Jerimaya 31:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Mi nyo Ifrem rọ herọ viẹ, We re fa vwẹ, a da je fa vwẹ, kerẹ ọmọ rẹ erhuẹn re je yono; reyọ ovwẹ rhivwi rere a reyọ ovwọ, kidie wẹ hẹ Ọrovwohwo Ọghẹnẹ mẹ.

Jerimaya 31:18 ပူးပေါင်းရင်းမြစ်များ

ỌBE RẸ JOB 5:17

Nighe, aghọghọ kẹ ohwo rẹ Ọghẹnẹ ghwọku; fiki rẹ ọtiọye na wọ sian efafa re Ọrovwoẹgba na-a.

Une rẹ Ejiro 118:18

Ọrovwohwo na ghwọ ku vwe brabra, ẹkẹvuọvo o ji siobọ nẹ uvwe ke ughwu-u.

Une rẹ Ejiro 119:67

Favwe me kẹ mrẹ ọdjarhe ye me yan ghwru; ẹkẹvuọvo asakiephana me yọnrọn ota wẹn.

Une rẹ Ejiro 119:75

Me riẹnre, E Ọrovwohwo, nẹ orhiebro wẹn ọsoso, ne ọdjarhe mẹ mrẹ re na dje uyota wẹn phia.

Une rẹ Ejiro 31:15

Ọke mẹ ọ hẹ obọ wẹn; sivwi uvwe nẹ obọ rẹ ivwighrẹ mẹ kugbe otu ri mu vwe!

Une rẹ Ejiro 32:9

Wọ rha dia kerẹ iyesi eyẹ ekẹtẹkẹtẹ rọ riẹn emuọvo-o, ra vwe ufi vẹ ejọnrọn vwọ gba unu tavwe rọ ke riẹn ohwo-o.

Une rẹ Ejiro 80:19

Vwẹ avwanre rhivwi rhe, E Ọrovwohwo Ọghẹnẹ rẹ otuofovwi! jẹn opharo wẹn lo, rere ma vwọ sa rhọ!

Une rẹ Ejiro 80:3

Vwẹ avwanre rhivwi rhe, E Ọghẹnẹ, jẹn opharo wẹn lọ, rere ma vwọ sa rhọ!

Une rẹ Ejiro 80:7

Vwe avwanre rhivwi rhe, E Ọghẹnẹ rẹ otuofovwi, jẹn opharo wẹn lo, rere ma vwọ sa rhọ!

Une rẹ Ejiro 85:4

Vwẹ avwanre rhivwi rhe, E Ọghẹnẹ re esivwo rẹ avwanre, re wo se ivuemiovwo wẹn ne avwanre oma!

Une rẹ Ejiro 94:12

Ebruphihọ kẹ ohwo ru wọ ghwọ ku, E Ọrovwohwo kugbe ohwo ru wo yono nẹ evun re urhi wẹn rhe

Isẹ 26:3

A vwẹ ophiaphia fa esi, a me rha vwẹ ufi gba unu rẹ ekẹtẹkẹtẹ, ukpokpo kọye a vwọ ghwiẹ ugbuko rẹ ẹkpa.

Isẹ 29:1

Ohwo ra ghwọ kuẹ kọke kọke, yẹ udu rọye gan phihọ, che she kpregede e rhe che se sivwo-o.

Isẹ 3:11

Ọmọ mẹ, wọ jẹ uchebro rẹ Ọrovwohwo na fia-a eyẹ wo jẹ ofu rẹ ẹghwọ rọye dje we-e;

Aizaya 1:5

Die re je ghwiẹ wẹ, ri wo ji vwo kpokpo? Uyovwi na ejobi rọ mwọga, udu na ejobi oma rọ rhọ.

Aizaya 51:20

Emọ wẹn shero, ayen riẹn phihọ unuada rẹ urhuvwu kerẹ uguzuma ro mu ariri, ayen vọnre vẹ ophu rẹ Ọrovwohwo, ekan eharhọ rẹ Ọghẹnẹ wẹn

Aizaya 53:7

Eshenye, e gbe oja kẹ re, dede na o rhie unu rọye-e; kerẹ ọgegede ro diunu re re hwe, kerẹ ogegede ra ra bọrọ ẹton nu diunu na, eriyin o rhie unu rọye-e.

Aizaya 63:16

Kidie we he Ọsẹ rẹ avwanre, dede na nẹ Ebraham riẹn avwanre-e , Izrẹl je mrẹ avwanre vughe-e, we, E Ọrovwohwo, ọye Ọsẹ rẹ avwanre, Ọtan rẹ avwanre nẹ ọke rẹ awanre rhe ọye odẹ wẹn.

Aizaya 9:13

Ihwo na rhivwi bru ọ rọ ghwiẹ aye-en eyẹ vwọ guọnọ Ọrovwohwo rẹ otuofovwi na-a.

Jerimaya 17:14

Sivwẹ uvwe, E Ọrovwohwo, ki mi vwo esivwo, sivwẹ uvwe rhọ, re me vwọ sa rhọ, kidie wẹ yẹn ejiro mẹ.

Jerimaya 2:30

Mi hwe emọ rẹ ovwan dede na, yẹn ayen vwiro ku obọ rhẹriẹ-ẹ, Ọlọkọ rẹ obọ wẹn hwe emraro wẹn kerẹ okpohrokpo rọ chẹghẹ emu.

Jerimaya 3:25

Jẹn avwanre ji sherhẹ vwẹ evun rẹ omẹvuọ rẹ avwanre, ji jẹ ọghọ emuo rẹ avwanre ji rhurhu avwanre, kidie avwanre vẹ esẹ rẹ avwanre ru umwemwu kpahe Ọrovwohwo Ọghẹnẹ rẹ avwanre nẹ ọke emọ rẹ avwanre rhe rhi te nonẹ na; avwanre ji nyo urhuru rẹ Ọrovwohwo Ọghẹnẹ rẹ avwanre na-a.

Jerimaya 31:6

Kidie ẹdẹ hero rẹ erhẹrotọ che vwo se vwẹ orere rẹ ugbenu rẹ Ifrem: Vrẹn, re e yeri kpo Zayọn, bru Ọrovwohwo Ọghẹnẹ rẹ avwanre.

Jerimaya 31:9

Ayen che rhivwi cha, vẹ oviẹ ji kugbe uchebro mi vwo sun ayen rhivwi. Mi che ru ayen yan vwẹ orhoma rẹ ame, vwẹ idjerhe ọphiọnphiọn rẹ ayen de je she, kidie mẹvwẹ ọse kẹ Izrẹl, Ifrem ji ọmọkpako mẹ.

Jerimaya 5:3

E Ọrovwohwo ẹro wẹn gbe rha mrẹ uyota? wọ teyọ ayen she, ẹkẹvuọvo yọ miavwẹ aye-en. Wọ guọghọ ayen yẹ ayen kuobọ rhẹriẹ-ẹ, ayen ru opharo rayen gan nọ oragha ayen rhọvwe kurhẹriẹ-ẹ.

Uvwerhe 5:21

Sẹ avwanre te oma wẹn E Ọrovwohwo, rere avwanre si kẹre owẹ. Ru ẹdẹ rẹ avwanre ọkpokpọ kerẹ ọke rẹ awanre.

Izikiẹl 20:43

Oboyi wọ da cha karohọ idjerhe wẹn kugbe uruemu ejobi ru wo vwo miovwo oma wẹn, oma wẹn ko tu we oma fiki rẹ umwemu ejobi ru wo ruru.

Daniẹl 9:13

Kirobo re siro phiho urhi ri Mosis, ukpokpogho nana ejobi bru avwanre rhe, rhi te ọke na avwanre ji re yovwunu je siẹn ọgbẹvwẹ kẹ Ọrovwohwo Ọghẹnẹ ra avwanre-e, rẹ avwanre da rhẹriẹ nẹ orukuruku rẹ avwanre, vwọ nabọ kerhọn rẹ uyota wẹ-ẹn.

Hosia 10:11

Ifrem umuomuo rẹ erhuẹn re yonori rẹ oma rẹ owian vwerha, me da yan jẹn oghwa rọ hẹ ohọre rọye vwo; ẹkẹvuọvo me cha gba urhekpe mu ohọre rẹ Ifrem, Juda ko che voro ivoro, Jekọp kọ che tuetue odi kẹ oma rọye.

Hosia 4:16

Izrẹl vẹ udu kọi, kerẹ erhuẹn ọshare ro vwo udu, kẹ Ọrovwohwo sa ghẹrẹ ayen vwẹ etiyin na, kerẹ ogodẹ vwẹ egbri ophephẹ?

Hosia 5:15

Mi che rhivwi kpo ẹdia mẹ, bẹsiẹ rẹ ayen vwọ rhọvwe abe rayen ayen me rhe guọnọ opharo mẹ vwẹ evun rẹ ọdjorho rayen ke ayen cha guọnọ ovwẹ tane,

Jona 3:10

Ọke rẹ Ọghẹnẹ vwọ mrẹ obo rẹ ayen ruru, obo rẹ ayen siobọ nẹ idjerhe ọbrabra rayen, Ọghẹnẹ de siobọ nẹ iroro ọbrabra rọ jẹ kpahe ayen na, o rhe ruo-o.

Zẹfanaya 3:2

Ọ kerhọn rẹ urhuru ọvuọvọ-o, ọ reyọ obo re dje kẹ-ẹ. Ọ vwẹ ẹro so Ọrovwohwo-o, o si kẹrẹ Ọghẹnẹ rọye-e.

Malakae 3:16

Etiyin ayen otu re djẹ oshọ rẹ Ọrovwohwo na kẹ ta kẹ ohwohwo, Ọrovwohwo na da kerhọn o de nyo ayen, o de si ọbe rẹ ekarophihọ vwẹ obaro rọye kpahe ayen ihwo re djẹ ọshọ rẹ Ọrovwohwo na ri roro iroro rẹ odẹ rọye na.

Malakae 4:6

Kọ cha rhẹriẹ udu rẹ esẹ na bru emọ rayen ọ me rha rhẹriẹ udu rẹ emọ na bru esẹ rayen, ọ rha dia ọtiọye-e me da rhe vwẹ obọ ke me cha vwẹ ekan guọghọ otọ na.

Ukeri 2:18

Vwẹ obuko ọnre kẹ etiyin aphiana rẹ erhọn rẹ Ifrem cha dia vwẹ edjedje rayen, osun rẹ ihwo rẹ Ifrem da dia Elishama rẹ ọmọ rẹ Ammihud:

Iyẹnrẹ Esiri ri Luk 1:17

kọ ka obaro kẹ vwẹ erhi vẹ ogangan rẹ Ilaija, rọ rhẹriẹ udu rẹ esẹ na bru emọ na, ijọghọ evwo kpo aghwanre rẹ ọsoso, rere ọ rhuẹrẹ ihwo phihọ otọ kẹ Ọrovwohwo.

Iyẹnrẹ Esiri ri Luk 15:20

O de ghine vrẹn o de bru ọsẹ rọye ra. Ẹkẹvuọvo rọ vwọ cha vwe ogboko re; ọsẹ rọye da mrẹ ehrọre rọye da riọ, ọ da djẹ ra gbanọ ọ da fiọnfiọn unu.

Iruo rẹ Iyinkọn na 3:26

Ọke rẹ Ọghẹnẹ vwọ kpare odibo rọye na vrẹn nu, o de ke jo bro ovwan rhe, ọ da kẹ ovwan ebruphihọ rere ovwan ohwo ọvuọvo vwo kurhẹriẹ nẹ imwemwu rẹ ovwan.

Filipae 2:13

kidie Ọghẹnẹ ri ruẹ iruo vwẹ evun rẹ ovwan, ọye re rhọvwa nẹ we ru iruo fiki rẹ erhuvwu rọye.

Hibru 12:5

Uche ro bru ovwan na ghwa chọrọ ovwan ẹro nure obo rọ vẹ ovwan jẹ iroro te kerẹ emọ na nẹ?– Ọmọ mẹ, wo nẹ uchebro rẹ Ọrovwohwo saka-a, eyẹ wo jẹ ivun miovwo uwe vwẹ ọke ra da ghwọ ku we-e.

Ẹvwọphia 3:19

Otu re me guọnọre, me ghwọ kuẹ eye me je fa; vwẹ ọtiọye na gbe vwo oruru re wo kurhẹriẹ.