Jerimaya 32:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ ohwo rọ vwẹ eka vẹ imu rẹ igbunu vwọ phia vwẹ otọ rẹ Ijipt, ọ je vwọ nẹ Izrẹl kugbe ihwo rẹ akpọ na ejobi rhi te none na, wọ da re odẹ kẹ oma wẹn kirobo rẹ ọ epha nonẹ na.

Jerimaya 32:20 ပူးပေါင်းရင်းမြစ်များ

2 Samuẹl 7:23

Didi orua ọvo vwẹ akpọ na họhọ ihwo wẹn Izrẹl, rẹ Ọghẹnẹ yanran ra tan hirhe phihọ ihwo rọye, re o vwo re odẹ kẹ oma rọye, ro ru emu rọ rhoro, ro muoshọ, rọ vwọ djẹ ihwo vẹ edjọ rayen nẹ obaro rẹ ihwo rọye?

1 Ikun rẹ Ivie 17:21

Didi ẹgborho ọfa vwẹ akpọ na rọ họhọ ihwo wẹn Izrẹl, rẹ Ọghẹnẹ na tan hirhe nọ dia ihwo rọye, wọ vwọ re odẹ kẹ oma wẹn vwẹ emu ride vẹ emu ro muoshọ, ro wọ vwọ djẹ ẹgborho buebu nẹ obaro rẹ ihwo wẹn ru wọ tan nẹ Ijipt rhe?

Nehemaya 9:10

wo de ghine ru emu rẹ oka ve igbunu kpahe Fero kugbe idibo rọye ejobi kugbe ihwo re otọ rọye ejobi, kidie wọ riẹnre ne ayen di mukpahe ese re avwanre ekueku, wọwẹ ọvo ri ghine re odẹ ke oma we, kirobo rọ epha nonẹ na.

Nehemaya 9:11

Wọ da ghine ghare abadi na vwe obaro re ayen, ọtiọye na ayen da wan evun re abadi na vrẹn vwẹ otọ ọyaya; otu re vwọ tua ayen na wọ da kpare ayen phihọ evun rẹ odo, kerẹ ubio-ragha ro she phihọ ọgudu re ame.

Une rẹ Ejiro 135:9

Ono vwẹ ohri wẹn, E Ijipt, re vwẹ oka vẹ igbunu rhe vwọ so Fero vẹ idibo rọye ejobi,

Ẹyano 10:2

rere wo vwo gbe ikun nana kẹ ọmọshare wẹn vẹ emọ rẹ ọmọshare wẹn obo re me vwẹ ihwo rẹ Ijipt ha eha te, vẹ eka ri mi ru kẹ ayen; rere wọ vwọ riẹn nẹ Mẹvwẹ Ọrovwohwo na.

Ẹyano 3:20

Ọtiọye ke me riẹn obọ me phia vwo ghwiẹ Ijipt vẹ emu rẹ igbunu ri mi che ruẹ vwọ; Ọyena da wan nu ko jẹ ovwan kpo.

Ẹyano 7:3

Ẹkẹvuọvo ki mi ru udu rẹ Fẹro gan, owenẹ mi ru eka vẹ igbunu buebu vwẹ otọ rẹ Ijipiti.

Ẹyano 9:16

Ẹkẹvuọvo fiki rẹ ọnana me vwọ yan ju we vwo vwẹ akpọ, rere e vwo dje ogangan mẹ kẹ wẹ, rere a vwẹ odẹ mẹ phia vwẹ akpọ na ejobi.

Aizaya 63:12

ono ri ru igbabọ rẹ urinrin na nẹ o kpo oborhe ri Mosis, rọ hẹriẹ ame na kẹ ayen wan rọ vwọ re odẹ re rara kẹ oma rọye,

Aizaya 63:14

Kere uchuru re djẹ rọ iyara, Erhi rẹ Ọrovwohwo da ke ayen urovwoma Ke ọtiọye wo sun ihwo wẹn, re wọ vwọ re odẹ re urinrin kẹ oma wẹn.

Jerimaya 13:11

Kidie obo rẹ otehun ta muẹ ehun rẹ ohwo ye, ọtiọye mi ru uwevwi rẹ Izrẹl ejobi kugbe uwevwi ri Juda ejobi ne tamu uvwe, eriyin Ọrovwohwo tare, rere ayen vwọ dia ihwo mẹ vwẹ odẹ, ejiro, kugbe urinrin, ẹkẹvuọvo ayen kerhọ-ọn.

Daniẹl 6:28

Ọtiọye o de yovwi kẹ Daniẹl vwẹ ọke ri Dariọs vwọ suẹn kugbe ọke rẹ isuesun ri Sairọs ohwo ri Pẹsha.

Daniẹl 9:15

Asakiephana, E Ọrovwohwo Ọghẹnẹ re avwanre, rọ vwẹ obọ ọgangan ghwẹ ihwo rọye nẹ otọ rẹ Ijipt rhe, wọ da vwẹ ode kẹ oma wẹn, kirobo rọ epha nonẹ na, avwanre ru umwemwu, avwanre ru ogbigbiru

Iruo rẹ Iyinkọn na 7:36

O de sun ayen yanran, vwẹ ọke ro vwo ru iruo rẹ igbunu kugbe eka buebu vwẹ Ijipt kugbe obo Abadi Ọvwavware na, kugbe evun rẹ aghwa vwẹ ikpe ujuvẹ soso.

Urhi Rivẹ 11:3

kugbe eka rọye, vẹ uruemu rọye ro ru Fero ovie rẹ Ijipt, vẹ otọ rọye ejobi;

Urhi Rivẹ 4:34

Eyẹ o vwo ọghẹnẹ ọvo rọ sa ra reyọ ẹgborho nẹ ohri rẹ ẹgborho ọfa kẹ omobọ rọye re, ọ da vwẹ edavwini, vẹ eka vẹ imuigbunu, kugbe ofovwi, eye vwẹ obọgangan, vẹ ugbobọ ra riẹn phihọ kugbe oshọ rode na, kerẹ ọtiobo rẹ Ọrovwohwo rẹ Ọghẹnẹ rẹ ovwan ru kẹ ovwan mrẹ vwẹ evun rẹ Ijipt na?

Urhi Rivẹ 6:22

Ọrovwohwo da vwẹ eka vẹ imuighunu ride gangan vwọ phia kẹ Ijipt vẹ Fero kugbe uwevwi rọye ejobi, vwẹ aro rẹ avwanre.

Urhi Rivẹ 7:19

edavwini ride na rẹ ẹro wẹn mrẹre, vẹ eka na, vẹ imuighunu na, kugbe obọgangan, vẹ ugbobọ ra riẹnre, rẹ Ọrovwohwo Ọghẹnẹ wẹn na vwọ reyọ owẹ phia, eriyin Ọrovwohwo Ọghẹnẹ wẹn na che ru ihwo ru wo bru udu rayen na,