Jerimaya 3:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ọrovwohwo da ta kẹ vwẹ vwẹ ọke rẹ Ovie Josaya: Wọ mrẹ obo rẹ Izrẹl ruru, ohwo ọfafarhiẹ na, ọbo rọ yan kpenu rẹ ugbenu kugbenu kugbe otọ rẹ urhe kurhe ọkpokpọ; de gbe ọfarhiẹ?

Jerimaya 3:6 ပူးပေါင်းရင်းမြစ်များ

1 Ivie 14:23

Kidie ayen je bọn asan ri kpenu kẹ oma rayen kugbe isunsun, vẹ ighriki vwẹ enu rẹ ugbenu kugbenu ro kpenu kugbe otọ kotọ rẹ irhe ekpokpọ;

2 Ikun rẹ Ivie 34:1

Josaya ikpe ẹrenre ọke ro vwo mu phihọ ẹriọ, ọ da re ikpe ọgban gbe ọvo vwi Jerusalẹm.

Une rẹ Ejiro 106:39

Ọtiọna ayen rhe vwọ dia gbegbe vwẹ oma re uruemu rayen, ayen de gbe igberadja fiki rẹ obo rayen ruẹ.

Aizaya 57:3

Ẹkẹvuọvo wẹ, si kẹre obonẹ, emọ re ẹboepha na, emọ re vwọ ọfarhiẹn vẹ igberadja na.

Aizaya 57:7

Vwẹ enu rẹ ugbenu ro kpenu gogorogo oboyi wo mu ehwa phihọ, kẹ oboyi wa ra de re ze izobo.

Jerimaya 1:2

ohwo rẹ ota rẹ Ọrovwohwo brurhẹ vwẹ ọke ri Josaya ọmọ rẹ Amọn, ovie ri Juda, vwẹ ikpe ihwerha rẹ ẹriọ rọye.

Jerimaya 11:10

Ayen rhivwi kpo umiovwo rẹ esẹ rayen ride, ihwo re rhọvwe nyo eta mẹ-ẹ ayen yan nene edjọ efa vwo ga ayen, uwevwi rẹ Izrẹl vẹ uwevwi ri Juda miovwo ọphọ ri mi nene esẹ rayen re na.

Jerimaya 17:2

Jẹ emọ rayen karohọ ẹshẹ rayen vẹ ighriki rayen, rẹ ayen ru phihọ orhoma rẹ urhe djidjidji ejobi, kugbe igbenu ri kpenu ejobi.

Jerimaya 3:8

Ọ riẹnre nẹ fiki rẹ igberadja rẹ Izrẹl, ohwo ọfafarhiẹ na, mi vwo si ọbe kẹ nẹ o kpo, dede na oshọ se mu oniọvo ofian rọye na Juda-a, ẹkẹvuọvo ekpuyovwi rọye da je yanran re gbe igberadja.

Jerimaya 31:22

Mavọ wo sioma uko krite, E ọmọtẹ rẹ o mudiagaa na? Kidie Ọrovwohwo ma emu ọkpokpọ vwẹ akpọ na, aye esivwo kẹ ọshare.

Jerimaya 5:11

Fikiridie uwevwi rẹ Izrẹl kugbe uwevwi ri Juda gbe ọfarhiẹ rhurhu vwe miomiovwi, eriyin Ọrovwohwo tare.

Jerimaya 7:24

Ẹkẹvuọvo ayen nyori-i, ayen kerhọ-ọn, ẹkẹvuọvo ayen da yan nene iroro rẹ obo rayen vẹ udu ọgangan rẹ udu umwemwu rayen, ayen da ya kpuko o gbe dia obaro-o.

Izikiẹl 16:31

re wọ vwọ bọn uwevwi ghwroro phihọ oba koba rẹ urhuvwu, re wọ da bọn asan ro kpenu phihọ ọsuere kọsuere je wọ họhọ igberadja-a, fikiridie wọ rhọvwere nẹ a hwa osa kẹ wẹ-ẹ

Izikiẹl 16:35

Ọtiọye na, E igberadja na, nyo ota rẹ Ọrovwohwo na.

Izikiẹl 20:28

Kidie ọke re me vwọ reyọ ayen rhe otọ ri mi ve kẹ ayen nẹ me vwọ kẹ ayen nu, etiyin kasan kasan rẹ ayen da mrẹ ugbenu ro kpenu eyẹ urhe rọ vẹ ẹbe gbidi, etiyin kọye ayen de ze izobo rayen, ayen me vwẹ izobo rọ kpare ophu mẹ vwọ rhe, etiyin ọnrhẹ ororo rayen mi bru kpenu, ke etiyin ayen da jẹ udi kuotọ.

Izikiẹl 23:11

Oniọvo rọye rẹ ọmọtẹ Oholibah mrẹ ọnana, etiyin ọ da rhoma miovwi no ro pho krẹ krẹ gbe igberadja, ro miovwi nọ ọ rẹ oniọvo rọye.

Izikiẹl 23:4

Oholah ọye odẹ rẹ ọ rẹ ọkpako Oholibah kọyẹ odẹ rẹ oniọvo rọye rẹ otete. Ayen ivẹ na da rhe dia emẹ, ayen de vwiẹ emeshare kugbe emetẹ kẹ vwẹ. Vwọ kẹ odẹ rayen na, Oholah ọye Sameria, Oholibah ke rha Jerusalẹm.

Hosia 11:7

Ihwo mẹ kẹ ukuko ayen siẹ phihọ kẹ vwẹ, ọtiọye na e de kru oghwa nyẹ ayen, rẹ ohwo ọvuọvo se mu-u.

Hosia 4:13

Ayen ze izobo vwẹ enu rẹ igbenu na, ayen da ghwẹ Izobo kpahe enu rẹ igbenu itete, vwẹ esiri rẹ ohahe, esiri rẹ afon vẹ esiri rẹ oghriki, kidie ophie rayen yovwiri. Fiki rẹ ọtiọye na emetẹ wẹn vwo gbe igberadja, rẹ epha rẹ ovwan vwo gbe ọfarhie.

Iguẹdjọ 2:17

Dede na ayen kerhọ ri iguẹdjọ na-a; kidie ayen gbe igberadja nene edjọ efa ayen da vwẹ uyovwi te otọ kẹ ayen; siẹvuọvo na ayen de kudẹriẹ ni idjerhe rẹ esẹ rẹ ayen neneri, ihwo ri mu ọghọ kẹ irhi re Ọrovwohwo na, ayen gbi rhe ru ọtiọye-e.