Jerimaya 30:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ohwo ro kerhọn rẹ ovwan herọ-ọ, uhuvwu herọ kẹ ora rẹ ovwa-an; esivwo herọ kẹ ovwa-an.

Jerimaya 30:13 ပူးပေါင်းရင်းမြစ်များ

ỌBE RẸ JOB 34:29

Ọke rọ da fotovwi, kono se bruhwe? Ọke ro de si opharo rọye nu, kono re sa mrẹ, sẹ ẹgborho eyẹ ohwo ọvo?

ỌBE RẸ JOB 5:18

Kidie ọ woma, ẹkẹvuọvo ọye ọvo me rha gba; ọ ghwiẹ, ẹkẹvuọvo yẹ obọ rọye sivwẹ.

Une rẹ Ejiro 106:23

Fikiridie ọ tare nẹ ọye ghwọrọ ayen– ọ dia ifiki ri Mosis, rọ jẹreyọ na vwo-o rọ mudia phihọ ahwa rọye, rọ da ophu rọye ji ro vwo jẹ ayen ẹghwọrọ.

Une rẹ Ejiro 142:4

Mi ni obọrhe me da rhẹrẹ, ẹkẹvuọvo o vwo ohwo ọvuọvo ro ni vwe so-o; o gbi vwo asan odjahọ kẹ vwẹ-ẹ, ohwo gbe davwerhọ mẹ-ẹ

Ẹyano 15:26

tanẹ, Wọ da vwẹ oma kpotọ nyo ota rẹ Ọrovwohwo Ọghẹnẹ wẹn, wo de ru obo ri shephihọ vwẹ ẹro rọye, wọ da kerhọ rẹ iji rọye wọ da yọnrọn ayen, emiavwe ri mi vwo mu ihwo rẹ Ijipt na gbi che mu we-e, kidie Mẹvwẹ Ọrovwohwo, osivwi wẹn.

Aizaya 1:6

Kẹ eherhowọ rhiri re te uyovwi, ghwodirhẹn kpimẹ, ẹkẹvuọvo e ghwiẹ ki ibru era kugbe era ri hwẹ, e mi aye-en eyẹ ke ẹgbaa eyẹ a vwẹ evwri rhuọrhọọ.

Aizaya 59:16

Ọ mrere nẹ o vwo ohwo ọvuọvo-o o de gbe unu nẹ a mrẹ ohwo ro vwrẹ ohọnre-e; etiyin ugbobọ rọye da kẹ ephiokparobọ, ọvwata rọye kọye re yọnrerọ.

Jerimaya 14:19

Wọ ghwa siẹn Juda tototo? Ki Zayọn ghwe tu erhi wẹn oma? Die wọ vwọ ghwiẹ avwanre, rẹ esivwo gbe herọ kẹ avwanre-e? Avwanre phiẹro phihọ ufuoma, ye erhuvwu cha-a; vwẹ ọke rẹ esivwo, gbe nighe kẹ uguegue.

Jerimaya 17:14

Sivwẹ uvwe, E Ọrovwohwo, ki mi vwo esivwo, sivwẹ uvwe rhọ, re me vwọ sa rhọ, kidie wẹ yẹn ejiro mẹ.

Jerimaya 30:17

Kidie me cha vwẹ omakpokpọ rhivwi rhe ovwan, mi ji sivwi era rẹ ovwan, eriyin Ọrovwohwo tare, fikiridie ayen se ovwan erasere, ọye Zayọn rẹ ohwo ọvuọvo vwẹ ẹro te-e!

Jerimaya 33:6

Nighe, me cha vwẹ omakpokpọ vẹ esivwo rhe ki mi sivwi ayen ke me vwẹ oyovwe buebu vẹ ofuvwegbe mẹ phia kẹ ayen.

Jerimaya 46:11

Yanran kpo obi Giliad, wọ reyọ adjija, E ọmọtobẹ rẹ Ijipt na! Wọ reyọ ihuvwu ibuebu wẹn na kufia; esivwo herọ kẹ wẹ-ẹ.

Jerimaya 6:7

Obo rẹ orhare sẹro rẹ ame rọye djidjidji ye, ọtioye ọ sẹro rẹ orukuruku rọye djidjidji; omuru gidigidi vẹ eghwọrọ ọye enyo vwẹ evun rọye; emiavwe vẹ oma ẹnwan eye me mrẹre vwẹ obaro mẹ vwẹ ọke ejobi.

Jerimaya 8:22

Ifuen gbe hẹ Giliad? Ọbo hẹ oboyi? Kidie rha suọ re gbi sivwi arhọ rẹ ọmọtẹ rẹ ihwo mẹ-ẹ? na-a?

Uvwerhe 2:13

Kidie me sa ta kẹ wẹ, eyẹ kidie mi vwo dje we, E ọmọtẹ ri Jerusalẹm? Didi emu mi vwo dje we rere mi se vwo bru uwe uche, E ọmọtobẹ ri Zayọn? kidie ẹghwọrọ wẹn hẹre kere abadi; kono se sivwi uwe?

Izikiẹl 22:30

Me da guọnọ ohwo vwẹ ohri rẹ ayen rere ọ bọn igbẹhẹ na rọ mudia vwẹ asan guọghọre rọ hẹ obaro mẹ vwẹ otọ na, rere mi vwo jẹ ẹguọghọ; ẹkẹvuọvo a mrẹ ọvuọvo-o.

Izikiẹl 30:21

Ọmọ rẹ ohwo, mi vwirhi ugbobọ ri Fẹro ovie rẹ Ijipt, gbe no, a je gba-a, ayen rha sa vwẹ amwa gba rere o vworo-o, rere ọ vwọ gan ro vwo jọ vwọ yọnrọn ọlọkọ

Hosia 14:4

Mi sivwi ijesegbuyota rayen ke me guọnọ ayen odedede, fikiridie ophu mẹ fuẹ nure.

Hosia 6:1

Amọ, re rhivwi bru Ọrovwohwo kidie ọ bẹrẹ avwanre nure ko sivwi avwanre; O bru ora phihọ avwanre rere ọ rha gban.

Nahum 3:19

O rhe vwo ohwo ro bruche rẹ odjadja wẹ-ẹn ora wẹn na ọrhuarho ihwo ri nyo ikun wẹn ejobi ke teyọ abọ ghwẹ phihọ owẹ. Kono ọnana je bro cha, rẹ uvumwemwu wẹn jẹ oma e te?

Urhi Rivẹ 32:39

Gba mrẹ nẹ Mẹvwẹ, mẹvwẹ vẹ ekpuyovwi mẹ ọye, ọye ọghẹnẹ ọfa gbe herọ chọ vwẹ ra-a. Mi se hwe mi ji sivwi rhọ; Me sa woma mi mi ji se hworo kpo; ọ ro se sivwẹ nẹ obọ mẹ herọ-ọ.

1 Pita 2:24

Omaobọ rọye ọ vwọ ghwa oghwa rẹ imwemwu rẹ avwanre vwẹ enu rẹ agbagba, rere avwanre vwo ghwu kẹ umwemwu re a mrasan rhọ kẹ ọvwata. Oma ra wanrọ na ọye e vwo sivwi ovwan.

1 Jọn 2:1

Emọ mẹ, mi si eta nana rhe ovwan rere ovwan vwo jẹ umwemwu eruo; ẹkẹvuọvo ohwo de ru umwemwu, avwanre vwo obruche ọvo vwẹ obọ rẹ Ọsẹ, Jesu Kristi rẹ ọvwata na;