Jerimaya 31:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Enẹ Ọrovwohwo rẹ otuofovwi na tare, Ọghẹnẹ rẹ Izrẹl: Ayen cha rhoma ta eta nana vwẹ otọ ri Juda vẹ irere rọye ọke re me da vwẹ oyovwe rayen rhe nu: Ọrovwohwo bruba kẹ wẹ, E ẹdia rẹ ọvwata, E ugbenu ọfuanfọn!

Jerimaya 31:23 ပူးပေါင်းရင်းမြစ်များ

Une rẹ Ejiro 128:5

Ọrovwohwo bruphihọ kẹ wẹ nẹ Zayọn rhe! Ju we mrẹ erhuvwu ri Jerusalẹm vwẹ edẹ rẹ akpọ wẹn ejobi!

Une rẹ Ejiro 129:8

ye otu re wanvrẹn sa ta-a, Ebruphihọ rẹ Ọrovwohwo dia enu wẹn! Avwanre bruphihọ kẹ wẹ vwẹ odẹ rẹ Ọrovwohwo na.

Une rẹ Ejiro 134:3

Jẹn Ọrovwohwo na bruba kẹ wẹ nẹ Zayọn rhe, ọ rọ ma odjuvwu vẹ akpọ!

Une rẹ Ejiro 28:9

E sivwi ihwo wẹn, re wo bruphihọ kẹ ireuku wẹn, dia osuigegede rayen, re wọ ghwa ayen bẹdẹ.

Aizaya 1:21

Mavọ orere esiri na rhe rhi hirhe oma phihọ igberadja; ọ rọ vọnre vẹ uyota! Ọvwata rhuẹn phihọ jovwo ẹkẹvuọvo ọke nana kẹ izighẹ.

Aizaya 1:26

Ki mi rhoma vwẹ iguẹdjọ wẹn mu kerẹ ọke rẹ ẹsosuọ ediẹguare wẹn kirobo re epha notọrhe. Ukuko rọye ke che se we orere re ọvwata, orere re esiri na.

Aizaya 11:9

Ayen cha wan ohwohwo oma-a vwe ugbenu ọfuanfon mẹ-ẹ; kidie akpọ na cha vọn vẹ erianriẹn rẹ Ọrovwohwo kirobo rẹ ame vọn urhie na.

Aizaya 32:16

Osọsọ kọ cha dia evun re aghwa na ọvwata kọ cha dia udju rọ yọvwe emu.

Aizaya 33:5

Ọrovwohwo na a kpare kpenu, kidie obenu ọ dia; kọ cha vọn Zayọn ve ọsoso kugbe ọvwata;

Aizaya 60:21

Ihwo wẹn ejobi ke cha dia evwata; ayen ki che vwo otọ na bẹdẹ, eyoro cha rẹ ekankọn Mẹ, iruo re abọ Mẹ, rere a mrasan vwe urinrin kẹ vwẹ.

Jerimaya 29:14

Ovwan ke mrẹ vwẹ, eriyin Ọrovwohwo tare, ke me vwẹ ughwẹ rẹ ovwan rhivwi rhe ovwan ke me ghwe ovwan nẹ ẹgborho vẹ asan re me djẹ ovwan ra ejobi rhe, eriyin Ọrovwohwo tare, me je ghwa ovwan rhivwi nẹ asan ri mi mu ovwan ra kpo ighuvwu na.

Jerimaya 30:18

Enẹ Ọrovwohwo tare: Nighe, me vwẹ erhieyovwo rhivwi rhe itughẹ ri Jekọp, Ke me re ehrọre kẹ ẹdia rọye; a cha rhoma bọn orere na phihọ ugbenu rọye, ighẹn ke dia asan rọ dia jovwo.

Jerimaya 32:44

A cha vwẹ igho de idju vwọ vwobọ ọbe rẹ eshashẹ ka ghwẹ obọ phihọ ji se oseri kpahọ vwẹ otọ ri Benjamin, vwẹ asan re yariẹ Jerusalẹm phihọ kugbe irere ri Juda, vwẹ irere rẹ obọ igbenu na, vwẹ irere re obi Shefela, kugbe evun rẹ irere rẹ obi Nẹgẹb na; kidie me cha vwẹ oyovwe rayen rhivwi rhe ayen, eriyin Ọrovwohwo tare.

Jerimaya 50:7

Otu re mrẹ ayen ejobi da guọghọ ayen, ivwighrẹ rayen da tanẹ, Ma re abe-e, kidie ayen ru umwemwu kpahe Ọrovwohwo, ẹdia rẹ esẹ rayen na.

Ọbe rẹ Ọmraro Ọbadaya Obadaya 1:17

Ẹkẹvuọvo vwẹ Ugbenu ri Zayọn ka cha mrẹ otu re djẹ vabọ, kọ cha dia fuanfọn, uwevwi ri Jekọp kọye che vwo eyenre rayen.

Maika 4:1

Rẹ ẹdẹ na de che te vwẹ ukuko rọye ugbenu rẹ uwevwi rẹ Ọrovwohwo na ko che muvi kerẹ ugbenu ro Me kpenu ejobi, ka cha kparo kpenu nọ imigbenu na ejobi; ihwo ki che rhurie ruọ.

Zekaraya 8:3

E nẹ Ọrovwohwo tare: Mi che rhivwi kpo Zayọn, ke Me dia uherevie ri Jerusalẹm, ke se Jerusalẹm orho rẹ uyota, ugbenu rẹ Ọrovwohwo rẹ otuofovwi na, ugbenu ọfuanfọn.

Rutu 2:4

Nighe, Boaz de nẹ Bẹtlẹhẹm rhe, ọ da ta kẹ otu re kọrọ eka na, Ọrovwohwo nene ovwan dia! Ayen da kpahe kẹ, Ọrovwohwo bruphiho kẹ wẹ