Jerimaya 30:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Emọ rayen na ke cha dia obo re ayen epha vwẹ awanre, ukoko rayen ko mudia vwẹ obaro mẹ, otu re nyẹ ayen muotọ ejobi mi che ru ayen ghwaghwa.

Jerimaya 30:20 ပူးပေါင်းရင်းမြစ်များ

Une rẹ Ejiro 102:18

Jẹ si ọnana phihọ otọ kẹ uvwiẹ rọ cha, ọtiọye na ihwo re che vwiẹ vwobọ ki jiri Ọrovwohwo na

Une rẹ Ejiro 102:28

Emọ ro idibo wẹn cha dia vwẹ egbemọphẹ, uvwiẹ rayen re cha vwobọ ka tọn ayen phihọ vwẹ obaro wẹn.

Aizaya 49:26

Mi ru otu ri shenyẹ wẹn vwọ re uvwo rẹ omobọ rayen, ọbara rẹ omobọ rayen ko che mu ayen kere udi. Etiyin ihwo ejobi ke riẹn nẹ Mẹvwẹ Ọrovwohwo Osivwi wẹn, Ọtan wẹn, Ọgba Ọvuọvo ri Jekọp.

Aizaya 51:22

E nẹ Ọrovwohwo wẹn tare, Ọrovwohwo na, Ọghẹnẹ wẹn ro mie we unu vwo guẹ kẹ ihwo rọye: Nighere, Me reyọ udjokpo rẹ egele mie we obọ; udjokpo rẹ ophu Mẹ wọ gbe cha da ọfa-a,

Aizaya 54:14

Vwe evun rẹ ọvwata owọ wẹn de muotọ, ku wọ tephe kẹ oshenyẹ, kidie wọ gbe djẹ oshọ-ọ; vwo nẹ abọ rẹ uguegue, kidie o gbi si kẹre owẹ-ẹ.

Jerimaya 2:3

Izrẹl ohwo ọfuanfon kẹ Ọrovwohwo, emamọ rẹsosuọ rẹ orhọ rọye. Otu re rerọ ejobi reabe; okpetu bru ayen rhe, Ọrovwohwo re tarọ.

Jerimaya 30:16

Ọtiọye na ihwo ri mu ovwan rọ ejobi ke ji mu ayen rọ ivwighrẹ rẹ ovwan ejobi, ọvuọvo rayen, ki kpo imu, otu re ghwa ovwan reyọ ejobi ka je ghwa ayen reyọ, iri shenyẹ ovwan ejobi ke ji shenyẹ ayen rhe.

Jerimaya 32:39

Me cha kẹ ayen udu ọvo vẹ idjerhe ọvo, rere ayen vwọ djẹ oshọ mẹ bẹdẹ, fiki rẹ erhuvwu rayen, vẹ erhuvwu rẹ emọ rayen re cha vwẹ obuko.

Uvwerhe 5:21

Sẹ avwanre te oma wẹn E Ọrovwohwo, rere avwanre si kẹre owẹ. Ru ẹdẹ rẹ avwanre ọkpokpọ kerẹ ọke rẹ awanre.

Zekaraya 10:6

Me cha kẹ uwevwi ri Juda ogangan, mi ji che sivwi uwevwi ri Josẹf. Me cha ghwẹ ayen hirhe rhe fikiridie mi ni aruẹdọn rayen, ayen ke cha dia kerẹsiẹ rẹ a mrẹ nẹ Me je sen ayen dẹvo-o; kidie mẹvwẹ hẹ Ọrovwohwo Ọghẹnẹ rayen mi che nyo kẹ ayen.

Zekaraya 10:8

Me riẹn obọ kẹ ayen mi de koko ayen hẹ uwevwi, kidie Me tan ayen hirhe nure, ayen ki bu kirobo rẹ ayen buru jovwo.

Zekaraya 8:5

Irhuvwu rẹ orho na cha vọn vẹ emeshare kugbe emetẹ re heha vwẹ irhuvwu rọye.