Jerimaya 31:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Vwẹ ọke yena, eriyin Ọrovwohwo tare, ke me cha dia Ọghẹnẹ rẹ uvwiẹ rẹ Izrẹl ejobi, ayen ke cha dia ihwo mẹ.

Jerimaya 31:1 ပူးပေါင်းရင်းမြစ်များ

2 Samuẹl 7:24

Wọ da vwẹ ihwo wẹn Izrẹl mudia bẹdẹ; Wẹ E Ọrovwohwo wo de hirhe phihọ Ọghẹnẹ kẹ ayen.

Une rẹ Ejiro 144:15

Aghọghọ dia kẹ ihwo re ehruphiho ọtiọye she bru! Aghọghọ kẹ ihwo rẹ Ọghẹnẹ dia Ọrovwohwo kẹ.

Une rẹ Ejiro 48:14

nẹ Ọnana hẹ Ọghẹnẹ, Ọghẹnẹ rẹ avwanre bẹdẹ bẹdẹ. Ọye rẹ dia osun rẹ avwanre bẹdẹ.

Aizaya 20:6

Ihwo re dia erhuru nana ejobi ke cha ta vwẹ ẹdẹ yena, Nighere, Ọnana obo re phiare kẹ ihwo rẹ avwanre vwẹ ẹro so rẹ avwanre djẹ bru nẹ e cha avwanre uko sivwi avwanre nẹ obọ rẹ ovie rẹ Asiria. Avwanre, komavọ avwanre vwọ sa vabọ?

Aizaya 41:10

wọ dje oshọ-ọ, kidie me vẹ owẹ herọ, wo jẹ ofu dje we-e, kidie Mẹvwẹ Ọghẹnẹ wẹn, Me kẹ wẹ ogangan, Me cha wẹ uko, Me vwẹ obọrhe mẹ rẹ ephiokparobọ na vwọ yọnrọn owẹ.

Jerimaya 23:6

Juda kọ rhọ vwẹ ẹdẹ rọye na, Izrẹl kọ dia egbẹrhẹnẹdẹ. Ọnana ọye odẹ re vwo se Ọrovwohwo ọvwata rẹ avwanre.

Jerimaya 3:18

Uwevwi ri Juda kọ kuoma gbe uwevwi rẹ Izrẹl vwẹ ẹdẹ yena. Ayen ki kuoma gbe nẹ otọ rẹ obọhwẹre ọnre rhe otọ re me vwọ kẹ ẹse rẹ ovwan nẹ e vwọ reuku.

Jerimaya 30:10

Wọ gbe djẹ oshọ-ọ, E Jekọp odibo mẹ, eriyin Ọrovwohwo tare, wo bru udu-u, E Izrẹl, kidie gbe no, mi che sivwi we nẹ ogboko rhe, emọ wẹn nẹ otọ rẹ ighuvwu rhe. Jekọp che rhivwi rhe o mi vwo ofuvwegbe, ohwo ro djẹ osho muo gbe dia-a.

Jerimaya 30:22

Ku wa dia ihwo mẹ, ke me dia Ọghẹnẹ rẹ ovwan.

Jerimaya 30:24

Ophu ọgangan rẹ Ọrovwohwo na se rhivwi-i bẹsiẹ ro vwo ru iroro rọ jẹre vwẹ udu rọye na gba. Wa cha riẹn ọnana vwẹ ẹdẹ rẹ ukuko na.

Jerimaya 30:3

Kidie nighe, ẹdẹ cha, eriyin Ọrovwohwo tare, re me cha vwọ reyọ ughwẹ rẹ ihwo mẹ rhivwi rhe, Izrẹl vi Juda, eriyin Ọrovwohwo tare, ke me vwẹ ayen rhe otọ re me vwọ kẹ esẹ rayen, ayen ke reyọ.

Jerimaya 31:33

Ẹkẹvuọvo ọnana hẹ ọphọ re me vẹ uwevwi rẹ Izrẹl cha re, ọke yena da wan nu, eriyin Ọrovwohwo tare: Ki mi che phi urhi mẹ phihọ evun rayen, mi ji che siọ phihọ udu rayen; ke me dia Ọghẹnẹ rayen, ayen ke dia ihwo mẹ.

Jerimaya 32:38

Ayen ke cha dia ihwo mẹ ke me cha dia Ọghẹnẹ rayen.

Jerimaya 33:14

Nighe, ẹdẹ cha, eriyin Ọrovwohwo tare ri mi che vwo ru ive mẹ gba kẹ uwevwi rẹ Izrẹl vẹ uwevwi ri Juda.

Jerimaya 33:7

Me cha vwẹ oyovwe ri Juda vẹ oyovwe rẹ Izrẹl rhivwi rhe ayen, ke me rhoma bọn ayen kirobo rẹ ayen epha vwẹ ẹsosuọ.

Jerimaya 50:4

Vwẹ ẹdẹ yena vẹ ọke yena eriyin Ọrovwohwo tare, ihwo rẹ Izrẹl vẹ ihwo ri Juda che kuoma gbe, ayen cha, jẹ ayen viẹ; ayen cha guọnọ Ọrovwohwo Ọghẹnẹ rayen na.

Izikiẹl 11:20

rere ayen vwọ yan vwẹ iji mẹ rere ayen sẹro rẹ irhi mẹ rere ayen mu ọghọ kẹ ayen, ayen kẹ dia ihwo mẹ, ke Me dia Ọghẹnẹ rayen.

Izikiẹl 34:24

Mẹvwẹ, Ọrovwohwo na, kọ dia Ọghẹnẹ rayen, odibo mẹ Devid kọ dia ovie vwẹ ohri rẹ ayen, Mẹvwẹ, Ọrovwohwo na, tarọ nure.

Izikiẹl 34:31

Ovwan kẹ igegede mẹ, igodẹ rẹ egbri mẹ, mẹvwẹ kẹ Ọghẹnẹ wẹn, eriyin Ọrovwohwo Ọghẹnẹ tare.

Izikiẹl 36:28

Ku wọ cha dia otọ re me vwọ kẹ esẹ wẹn; ku wọ dia ihwo mẹ, ke me dia Ọghẹnẹ wẹn.

Izikiẹl 39:22

Uwevwi rẹ Izrẹl kọ cha riẹn nẹ mẹvwẹ Ọrovwohwo Ọghẹnẹ rayen, nẹ ẹdẹ yena yanran.

Izikiẹl 39:25

Fiki rẹ ọtiọye na e nẹ Ọrovwohwo Ọghẹnẹ tarẹ: Asakiephana me cha rhoma reyọ ughwẹ ri Jekọp rhivwi rhe, re mi ni arodọvwẹ kẹ uwevwi rẹ Izrẹl ejobi, ke me rioma kpahọ fiki rẹ odẹ ọfuanfon mẹ.

Hosia 1:11

Te ihwo ri Juda vẹ ihwo rẹ Izrẹl ka ghwẹ ayen koko, kẹ ayen vwẹ ohwo ọvo mu osun kẹ oma rayẹn, kẹ ayen yan nẹ otọ na, fikiridie ẹdẹ ri Jezrẹl cha rho gangan.

Livitikọs 26:12

Ke Me cha yan vwẹ ohri rẹ ovwan, Me Me rha dia Ọghẹnẹ rẹ ovwan, ovwan ke dia ihwo mẹ.

Zekaraya 13:9

Ki mi che phi ẹkẹn rerha nana phihọ erhanre, re ruo fon kirobo re ru idọnọ fuan ye, ka davwe ayen kirobo ra davwe oro na. Ayen se odẹ Mẹ, ki mi nyo ke ayen. Ke Me ta nẹ, Ayen ihwo mẹ, Kẹ ayen ta nẹ, Ọrovwohwo na Ọghẹnẹ Mẹ.

Iyẹnrẹ Esiri ri Jọn 20:17

Jesu da ta kẹ, Wọ yọnrọn ovwẹ-ẹ, kidiẹ mi ji yeri bru Ọsẹ na-a; ẹkẹvuọvo yanran bru imoni mẹ re wọ ta kẹ ayen, Mi yerẹ bru Ọsẹ mẹ kugbe Ọsẹ rẹ ovwan, Ọghẹnẹ mẹ kugbe Ọghẹnẹ rẹ ovwan.

2 Kọrẹnt 6:16

Didi ẹrhọvwọkugbe uwevwi rẹ ẹga rẹ Ọghẹnẹ vẹ ọ rẹ ẹdjọ vwo kugbe? Kidie avwanre hẹ uwevwi rẹ ẹga rẹ Ọghẹnẹ ri bẹdẹ na; kirobo rẹ Ọghẹnẹ tare, Ke me dia evun rẹ ayen ke me yan vwẹ ohri rẹ ayen, ke me dia Ọghẹnẹ rayen, ayen ke dia ihwo mẹ.

Hibru 12:16

e jẹn ohwo ọvuọvo dia ọvwọfanrhiẹ-ẹ eyẹ ro jẹn ẹgha ẹriẹn kerẹ Isọ, rọ vwi fiki rẹ emọre shẹ ọkpako rọye.