Jerimaya 30:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Enẹ Ọrovwohwo, Ọghẹnẹ rẹ Izrẹl tare. Si eta me ta kẹ owẹ na ejobi phihọ ọbe

Jerimaya 30:2 ပူးပေါင်းရင်းမြစ်များ

Ẹyano 17:14

Ọrovwohwo da ta kẹ Mosis, Si ọnana phihọ ọbe re ọ dia ekarohọ rere wo se ki Joshua nyo tanẹ, mi che phoro ekarohọ rẹ Amalẹk nẹ otọ rẹ odjivwu na.

Aizaya 30:8

Asakiephana, yanran, re sio phihọ isemeti vwọ kẹ ayen, re wọ tuọn phihọ ọbe, rere ọ vwọ dia vwẹ ọke rọ cha kerẹ iseri bẹdẹ.

Aizaya 8:1

Etiyin Ọrovwohwo da ta kẹ vwẹ nẹ, Reyọ ophapha rode ri wo si phihọ re ihwo ejobi se vughe, Ophapha re Mahashalal-hashbaz.

Jerimaya 25:13

Mi che ru otọ yana kiroho re me ta kpahọ na ejobi, emu kemu re siri vwẹ ọbe nana ọ ri Jerimaya mraro rọye kpahe irere na ejobi.

Jerimaya 30:1

Ota ro nẹ obọ rẹ Ọrovwohwo bru Jerimaya rhe.

Jerimaya 36:28

Reyọ ọbe ọfa re wo si eta rẹ ọbe rẹ ẹsosuọ phihọ, e ri Jehoiakim ovie ri Juda torhẹre na. Ku wọ ta kpahe Jehoiakim ovie ri Juda, Enẹ Ọrovwohwo tare, Die nẹrhe wo si eta re ọbe rẹ ẹsosuọ phihọ, e re Jehoiakim ovie ri Juda tọrhẹre na.

Jerimaya 36:32

Kẹsiẹye Jerimaya ke reyọ ọbe ọfa vwọ kẹ Barọk rẹ osiẹbe na, ọmọ ri Neraya, ọye si eta na ejobi phihọ ọbe ri Jerimaya se kẹ, eta rẹ ọbe rẹ ẹsosuọ ri Jehoiakim ovie ri Juda torhẹre vwẹ erhanre na, e ji phi eghẹre rẹ eta tiọyẹ na efa ba ayen.

Daniẹl 12:4

Ẹkẹvuọvo wẹ, Daniẹl, rhurhu eta na, ko ọbe na gbe, bẹsiẹ rẹ ọke rẹ oba na vwo te. Ihwo buebu cha djẹ rhe djẹ kpo, erianriẹn che bu phihọ.

Ọbe ri Pọl si rhe Ihwo ri Rom 15:4

Kidie kemu kemu re si phihọ otọ rhabae rhe, e si ayen phihọ otọ kẹ eyono rẹ avwanre, rere vwẹ erhiori kugbe uchebro ro nẹ ẹbe ọfuanfon na rhe avwanre se vwo iphiẹrohọ.

1 Kọrẹnt 10:11

Asakiephana imu nana phiare rere avwanre vwọ kẹnoma, ẹkẹvuọvo e si ayen phihọ otọ rere e dia uyono kẹ avwanre, avwanre rẹ oba rẹ oge nana bru rhe.

Urhi Rivẹ 31:19

Fiki rẹ ọtiọye na gbe si une nana wo vwo yono ihwo rẹ Izrẹl, phio phihọ unu rayen, rere une nana vwo dia oseri mẹ kpahe ihwo rẹ Izrẹl.

2 Pita 1:21

fikiridie o vwo aroẹmrẹ ọvuọvo ro di nẹ udu rẹ obọ rẹ ohwo cha-a, ẹkẹvuọvo ihwo rẹ Erhi Ọfuanfon na muru re ta ota ro nẹ obọ rẹ Ọghẹnẹ rhe.

Ẹvwọphia 1:11

rọ tanẹ, Si obo ru wọ mrẹre na phihọ ọbe re wo vwo rhe ishọshi ighwrẹ na, vwo rhe Ẹfesọs kugbe Simana kugbe Pẹgamọm vwo rhe Taetira vwo rhe Sadis vwo rhe Filadẹlfia vwo rhe Laodisia.

Ẹvwọphia 1:19

Asakiephana gbe si obo re wọ mrẹre, obo re herọ vwẹ asakiephana kugbe obo ri che ru vwobọ.