Jerimaya 3:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Jẹn avwanre ji sherhẹ vwẹ evun rẹ omẹvuọ rẹ avwanre, ji jẹ ọghọ emuo rẹ avwanre ji rhurhu avwanre, kidie avwanre vẹ esẹ rẹ avwanre ru umwemwu kpahe Ọrovwohwo Ọghẹnẹ rẹ avwanre nẹ ọke emọ rẹ avwanre rhe rhi te nonẹ na; avwanre ji nyo urhuru rẹ Ọrovwohwo Ọghẹnẹ rẹ avwanre na-a.

Jerimaya 3:25 ပူးပေါင်းရင်းမြစ်များ

Une rẹ Ejiro 106:6

Te avwanre vẹ esẹ rẹ avwanre ru imwemwu; avwanre ru orukuruku, avwanre ru emu umwemwu.

Une rẹ Ejiro 106:7

Esẹ rẹ avwanre, ọke rẹ ayen vwọ he Ijipt, ayen roro iruo rẹ igbunu wẹ-ẹn, ayen ji roro ẹguọnọ wẹn ro jẹ rhẹriẹ buebu na-a, ẹkẹvuọvo ayen da vwọ so O ro me kpenu na vwẹ asan Abadi Ọvwavware na.

Une rẹ Ejiro 109:29

Ja vwẹ ijọghọ evwo rhuo otu re vwẹ ovwẹ guẹdjọ; jẹn a phara ayen vwe omaẹvuọ rayen kerẹ ukpọ!

Isẹ 13:18

Ohwo rọ davwerhọn rẹ uyono-o ọbẹvwẹ vẹ omaẹphọphọ ọye ọ mrẹ, ẹkẹvuọvo ohwo rọ kerhọn rẹ ẹghwọ o vwọ ọrho vẹ ejiro.

Isẹ 5:13

Me kerhọn rẹ urhuru rẹ ihwo ri yono uvwe-e, eyẹ me sa davwerhọn rẹ eyono mẹ-ẹ.

Aizaya 48:8

Wo ji nyo dẹvo-o wo je riẹn devo-o, ne awanre rhe erhọn wẹn ji rhie-e. Kidie Me riẹnre nẹ wo se ru emu ogbarogba, ne nẹ ọke evwiẹ we rhe we onogbozighi.

Aizaya 50:11

Nighere, ovwan ejobi ri koko erhanre, ri phopho imwerhanre la! Gba vwẹ urhukpẹ re erhanre wẹn vwọ yan, kugbe imwerhanre ri wo koko phihọ! Ọnana kọye wọ cha mrẹ reyọ vwẹ obọ Mẹ ku wo che ghunie vwẹ ọdjarhe.

Jerimaya 11:13

Kidie obo rẹ irere rẹ ovwan bute eriyin edjọ rẹ ovwan ji bute, E Juda, kirobo rẹ irhuvwu wẹn bute etiọye egbada re vwo vi kẹ omaẹvuọ rẹ ovwan ji bute vwi Jerusalẹm, egbada ra da torhẹ insẹns kẹ Baal.

Jerimaya 12:13

Ayen kọn eka ayen de vu inwe, ayen lagha oma ye ayen mrẹ erere ọvuọvo-o Oma re ọrho rayen cha vo ayen vwẹ obọ fiki rẹ ophu otuatua rẹ Ọrovwohwo.

Jerimaya 14:20

Ma rhọvwe umwemwu rẹ avwanre, E Ọrovwohwo, vẹ orukuruku rẹ esẹ rẹ avwanrẹ, kidie me ru umwemwu kpahe owẹ.

Jerimaya 14:7

Owenẹ imwemwu re avwanre se oseri hwe avwanre dede, ru emu ọvo fiki rẹ odẹ wẹn E Ọrovwohwo; kidie esiohuko rẹ avwanre buru gangan, avwanre ru umwemwu kpahe owẹ.

Jerimaya 2:17

Ọ dia owẹwẹ ọvo ghwa ọnana phihọ uyovwi wẹn re wọ vwọ siẹn Ọrovwohwo Ọghẹnẹ wẹn, ro vwo sun we wan idjerhe na?

Jerimaya 2:19

Orukuruku wẹn cha họnron owẹ, egagọ esiọn wẹn cha ghwọ ku we. Vughe re wọ mrẹ nẹ umwemwu yara kidie wọ siẹn Ọrovwohwo Ọghẹnẹ wẹn, oshọẹdjẹ mẹ rhe we vwẹ evu-un, Ọrovwohwo Ọghẹnẹ rẹ ofovwi re tarọ.

Jerimaya 2:2

Yanran wo re ghwoghwo kẹ ihwo rẹ Jerusalẹm, Ene Ọrovwohwo tare, Me karohọ ẹga rẹ ọke emọ wẹn, ẹguọnọ wẹn kerẹ ọpha, obo wo nene uvwe te vwẹ evun rẹ aghwa vwẹ otọ ra kọnre-e.

Jerimaya 2:26

Ọtiobo rẹ oma vo oji siẹ re de muo eriyin oma cha vo uwevwi rẹ Izrẹl; te ayen, te ivie rayen, isun rayẹn, irherẹn rayẹn, kugbe emraro rayen.

Jerimaya 20:18

Die sorọ mi vwo nẹ evun rẹ oni mẹ rhe rhe vwọ mrẹ owian vẹ ẹson, rhi vwo yere ẹdẹ mẹ ejobi vwẹ omaẹvuọ?

Jerimaya 22:21

Me ta kẹ wẹ vwẹ evun rẹ oyovwe wẹn, ẹkẹvuọvo wọ tare, Me cha kerhọ-ọn, Ọnana uruemu wẹn nẹ emọ rhe, nẹ wo nyo urhuru mẹ-ẹ.

Jerimaya 3:13

Takpe rhọvwe abe wẹn ri wo ru kpahe Ọrovwohwo Ọghẹnẹ wẹn re wo ru ẹse wẹn kẹ erhorha re hẹ otọ rẹ urhe ọkpokpọ na.

Jerimaya 31:19

Kidie me vwo beghe ghwru nu, mi de kurhẹriẹ; re vwo yono uvwe nu, me da teye ekpoghowọ mẹ, oma vo vwẹ, mi de kpogho, fikiridie me ghwa omaẹvuọ rẹ emeghene mẹ.

Jerimaya 6:26

Vwẹ esiso rhuo, E ọmọtẹ rẹ ihwo mẹ, wo gbule vwẹ iwurhie; muomahọ kerẹ ohwo ro vwerhe ọmọ ọvuọvo rọyen, omamọ rẹ oviẹ ro muenu korokoro kidie kpregede na ọye oghwọrọ na che vwo bru avwanre rhe.

Jerimaya 7:19

Mẹvwẹ kọye ayen kpare ophu na? eriyin Ọrovwohwo na tare. Ọ dia omobọ rayen, ayen vwo gbe ozighi na?

Jerimaya 8:14

Die avwanre vwo tidia gbiei? Sioma koko, re avwanre yan ruẹ irere ra gba ogba phihọ na, re me ghwu vwẹ etiyin; kidie Ọrovwohwo Ọghẹnẹ rẹ avwanre vwẹ ughwu vwọ pẹtiẹ avwanre, ọ da vwẹ obi kẹ avwanre da, kidie avwanre ru umwemwu kpahe Ọrovwohwo.

Jerimaya 9:18

Jẹ ọ phẹrẹ ayen obọ rere ayen rhe viẹ oviẹ kẹ avwanre, rere ibiẹro rẹ avwanre vwo sun ame, rere iphophẹro rẹ avwanre vwọ djẹ ame.

Uvwerhe 5:16

Erhu rẹ uvie na she nẹ uyovwi rẹ avwanre; ekan kẹ avwanre, kidie avwanre ru imwuemwu!

Uvwerhe 5:7

Esẹ rẹ avwanre ru imwuemwu, ayen gbe herọ-ọ avwanre ke ghwa oghwa rẹ orukuruku rayen.

Izikiẹl 2:3

O da ta kẹ vwẹ, Ọmọ rẹ ohwo, mi ji we bru ihwo rẹ Izrẹl, bru ẹgborho ri muẹ kpahe ihwo, ri mu kpahe ovwẹ, te ayen te ese rayen gbe urhi mẹ ku rhi te nonẹ na.

Izikiẹl 36:32

Ọ dia ifiki wẹn mi che vwo ruo na-a, eriyin Ọrovwohwo tare; nabọ riẹn ọyena. Jẹ oma vo wẹ re wọ harhe idjerhe wẹn, E uwevwi rẹ Izrẹl.

Izikiẹl 44:13

Ayen gbi che si kẹrẹ ovwẹ-ẹ, re ga vwẹ kerẹ irhe-rẹn, eyẹ vwo si kẹrẹ ekuakua efuanfon mẹ ọvuọvo-o; ẹkẹvuọvo kẹ ayen ghwa oghwa rẹ omẹvuọ rayen, fiki rẹ ẹgua rẹ ayen gbe ri.

Izikiẹl 7:18

Ayen vwẹ esiso rhuo oma rayen, uguegue de rhurhu ayen; omavovwẹ vọn opharo rọye, uyovwi rayen gbe akpan.

Daniẹl 12:2

Ihwo buebu re vwerhẹre vwẹ evun ekpẹn rẹ otọ na ke cha rhọvwọ, evọ kpo arhọ ri bẹdẹ, evo kpo omẹvuọ vẹ ehwẹjẹ ri bẹdẹ.

Hosia 9:10

Kerẹ otiẹ vwẹ evun rẹ aghwa, ọtiọye me mrẹ Izrẹl. Kerẹ otumọ rẹ emamọ rẹ owe, re mọre vwẹ ọke ororo rọye, ọtiọye me mrẹ esẹ wẹn. Ẹkẹvuọvo ayen de bru Baal-peor rhe, ayen de rhi phorho oma ki Baal, Obo rẹ ayen guọnọre na de phi ayen phihọ ekuakua rẹ omaetuo.

Zẹfanaya 1:17

Me cha vwẹ omaẹghwọrọ vwọ ihwo na, ọtiọye na ayen ke yan divwi divwi kerẹ irhuẹro, fikiridie ayen ru imwemwu kpahe Ọrovwohwo; ka mwavwe ọbara rayen kuotọ kerẹ iwurhie, uvwo rayen kerẹ isọn.

Ọbe ri Pọl si rhe Ihwo ri Rom 6:21

Ki didi erere ri te ovwan vwẹ uruemu rẹ omaẹvuọ yena? Ughwu ọye hẹ oba rẹ oghẹre rẹ emu ọtiọye na.

Iguẹdjọ 2:2

nẹ ovwan vẹ ihwo rẹ otọ nana re ọphọ-ọ, ovwan ke cha guọghọ egbada rayen. Ẹkẹvuọvo ovwan mu ọghọ kẹ urhi mẹ-ẹ. Ọnana ki didi emu ovwan ruru na?