Jerimaya 31:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Enẹ Ọrovwohwo tare: Ihwo re vabọ rẹ ọlọkọ ke mrẹ ẹserọphẹ vwẹ aghwa; vwẹ ọke rẹ Izrẹl vwọ guọnọ omerovwo,

Jerimaya 31:2 ပူးပေါင်းရင်းမြစ်များ

Une rẹ Ejiro 78:52

Etiyin ọ de sun ihwo rọye kerẹ igodẹ, ọ da rhẹrẹ ayen vwẹ evun rẹ aghwa kerẹ ekru rẹ igegede.

Une rẹ Ejiro 95:11

Fiki re ọtiọye na ki mi duvwi iyori vwe ophu mẹ ne ayen gbe cha ro urovwoma mẹ-ẹ.

Ẹyano 1:16

Ọ da vuẹ ayen nẹ, ọke wo de vwiẹ eya rẹ Hibru na, rẹ ọmọ na de ghwe shotọ, ọ da dia ọmọshare, we mi ghwe hwe nu, ọ da dia ọmọtẹ wo mi jọ dia akpọ.

Ẹyano 1:22

Fero de ji urhi kẹ ihwo rọye ejobi, nẹ ọmọshare kọmọshare rẹ ihwo rẹ Hibru na vwiẹri ejobi we mu ayen phiyọ Nail, ẹkẹvuọvo wa yan jẹn ọmẹtẹ vwo vwẹ akpọ.

Ẹyano 12:37

Ihwo rẹ Izrẹl de mu oyan phihọ nẹ Ramesis kpo Sukọt, ayen kerẹ ihwo odu-esan re vwẹ owọ yan, e kerẹ eya vẹ imitete-e.

Ẹyano 2:23

Vwẹ evun rẹ ọke buebu yena, ovie rẹ Ijipt de rhi ghwu. Emọ rẹ Izrẹl ki brenu fiki rẹ ọviẹn rẹ ayen epha na, ayen da viẹ, oviẹ rayen de bru Ọghẹnẹ rhe.

Ẹyano 33:14

Etiyin ọ da ta, Ekpuyovwi mẹ nene uwe ra, ke me kẹ wẹ urovwoma.

Ẹyano 5:21

Ayen da ta kẹ Mosis vẹ Erọn, “Ejẹ Ọrovwohwo ni ovwan ro brorhiẹ, kidie wo ru avwanre vwọ dia ihwo ebrabra vwẹ obọ rẹ Fẹro vẹ idibo rọye, we de phi ọlọkọ phiyọ obọ nẹ o vwo hwe avwanre.

Jerimaya 2:2

Yanran wo re ghwoghwo kẹ ihwo rẹ Jerusalẹm, Ene Ọrovwohwo tare, Me karohọ ẹga rẹ ọke emọ wẹn, ẹguọnọ wẹn kerẹ ọpha, obo wo nene uvwe te vwẹ evun rẹ aghwa vwẹ otọ ra kọnre-e.

Izikiẹl 20:35

Me cha reyọ owẹ rhe aton rẹ ihwo, ke etiyin me vẹ owe de hirhe aro ku ohwohwo de gu ẹdjọ.

Hosia 11:4

Me da vwẹ irihrẹ rẹ ehrọnre vwo sun ayen, vẹ ufi rẹ ẹguọnọ. Mi de rhi hirhe phihọ ohwo ro dogho urhukpe re vwo mu ohwo vwọ kẹ ayen, Mi de rhuẹn kpotọ ra ghẹrẹ ayen.

Ukeri 10:33

Etiyin ayen de mu oyan phihọ nẹ ugbenu rẹ Ọrovwohwo na, oyan rẹ ẹdẹ erha; ekpeti rẹ ọphọ rẹ Ọrovwohwo na, da ka obaro kẹ ayen vwẹ oyan rẹ ẹdẹ erha tavwe, ra guọnọ asan re de rovwoma ke ayen.

Ukeri 14:20

Etiyin Ọrovwohwo da ta, Mi vwo ghovwo ayen, kirobo rẹ ota wẹn epha;

Matiu 11:28

Bru vwe rhe ihwo rẹ owian kugbe oghwa bẹn, Me kẹ ovwan ufuoma.

Urhi Rivẹ 1:30

Ọrovwohwo Ọghẹnẹ rọ karo kẹ ovwan na, cha họnre kẹ ovwan, kirobo ro ru kẹ ovwan vwẹ otọ te Ijipt vwẹ aro rẹ ovwan na;

Urhi Rivẹ 1:33

ohwo ro karo kẹ ovwan vwẹ idjerhe na, rere Ọ guọnọ asan rẹ ovwan bọn itughẹ phihọ kẹ ovwan, vwẹ evun rẹ erhanre vwẹ ason vwo dje idjerhe rẹ ovwan wan kẹ ovwan, uvo kẹ egho.

Urhi Rivẹ 12:9

kidie we ji te omerovwo yẹ ukuẹriọ na-a, rẹ Ọrovwohwo wẹn kẹ ovwan na-a.

Urhi Rivẹ 2:7

Kidie Ọrovwohwo Ọghẹnẹ rẹ ovwan bruba iruo rẹ obọ rẹ ovwan ejobi nure; ọ riẹn oyan rẹ ovwan re wa yanre wan aton na; vwẹ ikpe ujuvẹ nana rẹ Ọrovwohwo rẹ Ọghẹnẹ rẹ ovwan vwo nene ovwan dia na; emu ọvuọvo rọ karo ovwan herọ-ọ.

Urhi Rivẹ 8:16

ọ rọ vwẹ mana ghẹrẹ owẹ vwẹ evun rẹ aghwa na, mana rẹ esẹ wẹn riẹnre-e; ro vwo ru we vwẹ oma kpotọ, rọ vwọ davwẹ owẹ ni, ro vwo ru we yovwi vwẹ oba rẹ akpọ wẹn;

Joshua 1:13

Karophihọ ota ri Mosis odibo rẹ Ọrovwohwo ta kẹ owẹ, tanẹ, Ọrovwohwo Ọghẹnẹ na cha kẹ wẹ asan rẹ omaerovwo, kọ je kẹ wẹ otọ nana.