Jerimaya 31:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Kidie Ọrovwohwo tan Jekọp nure, ọ je tan nẹ abọ rẹ ọ rọ gan nọ.

Jerimaya 31:11 ပူးပေါင်းရင်းမြစ်များ

Une rẹ Ejiro 142:6

Kerhọn rẹ oviẹ mẹ, kidie a vwẹ ovwẹ kpotọ gangan! Sivwi uvwe nẹ obọ rẹ otu ri mu vwe, kidie ayen ganọ kẹ vwẹ!

Ẹyano 15:16

Oshọ vẹ uguegue she teyọ ayen; fiki rẹ ọrho rẹ igbabọ wẹn, ayen pha fọfọ kerẹ oragha, bẹsiẹ rẹ ihwo wẹn, E Ọrovwohwo, vwọ wan vrẹn, bẹsiẹ rẹ ihwo wẹn vwọ wan e re wọ tanhirhe.

Aizaya 44:23

So ine, E idjuvwu, kidie Ọrovwohwo ruro nure; kperi, E ovwan ikokodo rẹ akpọ na, van so ine, E igbenu na, E egbo, kugbe urhe kurhe rọ herọ! Kidie Ọrovwohwo tan Jekọp nure, ka vwẹ urinrin kẹ vwẹ Izrẹl.

Aizaya 48:20

Yanran nẹ Babilọn, dje nẹ Kaldia, dje ọna phia vẹ aghọghọ, ghwoghwo, jọ yanran kpo oba re akpọ na; tanẹ, Ọrovwohwo na tan odibo rọye Jekọp nure!

Aizaya 49:24

Ke si emuọre nẹ unu rẹ ọgba, eyẹ oghuvwu ne obọ rẹ odiphri?

Aizaya 49:25

Uyota, enẹ Ọrovwohwo tare vwevwe rẹ ighuvwu rẹ ọgba na a je cha reyọ ayen, emuọre rẹ odiphri na e ji che sivwo mie, kidie ihwo ri nene uwe ghwo ki mi nene ayen ghwọ, ki mi sivwi emọ wẹn.

Aizaya 51:11

i re si nẹ ijọpha re Ọrovwohwo na mrasan rhivwi, ayen Me rhe vẹ ine ẹsuọ vwọ rhe Zayọn, aghọghọ ri bẹdẹ na kọ dia uyovwi rayen, kẹ ayen vwo aghọghọ vẹ omavwerhe, te oja vẹ unuẹfiọn ke dje ghwru.

Jerimaya 15:21

Mi sivwi uwe nẹ obọ rẹ oriumwemwu na, mi ji sivwi uwe nẹ ugodo rẹ ihwo ogbarogba na.

Jerimaya 50:33

Enẹ Ọrovwohwo rẹ otuofovwi na tare: E shenyẹ ihwo rẹ Izrẹl, ihwo ri Juda ji kugbe ayen rhe, otu ri mu ayen imu yọnrọn ayen kokoroko, ayen rhọvwe siobọ nẹ aye-en.

Jerimaya 50:34

Ọ rọ tan ayen hirhe na ogba ọgangan, Ọrovwọhwo rẹ otuofovwi na ọye odẹ rọye. O che mie ayen unu vwo gun, rere ọ vwọ mrasan kẹ akpo na omerovwo, ẹkẹvuọvo ọdjorho kọye dia kẹ ihwo ri Babilọn.

Uvwerhe 3:58

Wọ da chọ ochọ mẹ, E Ọrovwohwo, wọ da tan arhọ mẹ hirhe.

Hosia 13:14

Ke me tan ayen nẹ obọ rẹ ogangan rẹ Erivwi? Me tan ayen nẹ obọ rẹ Ughwu? E Ughwu, emiavwe wẹn rhọ? E Erivwi, tivọ ẹguọghọ wẹn epha? Ẹhrọre chọrọ ovwẹ ẹro.

Zekaraya 9:16

Vwẹ ẹdẹ yena Ọrovwohwo Ọghẹnẹ rayen na che sivwi ayen kidie ayen igegede rẹ ihwo rọye, kerẹ irhu rẹ erhu rẹ ovie ayen che no vwẹ otọ rọye.

Matiu 12:29

Mavọ ohwo vwọ sa ro uwevwi rẹ ọgba ro de miovwi emu rọye? Kọ ka gba ọgba na tavwe rẹ obọ rọye ki te emu rọye miovwi.

Matiu 20:28

Ọ dianẹ Ọmọ rẹ ohwo rhere re e vwo gbe odibo kẹ-ẹ, ẹkẹvuọvo re o vwo gbe odibo, rere ọ vwẹ arhọ rọye tan ihwo buebu.

Matiu 22:29

Ẹkẹvuọvo Jesu da kpahe kẹ ayen nẹ, Ovwan riẹn emuọvo-o, ovwan riẹn otọ rẹ ẹbe ọfuanfon na-a, eyẹ ogangan rẹ Ọghẹnẹ-ẹ.

Taitọs 2:14

Ohwo rọ vwẹ oma rọye kẹ avwanre rọ vwọ tan avwanre nẹ orukuruku ejobi kugbe ro vwo ru avwanre fon kẹ oma rọye ihwo rẹ obọ rọye ri vwo oruru kẹ iruo esiri.