ uwevwi nana,

1 Ikun rẹ Ivie 17:21

Didi ẹgborho ọfa vwẹ akpọ na rọ họhọ ihwo wẹn Izrẹl, rẹ Ọghẹnẹ na tan hirhe nọ dia ihwo rọye, wọ vwọ re odẹ kẹ oma wẹn vwẹ emu ride vẹ emu ro muoshọ, ro wọ vwọ djẹ ẹgborho buebu nẹ obaro rẹ ihwo wẹn ru wọ tan nẹ Ijipt rhe?

Une rẹ Ejiro 105:37

Etiyin o de sun Izrẹl kpo vẹ idọnọ kugbe oro, o gbi vwo ọvuọvo vwẹ ohri rẹ orua rọye na rọ yenghrẹnre-e.

Une rẹ Ejiro 105:43

Ọtiọye na o de sun ihwo rọye phia vẹ aghọghọ, ihwo rọye rọ jẹreyo ve ine ẹsuọ

Ẹyano 13:14

vwẹ ọke rọ cha rẹ ọmọshare wẹn da nọ wẹ, Die otọ rẹ ọnana? ku wọ ta kẹ, Obọ ọgangan Ọrovwohwo vwo si avwanre nẹ otọ rẹ Ijipt rhe, nẹ uwevwi rẹ oviẹn.

Ẹyano 13:9

Kọ cha dia oka vwẹ obọ wẹn kugbe ẹkarophihọ vwẹ ẹto wẹn, rere urhi rẹ Ọrovwohwo vwọ dia unu wẹn, kidie obọ ọgangan Ọrovwohwo vwọ rọye owẹ nẹ Ijipt rhẹ.

Ẹyano 3:20

Ọtiọye ke me riẹn obọ me phia vwo ghwiẹ Ijipt vẹ emu rẹ igbunu ri mi che ruẹ vwọ; Ọyena da wan nu ko jẹ ovwan kpo.

Ẹyano 6:1

Ọrovwohwo da kpahe kẹ Mosis, “Asakiephana wọ cha mrẹ obo ri mi che ruẹ kẹ Fẹro; kidie obọ ọgagan o che vwo si obọ nẹ ayen kpo, uyota, obọ ọgagan ọ cha vwọ djẹ ayen nẹ otọ rọye na.

Ẹyano 6:6

Fiki rẹ ọtiọye na gba ta kẹ ihwo rẹ Izrẹl, “Mẹvwẹ Ọrovwohwo na, mi che si we nẹ otọ rẹ oja rẹ ihwo rẹ Ijipti, ki mi che si we nẹ ọviẹn rayen, ke me tan wẹ nu obọ rẹ ayen.

Aizaya 63:12

ono ri ru igbabọ rẹ urinrin na nẹ o kpo oborhe ri Mosis, rọ hẹriẹ ame na kẹ ayen wan rọ vwọ re odẹ re rara kẹ oma rọye,

Urhi Rivẹ 11:3

kugbe eka rọye, vẹ uruemu rọye ro ru Fero ovie rẹ Ijipt, vẹ otọ rọye ejobi;

Urhi Rivẹ 26:8

Ọrovwohwo da vwẹ obọ ọgangan vẹ ugbobọ ra riẹnre vẹ oshọ rode na, kugbe eka vẹ igbunu vwo si avwanre nẹ Ijipt rhe;

Urhi Rivẹ 4:34

Eyẹ o vwo ọghẹnẹ ọvo rọ sa ra reyọ ẹgborho nẹ ohri rẹ ẹgborho ọfa kẹ omobọ rọye re, ọ da vwẹ edavwini, vẹ eka vẹ imuigbunu, kugbe ofovwi, eye vwẹ obọgangan, vẹ ugbobọ ra riẹn phihọ kugbe oshọ rode na, kerẹ ọtiobo rẹ Ọrovwohwo rẹ Ọghẹnẹ rẹ ovwan ru kẹ ovwan mrẹ vwẹ evun rẹ Ijipt na?

Urhi Rivẹ 7:19

edavwini ride na rẹ ẹro wẹn mrẹre, vẹ eka na, vẹ imuighunu na, kugbe obọgangan, vẹ ugbobọ ra riẹnre, rẹ Ọrovwohwo Ọghẹnẹ wẹn na vwọ reyọ owẹ phia, eriyin Ọrovwohwo Ọghẹnẹ wẹn na che ru ihwo ru wo bru udu rayen na,