Jerimaya 31:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Kẹsiẹye emete na ke cha ghọghọ vwẹ ehegbe, oma je cha vwerhe imighene re eshare vẹ ekpako na. Me rhẹriẹ uvweri rayen phihọ aghọghọ, me sasa ayen oma, ukpe rẹ uvweri ke me kẹ ayen omavwerhovwẹ.

Jerimaya 31:13 ပူးပေါင်းရင်းမြစ်များ

Ezra 6:22

Ayen da re orẹ rẹ ikara ro jephuo na ẹdẹ ighwrẹn soso vẹ aghọghọ, fikiridie Ọrovwohwo nẹrhẹ ayen ghogho. O de ku ẹnwẹ rẹ ovie rẹ Asiria rhẹriẹ kẹ ayen, rọ da nẹrhẹ ọ cha ayen uko vwo ru iruo rẹ uwevwi rẹ Ọghẹnẹ na, Ọghẹnẹ rẹ Izrẹl na.

Nehemaya 12:27

Ọke re vwo rhie igbẹhẹ ri Jerusalẹm ayen da guọnọ ihwo ri Livae vwẹ asan rayen ejobi, rere a vwẹ ayen rhe Jerusalẹm rhe ghọghọ aghọghọ re irhierhie na vẹ omavwerhe, ve ẹkpẹvwẹ ve ine, ve igogo, ekpata, kugbe isorogun.

Nehemaya 12:43

Ayen de ze izobo rode vwe ẹdẹ yena ayen da ghọghọ, kidie Ọghẹnẹ nẹrhẹ ayen ghọghọ aghọghọ rode, eya ve imitete na da je ghọghọ rhe E de nyo umri rẹ aghọghọ ri Jerusalẹm vwe ogboko.

Ẹsta 9:22

Ayen reyọ kerẹ ẹdẹ rẹ ihwo ri Ju re vabọ rẹ ivwighrẹn rayen, kerẹ emeranvwe re vwo ku uvwerhe rayen rhẹriẹ phihọ omavwerhovwẹ vẹ omemuohọ vwo kpo omerovwo, rere ayen vwẹ ayen ru ẹdẹ rẹ orẹ vẹ omavwerhovwẹ, ede re vwo kru oghwa rhe ohwohwo vẹ ẹse eruo kẹ igbere.

Une rẹ Ejiro 126:5

Jẹn ihwo re kọn vwẹ oviẹ vun vẹ edo re aghọghọ!

Une rẹ Ejiro 148:12

Imighene rẹ eshare vẹ emetẹ kugbe, emare re eshare vẹ imitete!

Une rẹ Ejiro 149:3

Jẹn ayen vwẹ eha jiri odẹ rọye, so ine vwevwerhe kẹ vẹ ukiri kugbe isorogun!

Une rẹ Ejiro 30:11

We re rhẹriẹ omaemuohọ mẹ phihọ eha egbe, wo rhan amwa re uvweri mẹ nu wọ da vwe aghọghọ vwo rhuo vwe,

Aizaya 12:1

Wọ cha ta vwẹ ẹdẹ yena. Me sa kpẹvwẹ owẹ, E Ọrovwohwo, owenẹ ivun mẹ miovwo uwe dede, ophu wẹn na bi wan re, we ọvo na rhoma bru vwe uche.

Aizaya 35:10

Ihwo ra tan hirhe rẹ Ọrovwohwo ọvo ri che rhivwi, rhe Zayọn vẹ ine ẹsuọ, vẹ aghọghọ ri bẹdẹ na vwẹ uyovwi rayen, kẹ ayen vwo aghọghọ vẹ omavwerhe, oja vẹ unuẹfiọn ke dje ghwru.

Aizaya 51:11

i re si nẹ ijọpha re Ọrovwohwo na mrasan rhivwi, ayen Me rhe vẹ ine ẹsuọ vwọ rhe Zayọn, aghọghọ ri bẹdẹ na kọ dia uyovwi rayen, kẹ ayen vwo aghọghọ vẹ omavwerhe, te oja vẹ unuẹfiọn ke dje ghwru.

Aizaya 51:3

Kidie Ọrovwohwo se bru Zayọn uche, ko bru asan ra ghwọre ejobi na uche, ko ru aghwa rọye kerẹ Idẹn, aghọghọ vẹ omavwerhe keye a mrẹ vwọ, ẹkpẹvwẹ kugbe urhuru rẹ ine.

Aizaya 60:20

Ọnre wẹn gbi che she kpotọ-ọ, eyẹ emeranvwe wẹn gbi si reyọ-ọ, kidie Ọrovwohwo re cha dia urhukpẹ wẹn bẹdẹ, ẹdẹ rẹ oma emuophihọ ko che vwo oba.

Aizaya 61:2

re ghwoghwo ukpe rẹ ẹreyọ re evun esiri rẹ Ọrovwohwo, kugbe ẹdẹ rẹ ihri rẹ Ọghẹnẹ rẹ avwanre, re bru ihwo ri muomahọ uche,

Aizaya 61:3

ra rhọvwe kẹ ihwo ri muomahọ vwi Zayọn– ra kẹ ayen ovwẹ vwẹ ẹdia rẹ iwurhie, evwri rẹ aghọghọ vwẹ ẹdia rẹ omaemuohọ, ukpo re ejiro vwẹ ẹdia rẹ erhi ro sherua, rere e vwo se ayen ehahe rẹ evwata, ekankọn rẹ Ọrovwohwo, rere e vwo jiro.

Jerimaya 31:4

Me je rhọma bọn wẹ, ka je bọn wẹ, E ọmọtobẹ Izrẹl! Wọ cha rhoma vwẹ eshẹghẹshẹghẹ rhuẹrẹ oma wẹn, wọ cha ro ehegbe rẹ otu re ghọghọ.

Jerimaya 33:11

a cha rhoma nyo urhuru rẹ ehwẹ vẹ omavwerhovwẹ, urhuru rẹ ọshare rẹ ọpha vẹ urhuru rẹ ọpha, urhuru rẹ otu re so une, re ayen da ghwẹ ẹkpẹvwẹ cha uwevwi rẹ Ọrovwohwo na. Vwẹ ẹkpẹvwẹ kẹ Ọrovwohwo rẹ otuofovwi na, kidie Ọrovwohwo na yovwiri kidie ẹguọnọ rọye ro jẹrhẹriẹ na dia bẹdẹ! kidie me cha vwẹ oyovwe rẹ otọ na rhivwi rhe kerẹ ọ rẹ ẹsọsuọ, eriyin Ọrovwohwo tare.

Zekaraya 8:19

E nẹ Ọrovwohwo rẹ otuofovwi tare Owenẹ owẹvwe rẹ echiro rẹ emeranvwe rẹne, re fi ọriyori, vẹ ọrighwrẹ, re te ọrihwe, cha dia vwẹ uwevwi ri Juda ọke rẹ oghọghọ vẹ omavwerhe kugbe orẹ rẹ omavwerhe, ọtiọye na gba guọnọ uyota vẹ ufuoma.

Iyẹnrẹ Esiri ri Jọn 16:22

Ọtiọye na ovwan ke mrẹ odjadja vwẹ asakiephana, ẹkẹvuọvo me cha rhoma mrẹ ovwan udu rẹ ovwan kọ ghọghọ, ohwo ọvnovo gbi se mie ovwan aghọghọ yena-a.

Iguẹdjọ 21:21

ra rhẹrẹ; emetẹ ri Shilo da cha eha egbe, we gbe nẹ evun rẹ ogba ri vain na rhe rere we mu emetẹ ri Shilo na vwọ kẹ ọshare ọvuọvo vwọ rọvwọ, rere wa yanran kpo otọ ri Bẹnjamin na.