Jerimaya 30:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Die nẹrhẹ omaewan rẹ ovwan da ovwan? ọ davwẹ rẹ ovwan vwo ehworokpo-o. Fikiridie abe rẹ ovwan rhoro, fikiridie umwemwu rẹ ovwan gbori gangan, mẹvwẹ ri ru ovwan imu nana.

Jerimaya 30:15 ပူးပေါင်းရင်းမြစ်များ

Ezra 9:13

Vwẹ ọke rẹ imu nana ejobi rhe vwọ phia kẹ avwanre fiki rẹ imwemwu rẹ avwanre nu, ra vwọ mrẹ nẹ wẹwẹ, Ọghẹnẹ rẹ avwanre, ruẹ ehwe wẹn hanvwe nọ obo rẹ umwemwu rẹ avwanre bu te wọ ke je kẹ avwanre umuku otiọna na,

ỌBE RẸ JOB 34:29

Ọke rọ da fotovwi, kono se bruhwe? Ọke ro de si opharo rọye nu, kono re sa mrẹ, sẹ ẹgborho eyẹ ohwo ọvo?

ỌBE RẸ JOB 34:6

ukpe rẹ ẹkẹ mẹ vwo te vwe e de se vwe ọvwọrefian; owenẹ me chọ urhi-i dede na yẹ era mẹ kpori-i.

Une rẹ Ejiro 107:17

Evo da mwọga fiki rẹ idjerhe umwemwu rayen, fiki rẹ orukuruku rayen ayen da mrẹ ọdjarhe!

Aizaya 1:6

Kẹ eherhowọ rhiri re te uyovwi, ghwodirhẹn kpimẹ, ẹkẹvuọvo e ghwiẹ ki ibru era kugbe era ri hwẹ, e mi aye-en eyẹ ke ẹgbaa eyẹ a vwẹ evwri rhuọrhọọ.

Aizaya 5:2

O de brotọ kẹ ọ da sanọ ibiekpẹn nẹ o da vwẹ omamọ rẹ grep vwọ kọn, ọ da bọn uwevwi rẹ ohẹrhẹ phihọ uherevie rọye, ọ da kare okọ re de miẹn vain phihọ, ko rhẹro ne ọ cha mọ otieẹ ẹkẹvuọvo otiẹ rẹ erivwi kọye ọ mọre.

Jerimaya 11:13

Kidie obo rẹ irere rẹ ovwan bute eriyin edjọ rẹ ovwan ji bute, E Juda, kirobo rẹ irhuvwu wẹn bute etiọye egbada re vwo vi kẹ omaẹvuọ rẹ ovwan ji bute vwi Jerusalẹm, egbada ra da torhẹ insẹns kẹ Baal.

Jerimaya 15:18

Die sorọ re odjadja mẹ gbi fue-e, rẹ era mẹ gbi kpo-o, ra gbe rhọvwe sivwo-o ku wọ họhọ ẹtẹrhe rẹ ophiẹvwe kẹ vwẹ, kerẹ ame rọ kpọ?

Jerimaya 2:19

Orukuruku wẹn cha họnron owẹ, egagọ esiọn wẹn cha ghwọ ku we. Vughe re wọ mrẹ nẹ umwemwu yara kidie wọ siẹn Ọrovwohwo Ọghẹnẹ wẹn, oshọẹdjẹ mẹ rhe we vwẹ evu-un, Ọrovwohwo Ọghẹnẹ rẹ ofovwi re tarọ.

Jerimaya 30:12

Kidie enẹ Ọrovwohwo tare. Omaẹwan rẹ ovwan dia ọ re se sivwi-i, ora rẹ ovwan ọrhuarho.

Jerimaya 30:14

Ovwan chọrọ ese rẹ ovwan ẹro; ayen gbe kerhọn rẹ ovwa-an; kidie me vwe ẹghwiẹ rẹ ọvweghrẹ ghwiẹ ovwan, ehwe rẹ ọvweghrẹ ro vwo aruẹdọ-ọ, fikiridie abe rẹ ovwan ọrhuarho, fikiridie imwemwu rẹ ovwan gbori gangan.

Jerimaya 30:16

Ọtiọye na ihwo ri mu ovwan rọ ejobi ke ji mu ayen rọ ivwighrẹ rẹ ovwan ejobi, ọvuọvo rayen, ki kpo imu, otu re ghwa ovwan reyọ ejobi ka je ghwa ayen reyọ, iri shenyẹ ovwan ejobi ke ji shenyẹ ayen rhe.

Jerimaya 30:17

Kidie me cha vwẹ omakpokpọ rhivwi rhe ovwan, mi ji sivwi era rẹ ovwan, eriyin Ọrovwohwo tare, fikiridie ayen se ovwan erasere, ọye Zayọn rẹ ohwo ọvuọvo vwẹ ẹro te-e!

Jerimaya 46:11

Yanran kpo obi Giliad, wọ reyọ adjija, E ọmọtobẹ rẹ Ijipt na! Wọ reyọ ihuvwu ibuebu wẹn na kufia; esivwo herọ kẹ wẹ-ẹ.

Jerimaya 6:13

Kidie nẹ omotete re te ọkpako rayẹn, vwo urhuru rẹ igho re eku; nẹ ọmraro re te orherẹn ruẹ emu rẹ egbẹnẹkẹ.

Uvwerhe 1:5

Ivwighrẹ rọye keye rha ka enu kẹ o re yovwẹ kẹ ivwighrẹ rọye, fikiridie Ọrovwohwo nẹrhẹ ọ re oja fiki rẹ orukuruku obuebu rọye. E mu emọ rọye kpo ighuvwu vwe aro rẹ ivwighrẹ na.

Uvwerhe 2:13

Kidie me sa ta kẹ wẹ, eyẹ kidie mi vwo dje we, E ọmọtẹ ri Jerusalẹm? Didi emu mi vwo dje we rere mi se vwo bru uwe uche, E ọmọtobẹ ri Zayọn? kidie ẹghwọrọ wẹn hẹre kere abadi; kono se sivwi uwe?

Uvwerhe 3:39

Die ohwo ọkpokpọ vwo brenu, rẹ ohwo vwọ ta ota rẹ ehwe fiki rẹ imwemwu rọye?

Uvwerhe 4:13

Ọna ki fiki rẹ umwemwu rẹ emraro rọye kugbe orukuruku rẹ irherẹn rọye, ri sun ọbara rẹ evwata na ekueku vwẹ ohri rọye.

Maika 1:9

Kidie ora rọye na e se sivwo-o; o te Juda re, o te anurhoro rẹ ihwo mẹ rẹ, o te Jerusalẹm rẹ.

Maika 7:9

Ki mi chiri ophu rẹ Ọrovwohwo na fikiridie mi ru umwemwu kpahọ, bẹsiẹ ro vwo mie vwẹ unu vwo gu ro de brorhiẹ kẹ vwẹ. kọ vwẹ ovwẹ kpo asan rẹ urhukpẹ epha; ke me mrẹ esivwo rọye vughe.

Nahum 3:19

O rhe vwo ohwo ro bruche rẹ odjadja wẹ-ẹn ora wẹn na ọrhuarho ihwo ri nyo ikun wẹn ejobi ke teyọ abọ ghwẹ phihọ owẹ. Kono ọnana je bro cha, rẹ uvumwemwu wẹn jẹ oma e te?