Jerimaya 30:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Kidie nighe, ẹdẹ cha, eriyin Ọrovwohwo tare, re me cha vwọ reyọ ughwẹ rẹ ihwo mẹ rhivwi rhe, Izrẹl vi Juda, eriyin Ọrovwohwo tare, ke me vwẹ ayen rhe otọ re me vwọ kẹ esẹ rayen, ayen ke reyọ.

Jerimaya 30:3 ပူးပေါင်းရင်းမြစ်များ

Ezra 3:1

Vwe ọke rẹ emeranvwe righwrẹn vwọ gba re, rẹ emọ rẹ Izrẹl vwọ hẹ evun rẹ irere na, ihwo na da ghwẹ oma koko kerẹ ohwo ọvo vwọ rhe Jerusalẹm.

Ezra 3:12

Ẹkẹvuọvo buebu rẹ irherẹn na vẹ ihwo ri Livae na kugbe igbuyovwi rẹ uwevwi rẹ esemọ na, ekpako re mrẹ uwevwi rẹ ẹsosuọ na, da viẹ kperi gangan rẹ ayen vwọ mrẹ uchivwo rẹ uwevwi nana re vwo vi na, dede na buebu de kperi ukperi rẹ aghọghọ.

Ezra 3:8

Vwẹ ukpe rivẹ rẹ ayen vwọ rhe uwevwi rẹ Ọghẹnẹ vwi Jerusalẹm, vwẹ emeranvwe rivẹ, Zerubabẹl rẹ ọmọ ri Shealtiẹl kugbe Jeshua rẹ ọmọ ri Jozadak da tuẹ ebabọn na phihọ, kugbe imoni rayen ri chekọ, irherẹn na vẹ ihwo ri Livae kugbe ayen ejobi re rhe Jerusalẹm nẹ ighuvwu rhe. Ayen da vwẹ ihwo ri Livae vwo rnu, nẹ ẹgbukpe uje kpenu, rere ayen ni iruo rẹ uwevwi rẹ Ọrovwohwo na.

Une rẹ Ejiro 126:4

Rhan ughwẹ rẹ avwanre rhivwi rhe, E Ọrovwohwo, kerẹ urhie rẹ ọkẹre vwẹ obi Negẹb!

Une rẹ Ejiro 53:6

E mane esivwo rẹ Izrẹl se nẹ Zayọn rhe vwonẹ! Vwe ọke rẹ Ọghẹnẹ da vwẹ ughwẹ re ihwo rọye rhivwi rhe, oma kọ vwerhe Jekọp Izrẹl ko ghọghọ.

Jerimaya 16:15

nẹ Obo rẹ Ọrovwohwo herọ rọ si ihwo rẹ Izrẹl nẹ ọrho rẹ obọhwẹre ọnre vẹ irho na ejobi vwẹ asan rọ dje ayen ra na. Kidie me cha vwẹ ayen rhivwi cha otọ re me vwọ kẹ esẹ rayen na.

Jerimaya 23:5

Nighe, ẹdẹ cha, Ọrovwohwo tare, me cha vwọ kpare oghọn rẹ ọvwata kẹ Devid, kọ re uvie kerẹ ovie ọghwanghwanre, ko brorhiẹ rẹ ọsoso vẹ ọvwata vwẹ otọ na.

Jerimaya 27:11

Ẹkẹvuọvo Ẹgborho kẹgborho ro phi ohọre rọye phihọ otọ rẹ urhekpe rẹ ovie ri Babilọn ro da ga, ki mi jovwo nẹ ọ dia otọ robọ rọye, ro voro rọ je dia, eriyin Ọrovwohwo tare.

Jerimaya 27:22

A cha ghwa ayen kpo Babilọn re ayen da dia oboyi bẹsiẹye ro vwo te ẹdẹ me vwọ kerhọn rayen, eriyin Ọrovwohwo tare, kẹsiẹye me ke reyọ ayen rhe ri mi de phi ayen phihọ etinẹ na.

Jerimaya 29:10

Kidie enẹ Ọrovwohwo tare: Ọke rẹ ikpe ujorha gbẹ ihwe da gba vwẹ Babilọn nu, ki mi bru ovwan cha, ri ru ive me gba kẹ ovwan vwọ reyọ ovwan rhivwi rhe asan etinẹ na.

Jerimaya 29:14

Ovwan ke mrẹ vwẹ, eriyin Ọrovwohwo tare, ke me vwẹ ughwẹ rẹ ovwan rhivwi rhe ovwan ke me ghwe ovwan nẹ ẹgborho vẹ asan re me djẹ ovwan ra ejobi rhe, eriyin Ọrovwohwo tare, me je ghwa ovwan rhivwi nẹ asan ri mi mu ovwan ra kpo ighuvwu na.

Jerimaya 3:18

Uwevwi ri Juda kọ kuoma gbe uwevwi rẹ Izrẹl vwẹ ẹdẹ yena. Ayen ki kuoma gbe nẹ otọ rẹ obọhwẹre ọnre rhe otọ re me vwọ kẹ ẹse rẹ ovwan nẹ e vwọ reuku.

Jerimaya 30:10

Wọ gbe djẹ oshọ-ọ, E Jekọp odibo mẹ, eriyin Ọrovwohwo tare, wo bru udu-u, E Izrẹl, kidie gbe no, mi che sivwi we nẹ ogboko rhe, emọ wẹn nẹ otọ rẹ ighuvwu rhe. Jekọp che rhivwi rhe o mi vwo ofuvwegbe, ohwo ro djẹ osho muo gbe dia-a.

Jerimaya 30:18

Enẹ Ọrovwohwo tare: Nighe, me vwẹ erhieyovwo rhivwi rhe itughẹ ri Jekọp, Ke me re ehrọre kẹ ẹdia rọye; a cha rhoma bọn orere na phihọ ugbenu rọye, ighẹn ke dia asan rọ dia jovwo.

Jerimaya 30:4

Ena eta rẹ Ọrovwohwo ta kpahe Izrẹl vi Juda:

Jerimaya 31:16

Enẹ Ọrovwohwo tare: Si urhuru wẹn nẹ oviẹ, ji si ero wẹn nẹ ame oviẹ, kidie a cha hwa osa fiki rẹ iruo wẹn, eriyin Ọrovwohwo tare, ayen che rhivwi nẹ otọ rẹ ọvweghrẹ na cha.

Jerimaya 31:23

Enẹ Ọrovwohwo rẹ otuofovwi na tare, Ọghẹnẹ rẹ Izrẹl: Ayen cha rhoma ta eta nana vwẹ otọ ri Juda vẹ irere rọye ọke re me da vwẹ oyovwe rayen rhe nu: Ọrovwohwo bruba kẹ wẹ, E ẹdia rẹ ọvwata, E ugbenu ọfuanfọn!

Jerimaya 31:27

Nighe, ẹdẹ cha, eriyin Ọrovwohwo tare, re me cha vwẹ omamọ rẹ ohwo vẹ eranvwe vwọ kọn uwevwi rẹ Izrẹl vẹ uwevwi ri Juda.

Jerimaya 31:31

Nighe, ẹdẹ na che te eriyin Ọrovwohwo tare, ri mi che vwo nene uwevwi rẹ Izrẹl vẹ uwevwi ri Juda re ọphọ ọkpokpọ.

Jerimaya 31:38

Nighe, ẹdẹ cha, eriyin Ọrovwohwo na tare, ra cha vwọ rhuẹrẹ orho na bọn kẹ Ọrovwohwo nẹ uwevwi rẹ ohẹrhẹ ri Hananẹl re te Unurhoro rẹ Akakọ na.

Jerimaya 32:37

Nighe, Me cha ghwẹ ayen koko nẹ irere kirere re me vwẹ ophu ọgangan mẹ vẹ ivue miovwo mẹ djẹ ayen ra na rhe etinẹ, kẹ ayen dia egbẹrhẹnẹdẹ.

Jerimaya 32:44

A cha vwẹ igho de idju vwọ vwobọ ọbe rẹ eshashẹ ka ghwẹ obọ phihọ ji se oseri kpahọ vwẹ otọ ri Benjamin, vwẹ asan re yariẹ Jerusalẹm phihọ kugbe irere ri Juda, vwẹ irere rẹ obọ igbenu na, vwẹ irere re obi Shefela, kugbe evun rẹ irere rẹ obi Nẹgẹb na; kidie me cha vwẹ oyovwe rayen rhivwi rhe ayen, eriyin Ọrovwohwo tare.

Jerimaya 33:26

kẹsiẹye me ke siẹn uvwie ri Jekọp vẹ Devid odibo mẹ mia rha sanọ ọvo vwẹ emọ rọye na nẹ ọ re uvie vwẹ enu rẹ uvwiẹ rẹ Ebraham, Aizik, vẹ Jekọp ofa-a. Kidie me cha vwẹ oyovwe rayen rhivwi rhe ki mi ji che ni arodọvwẹ rayen.

Jerimaya 51:60

Jerimaya de si umiovwo ro te Babilọn ejobi phihọ ọbe, eta nana ejobi re siri kpahe Babilọn na.

Izikiẹl 20:42

Ku wọ cha riẹn nẹ mẹvwẹ ọye Ọrovwohwo na, vwẹ ọke me da vwẹ owẹ rhe otọ rẹ Izrẹl, orho ri mi duvwu iyori nẹ me vwọ kẹ esẹ wẹn.

Izikiẹl 34:13

Ki mi si ayen nẹ ohri rẹ ihwo na rhe, ki mi si ayen koko nẹ evun rẹ irho na rhe, ke me reyọ ayen vwo kpo otọ robọ rayen, ke me ghẹrẹ ayen vwẹ enu rẹ igbenu rẹ Izrẹl, vwẹ oma rẹ ogbugbu na, kugbe asan rẹ ihwo dia vwẹ evun rẹ orho na ejobi.

Izikiẹl 36:24

Kidie me cha reyọ owẹ nẹ ẹgborho na rhe, mi mi si we koko nẹ irho na rhe, ke me vwẹ owẹ rhe oto rẹ obọ wẹn.

Izikiẹl 47:14

Ku wọ gharọ abọvo. Mi veri nẹ me vwọ kẹ esẹ wẹn, otọ nana ko bru we rhe kerẹ ẹkẹn uku wẹn.

Joẹl 3:1

Kidiẹ nighere, vwẹ ẹdẹ yena kugbe ọke yena, re me da cha rhoma vwẹ ughwẹ ri Juda vi Jerusalẹm rhivwi rhe na,

Zẹfanaya 2:7

Obo erhuru na ko che hirhe phihọ ẹkẹn rẹ umuku rẹ ihwo ri chekọ vwẹ uwevwi ri Juda, kẹ etiyin ayen da cha ghẹrẹ ichuru, vwẹ uwevwi rẹ Ashkẹlọn kẹ etiyin ayen che shevwerhẹ vwẹ ovwọnvwọn. Kidie Ọrovwohwo Ọghẹnẹ rayen kọ davwerhọ rẹ ayen kọ vwẹ ughwẹ rayen rhivwi rhe ayen.

Zẹfanaya 3:20

Vwẹ ọke yena ki mi se we kpo uwevwi, vwẹ ọke yena ri mi de che se ovwan koko; e, ki mi ru we vwo kperi usi re de jiri uwe vwẹ ohri rẹ ihwo rẹ akpọ na, re me da vwẹ ughwẹ rẹ ovwan rhivwi rhe vwẹ irharo rẹ ovwan na, eriyin Ọrovwohwo na tare.

Iyẹnrẹ Esiri ri Luk 17:22

Ọ da ta kẹ idibo rọye, Ẹdẹ cha rẹ ovwan cha vwọ guọnọ ẹdẹ ọvo rẹ Ọmọ rẹ ohwo na mrẹ, yẹ ovwan cha sa mrẹ-ẹ.

Iyẹnrẹ Esiri ri Luk 19:43

Kidie ẹdẹ cha kẹ wẹ, ọke rẹ ivwighrẹ wẹn cha vwọ hwa hẹrhẹ owẹ re da gba riariẹ owẹ, rẹ ayen de ke we họ vwi kabọ kabọ,

Iyẹnrẹ Esiri ri Luk 21:6

vwọ kẹ imu nana re wọ mrẹ na, ẹdẹ cha re che vwo jẹ oragha ọvo vwo vwẹ enu rẹ ọfa re che je kporo te otọ-ọ.

Urhi Rivẹ 30:3

kẹsiẹye Ọrovwohwo rẹ Ọghẹnẹ rẹ ovwan kọ vwẹ erhuvwu rẹ ovwan rhivwi rhe o mi ni arodọvwẹ rẹ ovwan, ohri rẹ ihwo rọ hra ovwan ra jovwo na o mi rhe koko ovwan nẹ oboyi rhe.

Urhi Rivẹ 30:5

Ọrovwohwo Ọghẹnẹ rẹ ovwan na cha reyọ ovwan rhe otọ rẹ esẹ rẹ ovwan diare na, rere ovwan vwọ mrasan dia; ko ru ovwan yovwi ku we bu nọ esẹ rẹ ovwan.

Hibru 8:8

Kidie ọke rọ vwọ mrẹ oruchọ vwọ o da ta nẹ: Ẹdẹ cha, eriyin Ọrovwohwo tare, re me vẹ uwevwi rẹ Izrẹl cha vwọ re ọphọ ọkpokpọ kugbe uwevwi ri Juda;