Jerimaya 32:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² me da vwẹ ọbe na kẹ Barọk ọmọ ri Neraya ọmọ ri Maseya, vwẹ aro rẹ Hanamẹl rẹ omoni mẹ vwẹ irharo rẹ iseri re ghwẹ obọ phihọ ọbe na, kugbe aro ri Ju ejobi ri tidia ọguan rẹ ẹrhẹrẹ na.

Jerimaya 32:12 ပူးပေါင်းရင်းမြစ်များ

Jerimaya 32:13

Me da vuẹ Barọk vwẹ irharo rayen, ta nẹ,

Jerimaya 32:16

Me vwọ reyọ ọbe rẹ eshashẹ na vwọ kẹ Barọk ọmọ ri Neraya na nu, me da rẹ Ọrovwohwo, tanẹ:

Jerimaya 36:26

Ovie na de ji iji kẹ Jeramil rẹ ọmọ rẹ ovie na vẹ Seraya ọmọ ri Azriẹl kugbe Shelemaya ọmọ rẹ Abdil ne mu Barọk osiẹbe na vẹ Jẹrimaya rẹ ọmraro na, ẹkẹvuọvo Ọrovwohwo de si ayen nu.

Jerimaya 36:32

Kẹsiẹye Jerimaya ke reyọ ọbe ọfa vwọ kẹ Barọk rẹ osiẹbe na, ọmọ ri Neraya, ọye si eta na ejobi phihọ ọbe ri Jerimaya se kẹ, eta rẹ ọbe rẹ ẹsosuọ ri Jehoiakim ovie ri Juda torhẹre vwẹ erhanre na, e ji phi eghẹre rẹ eta tiọyẹ na efa ba ayen.

Jerimaya 51:59

Ota ri Jerimaya ọmraro na ji urhi kẹ Siraya ọmọ ri Neraya ọmọ ri Masiya, ọke ro vwo nene Zẹdikaya ovie ri Juda kpo Babilọn, vwẹ ukpe rẹ ẹne rẹ ẹriọ rọye. Siraya da dia ohwo rọ vwẹ ẹro te emuọre.

2 Kọrẹnt 8:21

kidie ọ dianẹ obo ri vwo ọghọvwẹ obaro rẹ Ọrovwohwo ọvo avwanre roro-o ẹkẹvuọvo ji te obaro rẹ ihwo rẹ akpọ.