Jerimaya 30:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Ophu ọgangan rẹ Ọrovwohwo na se rhivwi-i bẹsiẹ ro vwo ru iroro rọ jẹre vwẹ udu rọye na gba. Wa cha riẹn ọnana vwẹ ẹdẹ rẹ ukuko na.

Jerimaya 30:24 ပူးပေါင်းရင်းမြစ်များ

Jẹnẹsis 49:1

Etiyin Jekọp de se emọ rọye, ọ da ta, Wa ghwẹ oma koko, re Me ta kẹ ovwan obo re cha phia kẹ ovwan vwẹ ẹdẹ rọ cha.

Aizaya 14:24

Ọrovwohwo rẹ otuofovwi kpokpa nure Obo ri mi roro phihọ, eriyin ọ cha dia, obo me tanẹ ọ dia ọtiọye o mudia phihọ,

Aizaya 46:11

se ọmọphran rọ djoma nẹ obaro ọnre rhe, ọvwiroro mẹ nẹ orere rọ he ogboko rhe. Me ta nure, Mi ji se ruo gba, Me je iroro nure, ki Mi ruo.

Jerimaya 23:19

Nighe, ogiribo rẹ Ọrovwohwo! Ophu rọye ro otafe re, ọdju rode; ọ cha enu rẹ iriumwemwu na.

Jerimaya 23:20

Ophu rẹ Ọrovwohwo se rhivwi-i bẹsiẹ ro vwo brorhiẹ rẹ imu re hẹ udu rọye re nu. Vwẹ ẹdẹ rẹ okuko na wa cha riẹn phephe.

Jerimaya 4:28

Fiki rẹ ọnana akpọ na ki che muomahọ, obenu ko che bi, kidie me ta nure, me jẹn iroro nure, mi che dogho obọ-ọ mi ji kurhẹriẹ-ẹ.

Jerimaya 4:8

Fiki rẹ ọnana, gba vwẹ esiso rhuo, viẹ beroma; kidie ophu ọtuatua rẹ Ọrovwohwo na ji kurhẹriẹ jẹn avwanre vwo-o.

Jerimaya 48:47

Dede na me cha reyọ erhuvwu ri Moab rhivwi rhe vwẹ ẹdẹ rẹ okuko na, eriyin Ọrovwohwo tare Ọna hẹ oba rẹ orhiebro rẹ Moab.

Jerimaya 49:37

Me vwẹ oshọ mu Elam vwẹ obaro rẹ ivwighrẹ rayen, vẹ obaro rẹ otu re guọnọ ayen hwe, me reyọ umiovwo mẹ vwo rhe ayen, ophu mẹ rode na, eriyin Ọrovwohwo tare, Mi ji ọlọkọ nene ayen, bẹsiẹ me vwọ ghwọrọ ayen nu,

Jerimaya 49:39

Ẹkẹvuọvo vwẹ ẹdẹ rẹ okuko vwobo me cha rhoma vwẹ erhuvwu rẹ Elam rhivwi rhe, eriyin Ọrovwohwo tare.

Uvwerhe 1:12

O fiẹ emuọvo kẹ ovwan ovwan ejobi re wan vrẹn na? Ni rẹ wo mrẹ sa sa mrẹ oja rọ họhọ ọmẹ ro she nyẹ vwẹ na, rẹ Ọrovwohwo ru vwe na vwẹ ẹdẹ rẹ ophu ọgagan rọye na.

Izikiẹl 38:16

ku wọ cha vwọ so ihwo mẹ Izrẹl, kerẹsiẹ rẹ ẹgho e de rhurhu otọ na. Vwẹ ẹdẹ rọ ka uku na ke me cha reyọ owẹ vwọ so otọ mẹ na, rere ẹgborho na vwọ riẹn vwẹ, vwẹ ọke re me da wan oma wẹ, E Gọg, vwo dje asẹ rẹ ẹfuọn mẹ kẹ ayen mrẹ.

Daniẹl 10:14

Me da rhe rere wo vwo vwo ọhọ rẹ obo rẹ cha phia kẹ ihwo wẹn vwẹ ẹdẹ rọ ka oba na. Kidie emramrẹ na vwonẹ ọ herọ vwọ kẹ ẹdẹ rọ cha vwẹ obaro.

Daniẹl 2:28

ẹkẹvuọvo Ọghẹnẹ ọvo rọ hẹ obo odjuvwu ro se dje otọ rẹ igbunu phia, obo re cha phia vwẹ ẹdẹfa ọye ọ vwọ phia kẹ ovie, Nebukadreza na. Evwerhẹ vẹ emramrẹ re kọn ro owẹ uyovwi vwẹ ọke ru wo vwo shevwerhẹ na kẹ ena.

Hosia 3:5

Ukoko rọye emọ rẹ Izrẹl ki rhivwi rhe rhe guọnọ Ọrovwohwo rẹ Ọghẹnẹ rayen, kugbe Devid rẹ ovie rayen, ayen ki bru Ọrovwohwo rhe vẹ oshọ kugbe ughwẹ rẹ esiri rọye vwẹ ukoko rọye.

Maika 4:1

Rẹ ẹdẹ na de che te vwẹ ukuko rọye ugbenu rẹ uwevwi rẹ Ọrovwohwo na ko che muvi kerẹ ugbenu ro Me kpenu ejobi, ka cha kparo kpenu nọ imigbenu na ejobi; ihwo ki che rhurie ruọ.

Ukeri 24:14

Asakiephana, gbe nighere, me yanran bru ihwo mẹ; yanrhe, mi ju we riẹn obo rẹ ihwo nana che ru kẹ ihwo wẹn vwẹ ẹdẹ rẹ ukuko na.

Urhi Rivẹ 31:29

Kidie Me riẹnre nẹ mi de ghwu nu omuẹro nẹ ovwan che miovwo oma gangan, ovwan da rhẹriẹ nẹ idierhe re Me vuẹ ovwan na; evun rẹ ẹdẹ yena ukpokpoma ko she tẹyo ovwan, fikiridie ovwan che ru umwemwu vwẹ obaro rẹ Ọrovwohwo vwọ nẹrhẹ phihọ ophu fiki rẹ iruo rẹ abọ rẹ ovwan.

Urhi Rivẹ 4:30

Ọke rẹ ovwan da evun rẹ ukpokpogho rẹ emu nana ejobi de bru ovwan rhire, ku ovwan rhivwi bru Ọrovwohwo Ọghẹnẹ rẹ ovwan na, ke ovwan kerhọ rẹ urhuru rọye;

1 Samuẹl 3:12

Vwẹ ẹdẹ yena obo re me ta kpahe Eli vẹ uwevwi rọye ke ruo gba, nẹ ẹtuọhọ re te oba.