Jerimaya 3:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ọ riẹnre nẹ fiki rẹ igberadja rẹ Izrẹl, ohwo ọfafarhiẹ na, mi vwo si ọbe kẹ nẹ o kpo, dede na oshọ se mu oniọvo ofian rọye na Juda-a, ẹkẹvuọvo ekpuyovwi rọye da je yanran re gbe igberadja.

Jerimaya 3:8 ပူးပေါင်းရင်းမြစ်များ

2 Ikun rẹ Ivie 21:11

Ọ rọ marho o de ru asan rọ kpenu buebu phihọ obo orho rẹ ugbenu ri Juda, ọ da nẹrhẹ ihwo re dia Jerusalẹm jẹ esegbuyota evwo, o de rhi sun Juda ghwru.

Aizaya 50:1

Enẹ Ọrovwohwo tare Tivọ ọbe rẹ obo esiono re oni wẹn epha, ri mi vwo siobọ no? Eyẹ ọriesa na rhọ ọ ra she ẹẹ ke na? Nighere, fiki rẹ orukuruku wẹn a vwọ shẹ wẹ, ji vwi fiki rẹ ogbeku na e vwo siobọ nẹ oni wẹn.

Jerimaya 2:19

Orukuruku wẹn cha họnron owẹ, egagọ esiọn wẹn cha ghwọ ku we. Vughe re wọ mrẹ nẹ umwemwu yara kidie wọ siẹn Ọrovwohwo Ọghẹnẹ wẹn, oshọẹdjẹ mẹ rhe we vwẹ evu-un, Ọrovwohwo Ọghẹnẹ rẹ ofovwi re tarọ.

Jerimaya 3:1

Ọ da dianẹ ohwo siẹn aye rọye ro de no obọ rọ da rọvwọ ohwo ọfa, kẹ ọshare na se rhivwi bro ra? Kẹ otọ yena gbi miovwi gangan? we nene esen buebu gbe igberadja, ovwan gbi rhivwi bru vwe rhe? Eriyin Ọrovwohwo na tare.

Jerimaya 33:24

Wọ nabo ni obo rẹ ihwo nana ta na mu, Ọrovwohwo siẹn erua ivẹ rọ sanọre na? Ọtiọna ayen jẹn ihwo mẹ fia rere ayen vwo jẹn ẹgborho ẹdia vwẹ obaro rayen ọfa.

Jerimaya 5:7

Mavọ mi se vwo ghovwo ovwan? emọ rẹ ovwan sen vwẹ, e re dia eghẹnẹ-ẹ keye ayen vwo duvwu iyori. Me ghẹrẹ ayen evun vọn nu, ayen ki gbe igberadja kẹ ayen tẹrẹ usun kpo uvwevwi rẹ igberadja.

Izikiẹl 16:46

Oniọvo wẹn rẹ ọmọtẹ ki Sameria, rọ vẹ emetẹ rọye dia ọbohwẹre-ọnre wẹn na, oniọvo wẹn rẹ ọmọtẹ rẹ otete rọ dia obọrhe ọnre wẹn, ọye Sodọm vẹ emetẹ rọye.

Izikiẹl 16:47

Yẹ o te kẹ wẹ rere wọ yan phihọ idjerhe raye-en, eyẹ wọ ru kirobo rẹ ẹgua rayen epha-a, vwẹ ọmọke krẹ na wọ rhoma rhi miovwi nẹ obo rẹ ayen epha vwẹ idjerhe rayen. Kirobo re me herọ na, eriyin Ọrovwohwo Ọghẹnẹ tare,

Izikiẹl 16:51

Sameria ji ru abọvo rẹ imwemwu wẹn na-a, wo gbe ẹgua nọ ayen ejobi, ọ da nẹrhẹ iniọvo rẹ emetẹ wẹn họhọ evwata vwẹ oma rẹ ẹgua ru wo gberi na.

Izikiẹl 23:44

Kidie ayen bruro ra, kerẹsiẹ rẹ ihwo e bru igberadja. E nẹ kọye ayen bru Oholah vẹ Oholibah ra re gbe ọfanrhiẹn.

Izikiẹl 23:9

Fiki rẹ ọtiọye na mi de siobọ no kẹ itu rẹ esen rọye, vwọ kẹ otu rẹ Asiria, ro pho nene krẹ krẹ na.

Hosia 3:4

Kidie emọ rẹ Izrẹl ke dia vwẹ ẹdẹ buebu ayen gbi vwo ovie-e yẹrẹ osu-un, ọ rhe vwo izobo e ze-e yẹrẹ uchivwo-o, ibuluku yẹrẹ utẹ-ẹ.

Urhi Rivẹ 24:1

Ọke rẹ ohwo da reyọ aye vwọ rọvwọ, ọ da dianẹ aye na mrẹ ẹroesiri rẹ ọshare na-a fikiridie ọshare na mrẹ ijẹfuọn vwẹ oma rẹ aye na, rẹ ọshare na de si ọbe rẹ obesiono vwọ kẹ aye na ro de sio nẹ uwevwi rọye, rẹ aye na de nẹ uwevwi rọye yanran,

Urhi Rivẹ 24:3

ro gbi ji je ọshare rẹ ukuko na-a ro de ji si ọbe rẹ obesiono vwọ kẹ aye na ro de sio nẹ uwevwi rọye, eyẹrẹ ọshare rẹ ukuko na ghwuru ọ rọ reyerọ vwo ru aye na,