Jerimaya 31:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Ifrem ọmọ ọghaghare mẹ na? Ọmọ rọ je vwe o ruẹ? Kidie ọke kọke me da ta ota kpahọ ejobi ye me je karọ phihọ Eriyin na udu mẹ kọ viẹ kpahọ; omuẹro mi che ni aruẹdọ roye, eriyin Ọrovwohwo tare.

Jerimaya 31:20 ပူးပေါင်းရင်းမြစ်များ

Jẹnẹsis 43:30

Etiyin Josẹf de bru okpakpa, kidie ọhoho rẹ oviẹ gbahọ udu fiki rẹ oniọvo rọye na, ọ da guọnọ asan rọ da viẹ. Ọ da ro uvun rọye ọ da viẹ.

1 Ivie 3:26

Etiyin aye rẹ ọmọ rọye hẹ ọkpokpọ na da ta kẹ ovie, fikiridie oma rẹ rinrio fiki rẹ ọmọ rọye na, E, ọrovwovwe vwẹ ọmọ ọkpokpọ na kẹ, wo je hwe kaka-a. Ẹkẹvuọvo ọrivẹ da ta, Mi vwo vwọ-ọ, o ji vwo vwọ-ọ; gharọ.

Une rẹ Ejiro 103:13

Kirobo re ọsẹ pẹpẹ emọ rọye, ọtiọye Ọrovwohwo je vwẹ obọ pẹpẹ otu re djẹ oshọ rọye.

Isẹ 3:12

kidie ohwo rẹ Ọrovwohwo guọnọre ọye ọ ghwọ kuẹ, kirobo rẹ ọsọmọ ghwọ kuẹ ọmọ rẹ ivun rọye ma vwerhọ.

Solomon 5:4

Ọnse mẹ ro je vwe, da vwẹ obọ hworo ẹchẹ, oma ko mu vwe sanvwa vwẹ evun mẹ.

Aizaya 16:11

Fiki rẹ eriyin na erhi mẹ ro brenu kerẹ owanre fiki ri Moab, eriyin udu mẹ je epha kẹ vwọ Kir-heres.

Aizaya 30:18

Fiki rẹ ọtiọye na Ọrovwohwo vwọ hẹrhẹ rọ vwọ ni arodọvwẹ wẹ kọye ọ da vwẹ oma rọye kpenu ro vwo dje aruẹdọn rọye kẹ wẹ. Kidie Ọrovwohwo ọye Ọghẹnẹ rẹ ọsoso ebruba kẹ ayen ihwo re hẹrhereẹ.

Aizaya 55:7

Jẹn oruimwemwu je imwemwu rọye vwo, re ohwo umwemwu jẹ iroro ọbrabra rọye vwo, jẹn o rhivwi bru Ọrovwohwo, rere o ni arodọvwẹ rọye, bru Ọrovwohwo, kidie evwoghovwo rhere buebu.

Aizaya 63:15

Ki ni otọ nẹ obo odjuvwu rhe re wọ mrẹ, nẹ ẹdia ọfuanfon rẹ urinrin wẹn. Tivọ oruru wẹn vẹ ẹgba wẹn epha? Ẹrọerhe re udu wẹn kugbe ehrọre wẹn e si ayen nu kẹ vwẹ.

Jerimaya 3:12

Ra, re ghwoghwo eta nana vwẹ obọhwẹre rẹ ọnre, wọ tanẹ, Rhivwi Izrẹl rẹ igberadja na, eriyin Ọrovwohwo tare. Mi gbi vwẹ ophu ni we-e, kidie me vọnre vẹ aruẹdọ, eriyin Ọrovwohwo tare.

Jerimaya 3:19

Mi de roro nẹ komavọ mi vwo se phi we phihọ ohri rẹ emọ mẹ, re me vwẹ otọ esiri na kẹ ovwan uku ro me yovwi vwẹ irere na ejobi. Ki mi ji roro nẹ ovwan che se vwe, Ọsẹ mẹ, nẹ ovwan gbi che nene uvwe-e

Jerimaya 31:9

Ayen che rhivwi cha, vẹ oviẹ ji kugbe uchebro mi vwo sun ayen rhivwi. Mi che ru ayen yan vwẹ orhoma rẹ ame, vwẹ idjerhe ọphiọnphiọn rẹ ayen de je she, kidie mẹvwẹ ọse kẹ Izrẹl, Ifrem ji ọmọkpako mẹ.

Jerimaya 33:26

kẹsiẹye me ke siẹn uvwie ri Jekọp vẹ Devid odibo mẹ mia rha sanọ ọvo vwẹ emọ rọye na nẹ ọ re uvie vwẹ enu rẹ uvwiẹ rẹ Ebraham, Aizik, vẹ Jekọp ofa-a. Kidie me cha vwẹ oyovwe rayen rhivwi rhe ki mi ji che ni arodọvwẹ rayen.

Jerimaya 48:36

Ọtiọye na udu mẹ ko vwerhoma oma kẹ Moab kerẹ owanre, udu me je vwerhoma kerẹ owanre kẹ ihwo ri Kaheres; vwẹ ọtiọye na efe rẹ ayen kọn koko da ghwọrọ.

Uvwerhe 3:22

Ẹguọnọ ro jẹrhẹriẹ rẹ Ọrovwohwo na o re-e, arodọvwẹ rọye vwo oba-a.

Izikiẹl 33:11

Ta kẹ ayen, kirobo re me herọ na, eriyin Ọrovwohwo Ọghẹnẹ tare, mi vwo omavwerhovwẹ vwẹ ughwu rẹ ohwumwemwu-u, ẹkẹvuọvo rẹ ohwu-mwemwu rhẹriẹ oma nẹ idjerhe rọye re ọ rhọ, rhẹriẹ oma, rhẹriẹ oma nẹ idjerhe ọbrabra wẹn, kidie wo di vwo ghwu, E uwevwi rẹ Izrẹl?

Hosia 14:4

Mi sivwi ijesegbuyota rayen ke me guọnọ ayen odedede, fikiridie ophu mẹ fuẹ nure.

Livitikọs 26:44

Rọ vwọ dia ọtiọye dede na, re ayen cha vwọ dia orho re ihwo efa na, mi che si ẹro ne aye-en, mi ji che tue oma rẹ ayen re te obo ri mi vwo bru ayen kufia kakare-e ri mi de miovwo ọphọ re Me vẹ ayen rere-e, kidie Mẹvwẹ Ọrovwohwo Ọghẹnẹ rayen;

Iyẹnrẹ Esiri ri Luk 15:24

Kidie ọmọ me nana ghwuru jovwo, ọ rhoma varhe; o ghwruru jovwo, a rhoma mrẹ. Kẹ ayen ghọghọ.

Iyẹnrẹ Esiri ri Luk 15:32

O fori re vwo omavwerhe ra ghọghọ, kidie oniọvo wẹn nana ghwuru jovwo, ọ rhoma varhe, o ghwruru jovwo, a rhoma mrẹ,

Urhi Rivẹ 32:36

Kidie Ọrovwohwo che brorhiẹ kẹ ihwo rọye ro de ni arodovwẹ rẹ idibo rọye, ọke rọ da mrẹ nẹ ogangan rayen reri, nẹ ọvuọvo gbi chekọ-ọ, te ọviẹn vẹ ọmuvwiẹ dede.

Filipae 1:8

Kidie Ọghẹnẹ hẹ oseri mẹ, obo rẹ urhuru rẹ ovwan ejobi sivwe te vwẹ ẹguọnọ ri Kristi Jesu.

Iguẹdjọ 10:16

Ọtiọye na ayen da kua edjọ erhorha na nẹ oma rayen kufia ayen da ga Ọrovwohwo na; ophu de muo fiki rẹ omẹnaghọ rẹ Izrẹl