Jerimaya 31:34 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁴ Ohwo rhe se yọnọ ọrivẹ eyẹ omoni rọye ọfa-a, nẹ, Riẹn Ọrovwohwo na, kidie ayen ejobi cha riẹn vwẹ, nẹ otete rayen re te ọrode rayen, eriyin Ọrovwohwo tare, kidie me cha vwẹ orukuruku rayen vrẹn ayen, me gbe cha karohọ umwemwu rayen ọfa-a.

Jerimaya 31:34 ပူးပေါင်းရင်းမြစ်များ

1 Ikun rẹ Ivie 28:9

Wẹ, Solomọn rẹ ọmọ mẹ, riẹn Ọghẹnẹ rẹ esẹ wẹn, rere wọ ga vwẹ udu wẹn ejobi vẹ udu rẹ ẹguọnọ; kidie Ọrovwohwo re hiẹn ubiudu, ọ me rha riẹn iroro kiroro vẹ ona ejobi. Wọ da guọnọ, ku wọ mrẹ, ẹkẹvuọvo wọ da siọn, kọ djẹ wẹ kufia bẹdẹ.

Une rẹ Ejiro 25:7

Wọ karọhọ umwemwu rẹ ọkeemọ mẹ-ẹ, eyẹ ọgbeku mẹ na-a; kirobo re ẹguọnọ wẹn rọ rhẹriẹ-ẹ epha karohọ ovwẹ, fiki rẹ erhuvwu wẹn, E Ọrovwohwo!

Aizaya 11:9

Ayen cha wan ohwohwo oma-a vwe ugbenu ọfuanfon mẹ-ẹ; kidie akpọ na cha vọn vẹ erianriẹn rẹ Ọrovwohwo kirobo rẹ ame vọn urhie na.

Aizaya 29:24

Otu ri ghwruru vwẹ erhi ki che vwo eruọ, otu ri guẹ huhuhu ke cha rhọvwe uyono.

Aizaya 30:26

Ọ rọ ma rho urhukpẹ re emeranvwe kọ cha họhọ orẹmrẹ rẹ ọnre, ọremre re ọnre kọ rhọ asakueghwre kere orẹmrẹ rẹ edẹ ighwrẹ, vwẹ ẹdẹ rẹ Ọrovwohwo da cha gba ora rẹ ihwo rọye, ko sivwi ora rẹ ọye ọvo bruru.

Aizaya 33:24

O gbi vwo ohwo re orere na ọvuọvo rọ sa tanẹ, Me mwọga-a, ihwo re dia Etiyin ka vwe orukuruku rayen ghovwo ayen

Aizaya 33:6

kọye cha nẹrhẹ akpọ wẹn mu vi, esivwo buebu, ẹghwanre kugbe erianriẹn, oshọ rẹ Ọrovwohwo kọye cha dia efe rọye

Aizaya 38:17

Nighe, fiki rẹ erhuvwu mẹ ọye mi vwo vwẹ ivuemiovwo rode na, ẹkẹvuọvo we re da erhi mẹ ji ro vwo jẹ ọgọdọ rẹ ughwu e sheruọ, kidie wẹ ri geri umwemwu ejobi phihọ obuko.

Aizaya 43:25

Mẹvwẹ, Mẹvwẹ Ọye ri vwi fiki mẹ phoro orukuruku wẹ nu, Me gbe karohọ imwemwu wẹ-ẹ.

Aizaya 44:22

Mi hwerhe orukuruku wẹn kerẹ ikoro, umwemwu wẹn kerẹ evwru, rhivwi rhe, kidie me tan wẹ nure.

Aizaya 52:6

Fiki rẹ ọtiọye na ihwo mẹ ke riẹn odẹ Mẹ; vwẹ ẹdẹ yena kẹ ayen riẹn nẹ Mẹvwẹ re ta ota na, Mẹvwẹ na.

Aizaya 54:13

Emọ wẹn ejobi kẹ Ọrovwohwo ri yono ayen, erhuvwu rọ emọ wẹn ke cha rho gangan.

Jerimaya 24:7

Me kẹ ayen udu rẹ ayen vwọ riẹn nẹ mẹvwẹ Ọrovwohwo na; ayen cha dia ihwo mẹ ke me dia Ọghẹnẹ rayen, kidie ayen cha vwẹ udu rayen ejobi rhivwi bru uvwe rhe.

Jerimaya 32:40

Ke me vẹ ayen cha re ọphọ ri bẹdẹ bẹdẹ, iroro esiri re me jẹn kpahe ayen jovwo mi gbi siobọ nọ-ọ, ki mi phi oshoẹdjẹ mẹ phihọ udu rayen re ayen ju vwe ẹdjẹ jovwo.

Jerimaya 33:8

Ke me cha hworhẹ ayen nẹ abe rẹ umwemwu rẹ ayen ru kpahe ovwẹ na, ke me vwẹ abe rayen vẹ omẹriọ rayen ghovwo ayen.

Jerimaya 50:20

Vwẹ ẹdẹ yena vẹ ọke yena, eriyin Ọrovwohwo tare, a cha guọnọ orukuruku vwẹ Izrẹl, a gbe mrẹ vwọ-ọ, kugbe umwemwu vwi Juda a gbe rnrẹ ọvuọvo vwọ-ọ, kidie umuku ri mi che jovwo mi che vwo ghovwo ayen.

Jerimaya 9:23

Enẹ Ọrovwohwo tare: E jẹn ọvwaghwanre yoma rẹ aghwanre rọye-e, e jẹn ọgba vwẹ ẹgba rọye yoma-a, e jẹn ọdafe vwẹ efe rọye yoma-a,

Hosia 2:20

Me sa wẹ otọ vwẹ ọ rẹ uyota; ku wọ riẹn Ọrovwohwo na.

Maika 7:18

Ono Ọghẹnẹ rọ họhọ owẹ, rọ vwẹ orukuruku vwọ ghovwo ro mi gbobọnye ogbeku vwi fiki rẹ umuku rẹ ihwo rọye ri chekọ? O phiẹ ophu rọye phihọ evun bẹdẹ-ẹ fikiridie ẹguọnọ ro jẹrhẹriẹ ri je.

Maika 7:19

Ọ je rhoma re ehrọre rẹ avwanre, o che chiyi orukuruku rẹ avwanre muotọ. We re cha kpare imwemwu rẹ avwanre ejobi phihọ evun rẹ abadi.

Habakọk 2:14

Kidie otọ na cha vọn vẹ erianriẹn rẹ urinrin rẹ Ọrovwohwo na, kirobo rẹ ame phoro abadi na.

Matiu 11:27

Ọsẹ mẹ vwi kemu kemu na ejobi kẹ vwẹ, yẹ ohwo ọvuọvo riẹn ọmọ na-a, jokpa rẹ Ọsẹ na; ohwo ọfa riẹn Ọsẹ na-a, jokpa rẹ Ọmọ na kugbe ihwo rẹ Ọmọ na dje Ọsẹ na kẹ.

Iyẹnrẹ Esiri ri Luk 1:77

Kọ vwẹ ẹriẹn rẹ esivwo kẹ ihwo rọye, vẹ evwoghovwo rẹ imwemwu rayen,

Iyẹnrẹ Esiri ri Jọn 17:3

Ọnana hẹ arhọ ro vwo oba-a na, rere ayen vwọ riẹn owẹ ọvo rẹ Ọghẹnẹ rẹ uyota na, kugbe Jesu Kristi ru wo ji rhe na.

Iyẹnrẹ Esiri ri Jọn 17:6

Me vwẹ odẹ wẹn phia kẹ ihwo re wọ kẹ vwẹ vwẹ evun rẹ akpọ na; ewẹn ayen ruẹ, kẹ owẹ re vwẹ ayen kẹ vwẹ, ayen da sẹro rẹ ota wẹn.

Iyẹnrẹ Esiri ri Jọn 6:45

E siro phihọ ọbe rẹ emraro na nẹ, Ọghẹnẹ ọvo ko che yono ayen ejobi. Kohwo kohwo ro nyori ro de yono mie Ọsẹ na ko bru uvwe rhe.

Iruo rẹ Iyinkọn na 10:43

Ọye emraro na ejobi se iseri kẹ nẹ kohwo kohwo ro sere gbuyota kọ vwo evwoghovwo rẹ imwemwn fiki rẹ odẹ rọye.

2 Kọrẹnt 2:10

Ohwo re ovwan vwo ghovwo, yi mi ji vwo ghovwo rhe. Obo ri mi vwo ghovwo, ọ da dianẹ mi vwẹ emu ọvo ghovwo ohwo, yi ki fiki rẹ ovwan vwẹ obaro ri Kristi,

2 Kọrẹnt 4:6

Kidie Ọghẹnẹ re tare nẹ, E jẹn urhukpẹ lo nẹ evun rẹ ebri rhe, ro lo mu udu rẹ avwanre ro vwo dje urhukpẹ rẹ erianriẹn rẹ urinrin rẹ Ọghẹnẹ vwẹ opharo ri Kristi.

Ẹfesọs 1:7

Evun rọye avwanre wan vwo ẹtanhirhe vwẹ oma rẹ ọbara rọye, evwoghovwo rẹ urhi ẹchọ rẹ avwanre, kirobo rẹ ẹserọphẹ rọye bute

1 Tẹsalonaika 4:9

Ẹkẹvuọvo vwọ kpahe ẹguọnọ rẹ imoni na o rhe fo rere ohwo ọvo vwo si rhe ovwa-an, kidie Ọghẹnẹ yono ekpuyovwi rẹ ovwan nẹ ohwohwo guọnọ ohwohwo.

Hibru 5:12

Kidie rhi te ọke nana iyono e rori nẹ ovwan a dia, ovwan ke rha hẹrhẹ nẹ e gbe yono ovwan iji rẹ ota rẹ Ọghẹnẹ. Ovwan guọnọ evie, ọ dia emuọre ọgangan.

Hibru 8:11

Ayen ohwohwo gbi che yono ohwo-o eyẹ oniọvo yono oniọvo-o, tanẹ, Riẹn Ọrovwohwo na, kidie ayen ejobi cha riẹn vwẹ, nẹ omotete rhi duvwu ọkpako.

Hibru 8:12

Kidie mi ni arodọvwẹ kẹ imwemwu rayen, me gbe karohọ imwemwu rayen ọfa-a.

1 Jọn 2:20

Ẹkẹvuọvo Ọfuanfon Ọvuọvo na vwẹ evwri ghworo ovwan nure, yẹ ovwan ejobi riẹnrẹ.

1 Jọn 2:27

ẹkẹvuọvo evwoghworo na rẹ ovwan reyọ mie na ọ vẹ ovwan herọ, o rhe fo rere ohwo rhe yono ovwa-an; kirobo rẹ evwoghworo rọye yono ovwan emu kemu na, ọye na hẹ uyota, ọ dia efia-an, ọtiobo ro yono ovwan na, ovwan dia evun rọye ọtiọye.

1 Jọn 5:20

Yẹ avwanre riẹnre nẹ Ọmọ rẹ Ọghẹnẹ na rhe nure ọ da kẹ avwanre ẹruọ, ra vwọ riẹn ohwo rẹ uyota; evun rẹ ohwo rẹ uyota na kọye avwanre epha, evun rẹ Ọmọ rọye na Jesu Kristi. Ọnana hẹ Ọghẹnẹ rẹ uyota kugbe arhọ ri bẹdẹ na.

1 Samuẹl 2:12

Asakiephana emọ rẹ Eli kẹ erharhe rẹ ihwo; ayen se Ọrovwohwo gbe emu-u.