Jerimaya 30:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Kidie mi nene uwe dia vwo sivwi uwe, eriyin Ọrovwohwo tare, mi che guẹ irere na ejobi ẹdjọ ohri rẹ ihwo re me hra ovwan ra na, ẹkẹvuọvo mi che ghwọrọ ovwa-an re-e. Me cha ghwọ umuchẹghwọ ku ovwan O vwo obo re sorọ ri mi vwo je ovwan ehwe-e.

Jerimaya 30:11 ပူးပေါင်းရင်းမြစ်များ

2 Samuẹl 24:12

yanran ra ta kẹ Devid, Ẹtiọna Ọrovwohwo tare, Me vwẹ emu erha kẹ wẹ; jẹn ọvo re Me vwọ kẹ wẹ na reyọ, re mi vwo ru we.

Une rẹ Ejiro 6:1

E Ọrovwohwo, wọ ghwọ ku vwe vwẹ ophu wẹ-ẹn, eyẹ wọ fa vwẹ vwẹ ivuemiovwo wẹ-ẹn.

Ẹyano 34:7

Ẹguọnọ ro jẹrhẹriẹ rọye herọ vwọ kẹ ihwo uriori vwo ghovwo orukuruku vẹ urhiegbe vẹ umwemwu, ẹkẹvuọvo o brorhiẹ hwe ohwo rọ re abe rọ reihri rẹ umwemwu rẹ esemọ vwẹ obọ rẹ emọ ra ruẹ emọ rayen ra ro uvwiẹ rerha vẹ ọrẹne.

Aizaya 43:25

Mẹvwẹ, Mẹvwẹ Ọye ri vwi fiki mẹ phoro orukuruku wẹ nu, Me gbe karohọ imwemwu wẹ-ẹ.

Aizaya 8:10

Wa jẹ iroro kugbe, ẹkẹvuọvo o che vwo otọ-ọ ta ota ọvo ẹkẹvuọvo o che mudia-a, kidie Ọghẹnẹ vẹ avwanre herọ.

Jerimaya 1:19

Ayen cha họnre owẹ; ẹkevuọvọ ayen se phi we kua-a, kidie me vẹ owẹ herọ, mi sivwi uwe, eriyin Ọrovwohwo tare.

Jerimaya 1:8

Wo brudu rẹ aye-en, kidie me vẹ owẹ herọ mi sivwi uwe, eriyin Ọrovwohwo tare.

Jerimaya 10:24

Kpọvwẹ vi, E Ọrovwohwo, vwẹ ọvwata wẹn; ọ dia ophu wẹ-ẹn, wo de ru uvwe phihọ odiodi.

Jerimaya 15:20

Ki mi ru we vwo kẹ ihwo nana kerẹ ogba rẹ ẹrovwo ayen che nene uwe họnre, ẹkẹvuọvo ayen che se phi we kparobọ-ọ kidie me vọ owẹ herọ. Re mi vwo sivwi uwe je chọ wẹ, eriyin Ọrovwohwo tare.

Jerimaya 4:27

Kidie enẹ Ọrovwohwo na tare, Otọ na soso cha dia ofefe, ẹkẹvuọvo me cha guọghọ totọ-ọ.

Jerimaya 5:10

Yan wan urhiẹ ri vain rọye re wọ guọghọ, ẹkẹvuọvo wo ghwe furhie re-e, kpare eghọn rọye no, kidie ayen dia e re Ọrovwohwo-o.

Jerimaya 5:18

Dede na vwẹ ẹdẹ yena, eriyin Ọrovwohwo tare, mi ghwe che furhie ovwa-an.

Uvwerhe 3:22

Ẹguọnọ ro jẹrhẹriẹ rẹ Ọrovwohwo na o re-e, arodọvwẹ rọye vwo oba-a.

Izikiẹl 11:13

Rẹ ọke rhi vwo te, re me vwọ mraro na, ọye Pelatiah rẹ ọmọ rẹ Benayah de ghwu. Etiyin mi de she bọvwọn opharo rhuotọ, me da van kperi, Me da ta, E Ọrovwohwo Ọghẹnẹ! ku wo ghwe furhie umuku rẹ Izrẹl ri chekọ na te oba?

Izikiẹl 6:8

Dede na mi ji ihwo evo vwo ekpokpọ. Ọke wo de vwo ihwo evo vwẹ ohri rẹ ẹgborho na re djẹ vabọ rẹ ọlọkọ, kẹ ayen cha hrabọ ruẹ ẹkuotọ na ejobi.

Hosia 11:9

Ki mi gbobọnyẹ ophu ọtuatua mẹ na, Me gbe sa guọghọ Ifremu-u, kidie Mẹvwẹ Ọghẹnẹ me dia ohwo rẹ akpọ-ọ, Ọfuanfọn Ọvuọvo vwẹ uherevie rẹ ovwan, Me gba rha rhe rhe ghwọrọ-ọ.

Livitikọs 26:44

Rọ vwọ dia ọtiọye dede na, re ayen cha vwọ dia orho re ihwo efa na, mi che si ẹro ne aye-en, mi ji che tue oma rẹ ayen re te obo ri mi vwo bru ayen kufia kakare-e ri mi de miovwo ọphọ re Me vẹ ayen rere-e, kidie Mẹvwẹ Ọrovwohwo Ọghẹnẹ rayen;

Matiu 1:23

Nighe, ọmọtobẹ cha mrevun, ko vwiẹ ọmọshare, ke se odẹ rọye Immanuẹl, otọ rọye Ọghẹnẹ vẹ avwanre herọ.

Matiu 28:20

Wẹ yono ayen vwọ riẹn otọ rẹ imu na ejobi re dje kẹ ovwan na. Nighe, me vẹ ovwan herọ vwẹ ọke ejobi, rhiri rhi te oba rẹ akpọ na.

Iruo rẹ Iyinkọn na 18:10

kidie me vẹ owẹ herọ, ohwo che se mu we rọ da wan wẹ oma-a; kidie mi vwo ihwo buebu vwẹ orere nana.

Urhi Rivẹ 4:31

kidie Ọrovwohwo Ọghẹnẹ rẹ ovwan na Ọghẹnẹ rẹ aruẹdọn; ọ cha sen ovwa-an, ọ je ghwọrọ ovwan, ọphọ rọ nene esẹ wẹn re na sa chọrọ ẹro-o.

2 Timoti 4:22

Ọrovwohwo nene erhi wẹn dia. Ẹserọphẹ nene nwe dia.