Jerimaya 31:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ọrovwohwo da vwẹ oma nẹ vwẹ ogboko. Ẹguọnọ ro jẹrhẹriẹ ri bẹdẹ bẹdẹ me vwọ guọnọ owẹ, ọtioye na uyota mẹ je herọ kẹ wẹ.

Jerimaya 31:3 ပူးပေါင်းရင်းမြစ်များ

1 Ivie 10:9

Ebruba kẹ Ọrovwohwo Ọghẹnẹ wẹn, rẹ ivun wẹ vwerhere rọ da vwẹ owẹ tidia ekete rẹ Izrẹl. Fikiridie Ọrovwohwo guọnọ Izrẹl bẹdẹ, kọye ọ vwọ vwẹ owẹ mu ovie, rere wo vwo brorhiẹ rẹ ọsoso vẹ ọvwata.

Une rẹ Ejiro 103:17

Ẹkẹvuọvo ẹguọnọ ro je rhẹriẹ rẹ Ọrovwohwo na herọ rhiri bẹdẹ bẹdẹ vwe enu re otu re dje oshọ rọye, ọvwata rọye ne emọ ra ro emọ,

Une rẹ Ejiro 25:6

Karohọ arodọvwẹ wẹn na, E Ọrovwohwo, kugbe ẹguọnọ wẹn ro je rhẹriẹ, kidie ayen herọ nẹ awanre rhe.

Solomon 1:4

Si vwe te oma wẹn, jẹn avwanre bru okpakpa. Ovie reyọ ovwẹ rhe uvun rọye. Oma ko di mu avwanre sanvwan ki mi di muẹ ghọghọ. Avwanre tete ẹguọnọ wẹn nọ udi Ọye sorọ rẹ ayen vwọ guọnọ owẹ.

Aizaya 43:4

Kidie wẹ ọghaghare kẹ vwẹ, wẹ ro vwọ ọghọ, ivun wẹn da vwerhe ovwẹ, Me da vwe ihwo wene ke wẹ, ihwo kọye e vwọ wene arhọ wẹn.

Aizaya 45:17

Ẹkẹvuọvo Izrẹl Ọrovwohwo ri sivwiro vẹ esivwo ri bẹdẹ, wọ cha mrẹ omaẹvuọ-ọ eyẹ ozighi-i rhiri bẹdẹ.

Aizaya 49:14

Ẹkẹvuọvo Zayọn da ta, Ọrovwohwo sen vwẹ, Ọrovwovwe gbe karohọ ovwẹ-ẹ.

Hosia 11:1

Ọke rẹ Izrẹl vwọ hẹ omotete, me da guọnọ mi de se ọmọ me nẹ Ijipt rhe.

Hosia 11:4

Me da vwẹ irihrẹ rẹ ehrọnre vwo sun ayen, vẹ ufi rẹ ẹguọnọ. Mi de rhi hirhe phihọ ohwo ro dogho urhukpe re vwo mu ohwo vwọ kẹ ayen, Mi de rhuẹn kpotọ ra ghẹrẹ ayen.

Malakae 1:2

Mẹvwẹ re guọnọ owe, eriyin Ọrovwohwo tare. Ẹkẹvuọvo wọ tare nẹ, Mavọ wọ guọnọ avwanre te? Isọ dia oniọvo ri Jekọp? eriyin Ọrovwohwo tare. Dede na ye me guọnọ Jekọp,

Ọbe ri Pọl si rhe Ihwo ri Rom 8:30

Ihwo rọ kẹ atarhe jovwo na ọye o ji se; ihwo ro seri eye o brorhiẹ kẹ; ayen otu ro brorhiẹ kẹ eye ọ je vwẹ urinrin kẹ rhe.

Ọbe ri Pọl si rhe Ihwo ri Rom 9:13

Kirobo re siro, Ivun ri Jekọp vwerhe ovwẹ, ẹkẹvuọvo oma rẹ Isọ tuvwe.

Urhi Rivẹ 10:15

Ọrovwohwo ọvo vwo ivuavwerhe kpahe esẹ rẹ ovwan je guọnọ ayen, ọ da jẹn emọ rayen re cha vwẹ uko reyọ, kọye ovwan vwọ enu rẹ ihwo na ejobi, kirobo rọ epha nonẹ na.

Urhi Rivẹ 33:26

Ọvuọvo rọ họhọ Ọghẹnẹ herọ-ọ, E Jeshurun, ọ rọ djẹ wan odjuvwu rhe re chọ wẹn uko na, ọ vẹ ọrho rọye da wan enu vrẹn.

Urhi Rivẹ 33:3

Uyota, ọ guọnọ ihwo rọye; otu re vwo ve kẹ na ejobi e hẹ obọ rọye; eriyin ayen vwo nene ichiyi rọye, vwọ reyọ isuesun nẹ obọ rọye rhe

Urhi Rivẹ 4:37

Fikiridie ọ guọnọ esẹ rẹ ovwan, kọye ọ vwọ jẹ uvwiẹ rayen reyọ rẹ ayen vwo ghwu nu, ọ da vwẹ opharo rọye ji kugbe ogangan rọye rode na reyọ owẹ phia, nẹ Ijipt rhe;

2 Timoti 1:9

ro sivwi avwanre ro se avwanre rhe use ọfuanfon rọye, ọ dianẹ ki fiki rẹ iruo rẹ avwanre-e ẹkẹvuọvo kirobo rẹ uruemu vẹ ẹserọphẹ rọye epha rọ vwọ kẹ avwanre vwẹ ọma ri Krisfi Jesu rhahae rhe,

Jems 1:18

Ọhọre obọ rọye o vwọ reyọ avwanre ru emọ vwẹ oma rẹ ota rẹ uyota na, o de ru avwanre rere, avwanre vwọ dia oka rẹ emamọ rẹsosuọ rẹ ihwo rọ ka ma.

1 Pita 1:3

Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi! Ra vwẹ arodọvwẹ rọye rọde na rhoma vwiẹ avwanre ọkpokpọ kẹ iphiẹrohọ ro jeghwo vwẹ oma rẹ evrẹnushi ri Jesu Kristi nẹ ughwu rhe,

1 Jọn 4:19

Avwanre guọnerọ, fikiridie ọye re ka guọnọ avwanre.