Jerimaya 30:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Evun rayen ine rẹ ẹkpẹvwẹ nurhe, vẹ urhuru rẹ otu re ghọghọ. Mi che ru ayen buẹ phihọ, ayen gbe cha havwe-e, ki mi ru ayen vwo ọghọ, ayen cha dia ihwo itete-e.

Jerimaya 30:19 ပူးပေါင်းရင်းမြစ်များ

Ezra 6:22

Ayen da re orẹ rẹ ikara ro jephuo na ẹdẹ ighwrẹn soso vẹ aghọghọ, fikiridie Ọrovwohwo nẹrhẹ ayen ghogho. O de ku ẹnwẹ rẹ ovie rẹ Asiria rhẹriẹ kẹ ayen, rọ da nẹrhẹ ọ cha ayen uko vwo ru iruo rẹ uwevwi rẹ Ọghẹnẹ na, Ọghẹnẹ rẹ Izrẹl na.

Nehemaya 8:12

Ihwo na ejobi da yanran kpo dohwo dasan rọye ra rẹ ra da ayen da ghare ẹkẹn kẹ ihwo ayen da ghọghọ aghọghọ rode, fikiridie ayen riẹn otọ rẹ eta re ghwoghwo kẹ ayen na.

Nehemaya 8:17

Ọghwẹgbe rẹ ihwo ri rhivwi nẹ ighuvwu rhe da bọn egarivi ayen da dia evun rẹ egarivi na; kidie nẹ ọke ri Jeshua ọmọ ri Nọn rhe rhi te ẹdẹ yena ihwo rẹ Izrẹl ji ru ọtiọye-e. Ayen da ghọghọ okpọ aghọghọ rode.

Une rẹ Ejiro 53:6

E mane esivwo rẹ Izrẹl se nẹ Zayọn rhe vwonẹ! Vwe ọke rẹ Ọghẹnẹ da vwẹ ughwẹ re ihwo rọye rhivwi rhe, oma kọ vwerhe Jekọp Izrẹl ko ghọghọ.

Aizaya 12:1

Wọ cha ta vwẹ ẹdẹ yena. Me sa kpẹvwẹ owẹ, E Ọrovwohwo, owenẹ ivun mẹ miovwo uwe dede, ophu wẹn na bi wan re, we ọvo na rhoma bru vwe uche.

Aizaya 26:15

Ẹkẹvuọvo wẹ ri ru irere na bu, E Ọrovwohwo, wẹ ri ru irere na bu, wẹ ọye e jiri, wẹ re hẹre ughwru rẹ otọ na.

Aizaya 27:6

Vwẹ ẹdẹ re cha na Jekọp kọ cha vwẹ owọ muotọ, Izrẹl kọ cha kpa ipho kọ ghwe ẹbe phihọ, omamọ rọye kọ cha vọn akpọ na ejobi.

Aizaya 35:10

Ihwo ra tan hirhe rẹ Ọrovwohwo ọvo ri che rhivwi, rhe Zayọn vẹ ine ẹsuọ, vẹ aghọghọ ri bẹdẹ na vwẹ uyovwi rayen, kẹ ayen vwo aghọghọ vẹ omavwerhe, oja vẹ unuẹfiọn ke dje ghwru.

Aizaya 51:11

i re si nẹ ijọpha re Ọrovwohwo na mrasan rhivwi, ayen Me rhe vẹ ine ẹsuọ vwọ rhe Zayọn, aghọghọ ri bẹdẹ na kọ dia uyovwi rayen, kẹ ayen vwo aghọghọ vẹ omavwerhe, te oja vẹ unuẹfiọn ke dje ghwru.

Aizaya 51:3

Kidie Ọrovwohwo se bru Zayọn uche, ko bru asan ra ghwọre ejobi na uche, ko ru aghwa rọye kerẹ Idẹn, aghọghọ vẹ omavwerhe keye a mrẹ vwọ, ẹkpẹvwẹ kugbe urhuru rẹ ine.

Aizaya 52:9

We koko va so ine, ovwan asan ifefe ri Jerusalẹm, kidie Ọrovwohwo bru ihwo rọye uche, ọ tan Jerusalẹm hirhe.

Aizaya 55:5

Nighere, wo che se ẹgborho ru wọ je riẹ-ẹn, ẹgborho ru wọ riẹnre-e ke djẹ bru uwe rhe, fiki re Ọrovwohwo Ọghẹnẹ wẹn, kugbe Ọfuanfon Ọvuọvo rẹ Izrẹl, kidie ọ vwẹ urinrin kẹ we nure.

Aizaya 60:19

Ọnre gbe cha dia urhukpẹ wẹn vwẹ ogheruvo-o, eyẹ elo rẹ emeranvwe gbe sa kẹ wẹ orẹmrẹ vwe aso-on, ẹkẹvuọvo Ọrovwohwo kọ dia urhukpẹ wẹn bẹdẹ, Ọghẹnẹ wẹn kọ dia urinrin wẹn.

Aizaya 60:22

Unuwevwi ọvo ko hirhe phihọ ẹgborho, ọ rọ ma havwe ejobi kẹ ẹgborho rode, Mẹvwẹ he Ọrovwohwo na; vwẹ ọke rọye ki Mi ruo kpata kpata.

Aizaya 60:9

Kidie erhuru na cha hẹrhẹ ovwẹ, ekpo ri Tarshish re dia ẹsosuọ, re cha reyọ emọ wẹn nẹ ogboko rhe, cha reyọ idọnọ vẹ iro boma rhe, fiki rẹ odẹ rẹ Ọrovwohwo Ọghẹnẹ wẹn, kugbe Ọfuanfon Ọvuọvo rẹ Izrẹl na, kidie ọ vwẹ urinrin kẹ wẹ.

Jerimaya 17:26

Ihwo che nẹ irere ri Juda vẹ asan re yariẹ Jerusalẹm phihọ, nẹ otọ ri Bẹnjamin, nẹ Shefela, nẹ orere rẹ ugbenu, ji nẹ Nẹgẹb rhe, re ghwa izobo rẹ ẹtorhẹ kugbe izobo cha, izobo rẹ ọka kugbe adjija, ke vwẹ ẹkpẹvwẹ rhe uwevwi rẹ Ọrovwohwo na.

Jerimaya 3:16

Rẹ ovwan de rhi bu phihọ vwẹ otọ na re, vwẹ ẹdẹ yena eriyin Ọrovwohwo tare, ayen gbe cha ta ota na ọfa kpahe, Ekpeti rẹ ọphọ rẹ Ọrovwohwo na-a. Ayen gbi che roro-o, ayen gbe je karo phihọ-ọ, o gbi ji ghwru-u, a gbe je rhuẹrẹ ru ọfa-a.

Jerimaya 31:27

Nighe, ẹdẹ cha, eriyin Ọrovwohwo tare, re me cha vwẹ omamọ rẹ ohwo vẹ eranvwe vwọ kọn uwevwi rẹ Izrẹl vẹ uwevwi ri Juda.

Jerimaya 31:4

Me je rhọma bọn wẹ, ka je bọn wẹ, E ọmọtobẹ Izrẹl! Wọ cha rhoma vwẹ eshẹghẹshẹghẹ rhuẹrẹ oma wẹn, wọ cha ro ehegbe rẹ otu re ghọghọ.

Jerimaya 33:22

Kirobo re se keri otuofovwi rẹ obo odjuvwu na-a ra je sa vwavwẹ ubu rẹ abadi na-a na, ọtiọye mi che ru uvwiẹ ri Devid odibo mẹ buẹ phihọ, kugbe irherẹn ri Livae ri gbe odibo kẹ vwẹ na.

Izikiẹl 36:37

“E nẹ Ọrovwohwo Ọghẹne tare: Ọnana me je cha uphẹ kẹ uwevwi rẹ Izrẹl nẹ ayen nọ vwẹ rere mi ru kẹ ayen, re mi ru ihwo rọye bu kerẹ igọde.

Izikiẹl 37:10

Ọtiọye me da mraro kirobo re ji vwe na, ẹnwẹn da ro ayen oma, ayen da rhọ, ayen de vrẹn mudia, urogho rode gangan.

Izikiẹl 37:26

Me vẹ ayen ke re ọphọ rẹ ufuoma; kọ dia ọphọ re rara me vẹ ayen cha re; ki mi bruphihọ kẹ ayen ki bun phihọ, ke me vwẹ ẹshẹ mẹ vwo vi vwẹ uherevie rẹ ayen rhiri bẹdẹ.

Zekaraya 10:8

Me riẹn obọ kẹ ayen mi de koko ayen hẹ uwevwi, kidie Me tan ayen hirhe nure, ayen ki bu kirobo rẹ ayen buru jovwo.

Zekaraya 12:8

Vwẹ ẹdẹ yena Ọrovwohwo kọ cha vwẹ ekpọfia kẹ ihwo ri Jerusalẹm rere ihwo re ma vwiẹrẹ vwẹ ohri rayen vwọ họhọ Devid, re uwevwi ri Devid vwọ họhọ Ọghẹnẹ, kere amakashe rẹ Ọrovwohwo vwẹ uyovwi rayen.

Zekaraya 2:4

ọ da ta kẹ, Djẹ, ra vuẹ emeghene yena, A cha dia Jerusalẹm kerẹ ẹko ri jẹ igbẹhẹ evwo, fiki rẹ otu rẹ ihwo vẹ uchuru re herọ.

Zekaraya 8:19

E nẹ Ọrovwohwo rẹ otuofovwi tare Owenẹ owẹvwe rẹ echiro rẹ emeranvwe rẹne, re fi ọriyori, vẹ ọrighwrẹ, re te ọrihwe, cha dia vwẹ uwevwi ri Juda ọke rẹ oghọghọ vẹ omavwerhe kugbe orẹ rẹ omavwerhe, ọtiọye na gba guọnọ uyota vẹ ufuoma.

Iyẹnrẹ Esiri ri Jọn 17:22

Urinrin na re wọ vwọ kẹ vwẹ me vwe rọ kẹ ayen, rere ayen vwọ dia ọvo kirobo rẹ avwanre hẹ ọvo na.

1 Pita 1:7

rere obo rẹ esegbuyota rẹ ovwan dia uyota te, rọ ghare nọ oro, dede nẹ ọghwọrọ siẹ ra da vwẹ erhanre davwọ, ọ me rho phihọ vwọ kẹ ejiro kugbe urinrin kugbe ọghọ vwẹ ẹdẹ ra da cha vwi Jesu Kristi phia na.