Jerimaya 30:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ọtiọye na ihwo ri mu ovwan rọ ejobi ke ji mu ayen rọ ivwighrẹ rẹ ovwan ejobi, ọvuọvo rayen, ki kpo imu, otu re ghwa ovwan reyọ ejobi ka je ghwa ayen reyọ, iri shenyẹ ovwan ejobi ke ji shenyẹ ayen rhe.

Jerimaya 30:16 ပူးပေါင်းရင်းမြစ်များ

Une rẹ Ejiro 129:5

Jẹn otu ri tuoma ri Zayọn ejobi mrẹ omaẹvuọ rẹ ayen rhivwi kpuko!

Ẹyano 23:22

Ẹkẹvuọvo wọ da vwẹ oma kpotọ wo de ru obo re me tare ejobi, ke me dia ovweghrẹ kẹ lvwighrẹ wẹn ukọn vwọ kẹ ihwo ri mu kpahe owẹ.

Isẹ 22:23

kidie Ọrovwohwo che mie ayen unu vwo guẹ, o mi rhi miovwi ayen ihwo ri miovwi akpọ rayen.

Aizaya 14:2

Ihwo na ke reyọ ayen vwọ rhe adia rayen, uwevwi rẹ Izrẹl ko vwo ayen vwẹ otọ rẹ Ọrovwohwo na; kẹ ayen dia eviẹn rẹ eshare vẹ e rẹ eya, ihwo ri ke mu ayen jovwo na ka rhoma mu ayen ighuvwu, kẹ ayen rhoma sun ihwo ri ke shenyẹ ayen jovwo na.

Aizaya 33:1

Ekan ke we, oghwọrọ na, kono ekpuyovwi wẹn je ẹghwọrọ; wẹ ohwo ogbarogba na, ohwo ve owe ji ru emu ogbarogha devo-o Ọke wọ da ghwọrọ ihwo nu, ekpuyovwi wẹn ka je ghwọrọ owe; ọke wo de ru ogbarogba ru wo se ru nure, ke ji nene uwe ru emu ogbarogba rhe.

Aizaya 54:15

Ọ da dianẹ ohwo so okpetu, yọ dia obọ mẹ o nurhe-e; ohwo rọ so okpetu kẹ we ko she fiki wẹ.

Aizaya 54:17

orọvwọ re duvwu vwọ so owẹ se yovwi-i, ku wo gbe ota phihọ unu kunu ro vrẹn vwọ so owẹ vwẹ ẹdjọ. Ọnana kọ dia ughwẹ re idibo rẹ Ọrovwohwo kugbe ase rẹ ayen cha re vwẹ obọ mẹ, eriyin Ọrovwohwo tare.

Jerimaya 10:25

Ku ophu wẹn ku ẹgborho ri ju we ẹriẹn kugbe ihwo ri se ode wẹ-en, kidie ayen mu Jekọp rọn, ayen murọ rọn ayen guọgherọ te otọ ayen ru ẹdia rọye phihọ ofefe.

Jerimaya 12:14

Enẹ Ọrovwohwo tare kpahe irivẹ me imiomiovwi na re vwẹ obọ te ukuẹriọ re me vwo ke ihwo mẹ Izrẹl, nẹ vwọ reuku na: Nighe, mi che yoro ayen nẹ otọ rayẹn, ki mi yoro uwevwi ri Juda nẹ ohri rayen.

Jerimaya 2:3

Izrẹl ohwo ọfuanfon kẹ Ọrovwohwo, emamọ rẹsosuọ rẹ orhọ rọye. Otu re rerọ ejobi reabe; okpetu bru ayen rhe, Ọrovwohwo re tarọ.

Jerimaya 25:12

Siẹ rẹ ikpe ujorha gbẹ ihwe na da gba nure, ki mi ru ovie ri Babilọn vẹ orere yena djadja, otọ rẹ ihwo ri Kaldia na, fiki rẹ orukuruku rayen, eriyin Ọrovwohwo tare, ki mi ru ayen ofefe bẹdẹ bẹdẹ.

Jerimaya 30:15

Die nẹrhẹ omaewan rẹ ovwan da ovwan? ọ davwẹ rẹ ovwan vwo ehworokpo-o. Fikiridie abe rẹ ovwan rhoro, fikiridie umwemwu rẹ ovwan gbori gangan, mẹvwẹ ri ru ovwan imu nana.

Jerimaya 50:28

Kerhọn! ayen djẹ vabọ nẹ otọ ri Babilọn, re ghwoghwo ihriẹriọ rẹ Ọrovwohwo Ọghẹnẹ rẹ avwanre na vwi Zayọn, ihriẹriọ fiki rẹ uwevwi rọye.

Jerimaya 8:16

Ọ dia Dan e de nyo inwe ẹ fiọn rẹ iyesi rayen; kugbe ẹguangon rẹ azanọ rẹ rayen, otọ na soso de kpogho. Ayen rhere ayen da ghwọrọ otọ na kugbe obọ re vọnrọn, ọrere na ve ọtu re dia ejobi.

Uvwerhe 1:21

Gbe nyo obo re me guan, o vwo ohwo ọvuọvo ro bru uvwe uche-e. Ivwighrẹ mẹ ejobi nyo ukpokpogho mẹ, ayen da ghọghọ nẹ wọwẹ ri ruro. Gba vwẹ ẹdẹ ru wo ghwoghwori na rhe rere e dia kere obo re me pha na.

Uvwerhe 1:22

Gbe jẹ obrarba rayen bru uwe rhe; rere wo ru ayen kirobo ri wo ru vwe vwi fiki rẹ ogbeku mẹ ejobi; kidie iguegu me pha buebu udu mẹ ki rhe sherua.

Izikiẹl 29:6

Etiyin ihwo re dia Ijipt ejobi ke cha riẹn nẹ mẹvwẹ Ọrovwohwo na. Fikiridie wọ epha kerẹ ọkpọ rẹ eyareya kẹ uwevwi rẹ Izrẹl.

Izikiẹl 35:5

Fikiridie wọ rhanre egbrẹ rẹ awanre phihọ evun, wọ da vwẹ ihwo rẹ Izrẹl kẹ ogangan rẹ ọlọkọ vwẹ ọke rẹ okpetu rayen, vwẹ ọke rẹ ehwe rayen rọ ka oba;

Joẹl 3:8

Ke Me shẹ emeshare wẹn vẹ emetẹ wẹn ke emọ ri Juda, ayen ke rhoma she ayen kẹ ihwo ri Sabia, ẹgborho ro sheri gangan; kidie Ọrovwohwo tarọ nure.

Maika 4:11

Asakiephana ẹgborho buebu rhe ghwẹ koko vwọ so owẹ, tanẹ, E je gbe ẹgua, rere avwanre tọn ẹro vi Zayọn.

Maika 7:10

Etiyin ọvweghrẹ mẹ kọ mrẹ, oma kọ vo ohwo rọ ta kẹ vwẹ Tivọ Ọrovwohwo re Ọghẹnẹ wẹn epha? Ki mi ghorie ẹro no, asakiephana ke chiyo te otọ kerẹ ibehre rẹ urhuvwu.

Nahum 1:8

Ẹkẹvuọvo ọ cha vwẹ oghwe ro kuẹ vwo furhie otu ri mu kpahọ, kọ cha djẹ ivwighrẹ rọye ra ro evun rẹ ebri.

Habakọk 2:16

Ehwẹjẹ kọ che dje we ọvẹn ọ rha dia urinri-nn. Da udi, phihọ oma wen, rere wo gele! Uko rọ hẹ obọrhe rẹ Ọrovwohwo na kọ cha riẹriẹ owẹ phihọ, omaẹvuọ kọ che rhurhu urinrin wẹn!

Zẹfanaya 2:8

Mi nyọ ehwẹjẹ ri Moab kugbe ẹghwọ rẹ ihwo rẹ Ammon, obo rẹ ayen vwẹ ihwo mẹ jehwẹ rẹ ayen da yeyan kpahe ubrotọ rayen.

Zekaraya 1:14

Etiyin na amakashe ro nene uvwe ta ota na da ta kẹ vwẹ, kperi phia, E nẹ Ọrovwohwo rẹ otuofovwi tare. Me reoma kpahe Jerusalẹm vẹ Zayọn gangan.

Zekaraya 1:15

Ẹgborho re hẹ ofuvwegbe na ivun rayen miovwo uvwe gangan, kidie ọke re ivun de ghwe miovwo uvwe emerha ẹgborho efa ki di hwe ayen.

Zekaraya 12:2

Nighere, mi muegbe mi vwo ru Jerusalẹm vwọ dia uko ro kpogho kẹ ihwo ejobi re yarierẹ phihọ; o ji mu kpahe Juda ro vwo se ogodogo riariẹ Jerusalẹm.

Zekaraya 14:2

Kidie Me cha ghwẹ ẹgborho na ejobi koko vwo phi Jerusalẹm ka reyọ orere na ka ghwẹ ekuakua rẹ uwevwi na reyọ ke gbe eya na ẹgua abọvo re orere na ko kpo imu, yẹ ẹkẹvuọvo e gbi si otu re ihwo ri chekọ nẹ orere na-a.

Zekaraya 2:12

Ọrovwohwo na kọ vwẹ Juda reuku kerẹ ẹkẹn rọye vwẹ otọ ọfuanfon na, kọ rhoma jẹ Jerusalẹm reyọ.

Zekaraya 2:8

Kidie enẹ Ọrovwohwo rẹ otuofovwi na tare, rẹ urinrin rọye vwo ju vwe bru ẹgborho ri gborho ovwan, kidie ohwo rọ vwẹ obọ te ovwan, yẹ ọ vwẹ obọ te ọmẹro rọye:

Urhi Rivẹ 30:7

Yẹ Ọrovwohwo Ọghẹnẹ rẹ ovwan na ko phi ekan nana phihọ enu rẹ ivwighrẹ rẹ ovwan ri mu kpahe ovwan.

Ẹvwọphia 13:10

Ọ da dianẹ e mu ohwo oghuvwu, ighuvwu na kọye ọ ra; ọ da dianẹ ohwo vwẹ ọlọkọ hwe ohwo, ọlọkọ na e ji vwo hwe. Kẹ etinẹ a da mrẹ odiri kugbe esegbuyota rẹ ihwo efuanfon na vugbe.

1 Samuẹl 17:53

Ihwo rẹ Izrẹl de rhivwi nẹ ẹvwọtua ri ihwo ri Filistia na, ayen de re gborho erhọn rayen.