Jerimaya 31:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Enẹ Ọrovwohwo tare: Si urhuru wẹn nẹ oviẹ, ji si ero wẹn nẹ ame oviẹ, kidie a cha hwa osa fiki rẹ iruo wẹn, eriyin Ọrovwohwo tare, ayen che rhivwi nẹ otọ rẹ ọvweghrẹ na cha.

Jerimaya 31:16 ပူးပေါင်းရင်းမြစ်များ

Jẹnẹsis 43:31

Ọ da hworhẹ opharo ọ da ro otafe; jẹ ochiri oma rọye ọ da ta, E ja jẹn emu rhe.

Jẹnẹsis 45:1

Etiyin Josẹf gbi se chiri oma rọye vwẹ irharo rẹ ihwo ri mudia kẹrẹ-ẹ; ọ da van, E ji kohwo kohwo bi nu vwe oma. Ọtiọye na ohwo ọvuọvo rhe mudia kẹrẹ Josẹf ọke rọ vwọ vwẹ oma phia kẹ emesẹ rọye-e.

2 Ikun rẹ Ivie 15:7

Ẹkẹvuọvo we yivwaro wo jẹ abọ rhọ wẹ-ẹ, kidie wọ cha reyọ osa rẹ iruo wẹn.

Une rẹ Ejiro 126:5

Jẹn ihwo re kọn vwẹ oviẹ vun vẹ edo re aghọghọ!

Une rẹ Ejiro 30:5

Kidie ophu rọye dia ọmọke kren, aroesiri rọye o ri rhiri. Oviẹ sa dia kẹ ọke rhie, ẹkẹvuọvo aghọghọ cha vwẹ urhiọke.

Aghwoghwo 9:7

Yanran, ra re ikara wẹn vẹ aghọghọ, rere wọ da udi wẹn vẹ omavwerhvwẹ vwẹ udu, kidie Ọghẹnẹ phi obọ phihọ obo wo ruru.

Aizaya 25:8

Ko mu ughwu rọ bẹdẹ, Ọrovwohwo rẹ Ọghẹnẹ kọ ririe oviẹ nẹ opharo rayen, ehwẹjẹ rẹ ihwo rọye ko sio nẹ akpọ na ejobi, kidie Ọrovwohwo tarọ nure.

Aizaya 30:19

Uyota, E ihwo ri Zayọn re dia Jerusalẹm, wa gbe cha viẹ ọfa-a. Vwe uyota ko ni aruẹdọn ke we vwe ọke wọ da viẹ se, ọke ro de nyo ko kpahe ke wẹ.

Aizaya 40:10

Nighere, Ọrovwohwo Ọghẹnẹ ra cha vẹ ẹgba, igbabọ rọye ri suẹn kẹ, nighere, osa rọye rhere, osa ẹhwa na e hẹ obaro rọye.

Jerimaya 23:3

Ke me ghwẹ igegede mẹ ri chekọ nẹ asan me djẹ ayen ra ejobi rhe, me ghwẹ ayen rhivwi rhe ukoko rayen, ayen ki vwiẹ ji bu phihọ.

Jerimaya 29:14

Ovwan ke mrẹ vwẹ, eriyin Ọrovwohwo tare, ke me vwẹ ughwẹ rẹ ovwan rhivwi rhe ovwan ke me ghwe ovwan nẹ ẹgborho vẹ asan re me djẹ ovwan ra ejobi rhe, eriyin Ọrovwohwo tare, me je ghwa ovwan rhivwi nẹ asan ri mi mu ovwan ra kpo ighuvwu na.

Jerimaya 30:18

Enẹ Ọrovwohwo tare: Nighe, me vwẹ erhieyovwo rhivwi rhe itughẹ ri Jekọp, Ke me re ehrọre kẹ ẹdia rọye; a cha rhoma bọn orere na phihọ ugbenu rọye, ighẹn ke dia asan rọ dia jovwo.

Jerimaya 30:3

Kidie nighe, ẹdẹ cha, eriyin Ọrovwohwo tare, re me cha vwọ reyọ ughwẹ rẹ ihwo mẹ rhivwi rhe, Izrẹl vi Juda, eriyin Ọrovwohwo tare, ke me vwẹ ayen rhe otọ re me vwọ kẹ esẹ rayen, ayen ke reyọ.

Jerimaya 33:11

a cha rhoma nyo urhuru rẹ ehwẹ vẹ omavwerhovwẹ, urhuru rẹ ọshare rẹ ọpha vẹ urhuru rẹ ọpha, urhuru rẹ otu re so une, re ayen da ghwẹ ẹkpẹvwẹ cha uwevwi rẹ Ọrovwohwo na. Vwẹ ẹkpẹvwẹ kẹ Ọrovwohwo rẹ otuofovwi na, kidie Ọrovwohwo na yovwiri kidie ẹguọnọ rọye ro jẹrhẹriẹ na dia bẹdẹ! kidie me cha vwẹ oyovwe rẹ otọ na rhivwi rhe kerẹ ọ rẹ ẹsọsuọ, eriyin Ọrovwohwo tare.

Jerimaya 33:7

Me cha vwẹ oyovwe ri Juda vẹ oyovwe rẹ Izrẹl rhivwi rhe ayen, ke me rhoma bọn ayen kirobo rẹ ayen epha vwẹ ẹsosuọ.

Izikiẹl 37:21

gba ta kẹ ayen, E nẹ Ọrovwohwo Ọghẹnẹ tare: Nighere, me cha reyọ ihwo rẹ Izrẹl nẹ ẹgborho re me hra ayen ra rhe, ki mi koko ayen nẹ asan kasan rhe, ke me vwẹ ayen rhe otọ rẹ obọ rayen;

Hosia 1:11

Te ihwo ri Juda vẹ ihwo rẹ Izrẹl ka ghwẹ ayen koko, kẹ ayen vwẹ ohwo ọvo mu osun kẹ oma rayẹn, kẹ ayen yan nẹ otọ na, fikiridie ẹdẹ ri Jezrẹl cha rho gangan.

1 Tẹsalonaika 4:14

Kidie avwanre de segbuyota nẹ Jesu ghwuru rọ da rhoma vrẹn nẹ ughwu, ọtiọye rhe ihwo ejobi ri vi Jesu gba vwerhe na, Ọghẹnẹ kọ kpare ayen re vwerhẹ na vẹ ọye vrẹn.

Hibru 11:6

Ọ dia esegbuyota-a yọ epha bẹnbẹn re vwo ru obo ri je. Kidie ohwo kohwo rọ tanẹ ọye si kẹre Ọghẹnẹ mi segbuyota nẹ ọ herọ nẹ ọye re hwa osa kẹ ayen otu re guọnerọ.

Hibru 6:10

Kidie Ọghẹnẹ dia orharhe rẹ ohwo ro jẹ iruo esiri kugbe ẹguọnọ rẹ ovwan vwo kẹ odẹ rọye ẹkarohọ, ri we ru kẹ ihwo efuanfon na fiki rọye, kirobo rẹ ovwan ji ruẹ na.

Rutu 2:12

Ọrovwobwo hwa osa kẹ wẹ kirobo ri wo ruru, osa rọ vọnre ọye Ọrovwohwo hwa kẹ wẹ, Ọghẹnẹ rẹ Izrẹl, ohwo ri wo rhi sioma nu vwe obotọ rẹ ibekpe rọye.