Jerimaya 30:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Enẹ Ọrovwohwo tare: Nighe, me vwẹ erhieyovwo rhivwi rhe itughẹ ri Jekọp, Ke me re ehrọre kẹ ẹdia rọye; a cha rhoma bọn orere na phihọ ugbenu rọye, ighẹn ke dia asan rọ dia jovwo.

Jerimaya 30:18 ပူးပေါင်းရင်းမြစ်များ

1 Ikun rẹ Ivie 29:1

Ovie Devid da ta kẹ ọghwẹgbe na ejobi, Solomọn rẹ ọmọ mẹ, rẹ Ọghẹnẹ jẹreyọ, omotete o ruẹ o ji vwo ọhọ-ọ yẹ iruo na ọ rhuarho; ighẹn na dia ọ rẹ ohwo-o ẹkẹvuovo ọ rẹ Ọrovwohwo Ọghẹnẹ.

1 Ikun rẹ Ivie 29:19

Vwọ kẹ Solomọn rẹ ọmọ mẹ rere ọ vwẹ udu rọye ejobi vwọ sẹro rẹ irhi wẹn, iseri wẹn, kugbe iji wẹn, rere o ru ayen, rere ọ vwọ bọn asan re me rhuẹrẹ ekuakua rọye phihọ otọ kẹ na.

Nehemaya 7:4

Orere na epha hẹhẹre wranran rhuarho, ẹkẹvuọvo ihwo re dia evun rọye epha hanhanvwe ya jẹ bọn iwẹvwi buebu phihọ-ọ.

Une rẹ Ejiro 102:13

Wo vrẹn re wọ rẹ ehrọre ri Zayọn; o te ọke re vwo ni ẹroesiri kẹ; ọke re bruru na gbare.

Une rẹ Ejiro 102:14

Kidie idibo wẹn yọnrọn eragha rọye ghaghare, ọ da re ehrore rẹ iwurhie rọye.

Une rẹ Ejiro 122:7

Ufuoma dia vwẹ evun rẹ igbẹhẹ wẹn, ofuvwegbe vwẹ evun rẹ ohẹrhẹ wẹn!

Une rẹ Ejiro 48:13

nabọ roro udio rọye, wan ohẹrhẹ rọye na vrẹn, rere wọ ta kẹ uvwiẹ rọ cha

Une rẹ Ejiro 48:3

Vwẹ ẹvun rẹ ohẹrhẹ rọye Ọghẹnẹ de djẹ oma rọye phia nẹ ọye ọchochọ.

Une rẹ Ejiro 78:69

O da bọn ẹshẹ rọye kpenu re te odjuvwu, kerẹ akpọ na, re ọye ọvo mare bẹdẹ.

Une rẹ Ejiro 85:1

Ọrovwohwo, wo vwo evun esiri kẹ otọ wẹn; wọwẹ re vwẹ ughwẹ ri Jekọp rhivwi rhe.

Aizaya 44:26

Ono ri ru ota rẹ odibo rọye gan, ro ru iroro rẹ iyinkọn rọye, ono re ta kpahe Jerusalẹm, nẹ, A cha rhoma dia kugbe irere ri Juda nẹ, A cha rhoma bọn ayen, ke me kpare igbẹhẹ ri sheri na vrẹn mudia;

Aizaya 44:28

rọ ta kpahe Sairọs, Ọye osuigegede mẹ, ko che ru iroro mẹ ejobi gba; kọ ta kpahe Jerusalẹm, nẹ, Ka cha bọn wẹ, vwọ kpahe uwevwi na nẹ, Ka cha tọn uchivwo wẹn phihọ otọ.

Jerimaya 23:3

Ke me ghwẹ igegede mẹ ri chekọ nẹ asan me djẹ ayen ra ejobi rhe, me ghwẹ ayen rhivwi rhe ukoko rayen, ayen ki vwiẹ ji bu phihọ.

Jerimaya 29:11

Kidie me rien iroro ri mi vwo kẹ ovwan, eriyin Ọrovwohwo tare, iroro rẹ erhuvwu ọ dia ọ rẹ umiovwo me cha vwọ kẹ ovwan vwẹ ọke rọ cha vẹ iphiẹrohọ.

Jerimaya 29:14

Ovwan ke mrẹ vwẹ, eriyin Ọrovwohwo tare, ke me vwẹ ughwẹ rẹ ovwan rhivwi rhe ovwan ke me ghwe ovwan nẹ ẹgborho vẹ asan re me djẹ ovwan ra ejobi rhe, eriyin Ọrovwohwo tare, me je ghwa ovwan rhivwi nẹ asan ri mi mu ovwan ra kpo ighuvwu na.

Jerimaya 30:3

Kidie nighe, ẹdẹ cha, eriyin Ọrovwohwo tare, re me cha vwọ reyọ ughwẹ rẹ ihwo mẹ rhivwi rhe, Izrẹl vi Juda, eriyin Ọrovwohwo tare, ke me vwẹ ayen rhe otọ re me vwọ kẹ esẹ rayen, ayen ke reyọ.

Jerimaya 31:23

Enẹ Ọrovwohwo rẹ otuofovwi na tare, Ọghẹnẹ rẹ Izrẹl: Ayen cha rhoma ta eta nana vwẹ otọ ri Juda vẹ irere rọye ọke re me da vwẹ oyovwe rayen rhe nu: Ọrovwohwo bruba kẹ wẹ, E ẹdia rẹ ọvwata, E ugbenu ọfuanfọn!

Jerimaya 31:38

Nighe, ẹdẹ cha, eriyin Ọrovwohwo na tare, ra cha vwọ rhuẹrẹ orho na bọn kẹ Ọrovwohwo nẹ uwevwi rẹ ohẹrhẹ ri Hananẹl re te Unurhoro rẹ Akakọ na.

Jerimaya 31:4

Me je rhọma bọn wẹ, ka je bọn wẹ, E ọmọtobẹ Izrẹl! Wọ cha rhoma vwẹ eshẹghẹshẹghẹ rhuẹrẹ oma wẹn, wọ cha ro ehegbe rẹ otu re ghọghọ.

Jerimaya 31:40

Iyara rẹ irivwi na ejobi vẹ iwurhie na, kugbe idju na ejobi rhiri re te uto ri Kidrọn, te akakọ rẹ Unurhoro rẹ Iyesi na ro ni obaro ọnre na, cha dia fuanfọn kẹ Ọrovwohwo. E gbi che ghwie ọfa-a e gbi ji kuo kufia bẹdẹ-ẹ.

Jerimaya 32:15

Kidie enẹ Ọrovwohwo rẹ otuofovwi, Ọghẹne rẹ Izrẹl tare Iwevwi vẹ idju kugbe ogba ri vain a je cha rhoma de ayen vwẹ otọ nana.

Jerimaya 32:44

A cha vwẹ igho de idju vwọ vwobọ ọbe rẹ eshashẹ ka ghwẹ obọ phihọ ji se oseri kpahọ vwẹ otọ ri Benjamin, vwẹ asan re yariẹ Jerusalẹm phihọ kugbe irere ri Juda, vwẹ irere rẹ obọ igbenu na, vwẹ irere re obi Shefela, kugbe evun rẹ irere rẹ obi Nẹgẹb na; kidie me cha vwẹ oyovwe rayen rhivwi rhe ayen, eriyin Ọrovwohwo tare.

Jerimaya 33:11

a cha rhoma nyo urhuru rẹ ehwẹ vẹ omavwerhovwẹ, urhuru rẹ ọshare rẹ ọpha vẹ urhuru rẹ ọpha, urhuru rẹ otu re so une, re ayen da ghwẹ ẹkpẹvwẹ cha uwevwi rẹ Ọrovwohwo na. Vwẹ ẹkpẹvwẹ kẹ Ọrovwohwo rẹ otuofovwi na, kidie Ọrovwohwo na yovwiri kidie ẹguọnọ rọye ro jẹrhẹriẹ na dia bẹdẹ! kidie me cha vwẹ oyovwe rẹ otọ na rhivwi rhe kerẹ ọ rẹ ẹsọsuọ, eriyin Ọrovwohwo tare.

Jerimaya 33:7

Me cha vwẹ oyovwe ri Juda vẹ oyovwe rẹ Izrẹl rhivwi rhe ayen, ke me rhoma bọn ayen kirobo rẹ ayen epha vwẹ ẹsosuọ.

Jerimaya 46:27

Ẹkẹvuọvo wọ djẹ oshọ-ọ, E Jekọp odibo mẹ, wo ji brudu-u, E Izrẹl; kidie gbe nighe, me cha dia ogboko de sivwi uwe, ivwrọmọ wẹn nẹ otọ rẹ ighuvwu rayen rhe. Jekọp che rhivwi rhe dẹndẹn vẹ omaefuo, ohwo rha nẹrhẹ phihọ oshọ-ọ.

Jerimaya 49:39

Ẹkẹvuọvo vwẹ ẹdẹ rẹ okuko vwobo me cha rhoma vwẹ erhuvwu rẹ Elam rhivwi rhe, eriyin Ọrovwohwo tare.

Jerimaya 49:6

Ẹkẹvuọvo ukuko rọye ke me cha rhoma vwẹ erhuvwu rẹ ihwo rẹ Amọn rhivwi rhe ayen, eriyin Ọrovwohwo tare.

Izikiẹl 36:11

Mi che ru ihwo te eranvwe wẹn bun phiyọ, we bu rere ayen bu phiyọ; kẹ ayen bun phiyọ je mọ emamọ; ki mi ru rere ihwo rhoma dia wẹ kerẹ ọke rẹ ẹsosuọ, ki mi ru we yovwi nọ obo ri jovwo. Ko wọ cha riẹn nẹ omẹvwẹ ọyen Ọrovwohwo na.

Emọs 9:14

Ke Me cha rhoma reyọ ughwẹ rẹ ihwo mẹ Izrẹl rhivwi rhe ayen, irere ri sheri na ka rhoma bọn ayen ka dia ayen; kẹ ayen kọn ogba ri vain, kẹ ayen da udi rọye, kẹ ayen kọn ogba ayen ke re ibi rọye.

Zekaraya 1:12

Ọye amakashe re Ọrovwohwo da ta, E Ọrovwohwo rẹ otuofovwi mavọ okrite wo ki ni arodọvwẹ ri Jerusalem vẹ irere ri Juda ri wo mu ophu kpahe ikpe ujorha gbe ihwe re na?

Zekaraya 1:16

Ọtiọye na, e nẹ Ọrovwohwo tare, mi rhivwi rhe Jerusalẹm vẹ arodọvwẹ; a cha bọn uwevwi Mẹ phihọ, Ọrovwohwo rẹ otuofovwi na tare, ka cha riẹn ufi rẹ ovwanvwọn wan Jerusalẹm vrẹn.

Zekaraya 12:6

Vwẹ ẹdẹ yena ki mi ru orua ri Juda họhọ ochẹ rọ vwara vwẹ uherevie rẹ erhanre, họhọ urhukpẹ rọ la vwe ohri rẹ ekrẹbe; ayen ke guọghọ ihwo re yariẹ obọrhe vẹ obọhwẹre ejobi phihọ yẹ a je dia Jerusalẹm kirobo rọ epha jovwo .

Zekaraya 12:7

Ọrovwohwo ephiokparobọ kẹ uwevwi ri Juda rere urinrin rẹ uwevwi ri Devid vẹ urinrin rẹ ihwo ri Jerusalẹm vwo je rhuọnọ ọ ri Juda.

Zekaraya 14:10

Otọ na ejobi ko che shaton nẹ Ọrha re te Rimmọn vwẹ obọrhe ọnre vwi Jerusalẹm. Ẹkẹvuọvo Jerusalẹm ko che kpenu vwẹ ẹdia rọye nẹ Unurhoro re Bẹnjamin re te asan rẹ unurhoro rẹ awanre na epha, re te Unurhoro rẹ Akako, nẹ ohẹrhẹ ri Hananel re te okọ re de mie wain rẹ ovie.