Jerimaya 3:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Uwevwi ri Juda kọ kuoma gbe uwevwi rẹ Izrẹl vwẹ ẹdẹ yena. Ayen ki kuoma gbe nẹ otọ rẹ obọhwẹre ọnre rhe otọ re me vwọ kẹ ẹse rẹ ovwan nẹ e vwọ reuku.

Jerimaya 3:18 ပူးပေါင်းရင်းမြစ်များ

Jẹnẹsis 12:7

Etiyin Ọrovwohwo da vwẹ oma phia kẹ Ebram, ọ da ta, Uvwiẹ wẹn Me cha vwẹ otọ nana kẹ. O da so agbada kẹ Ọrovwohwo rọ vwẹ oma phia kẹ, vwẹ Etiyin na.

Aizaya 43:5

Wọ djẹ oshọ-ọ, kidie Me vẹ owẹ herọ, Me cha vwẹ uvwiẹ wẹn nẹ obaro ọnre rhe, obuko ọnre kẹ oboyi Me reyọ ovwan nurhe,

Aizaya 43:6

Ke Me ta kẹ obohwẹre ọnre, siobọ wẹn nẹ ayen, kẹ obọrhe ọnre, Wọ gbe yọnrọ-ọn, reyọ emọ Mẹ nẹ ogboko rhe emetẹ Mẹ nẹ ẹtan rẹ akpọ na rhe,

Jerimaya 16:15

nẹ Obo rẹ Ọrovwohwo herọ rọ si ihwo rẹ Izrẹl nẹ ọrho rẹ obọhwẹre ọnre vẹ irho na ejobi vwẹ asan rọ dje ayen ra na. Kidie me cha vwẹ ayen rhivwi cha otọ re me vwọ kẹ esẹ rayen na.

Jerimaya 23:8

ẹkẹvuọvo kirobo rẹ Ọrovwohwo herọ rọ reyọ uvwiẹ rẹ uwevwi rẹ Izrẹl ji sun ayen nẹ orho rẹ obọhwẹre ọnre rhe kugbe irho rọ djẹ ayen ra ejobi na. Ayen ke dia otọ rẹ obọ rayen.

Jerimaya 3:12

Ra, re ghwoghwo eta nana vwẹ obọhwẹre rẹ ọnre, wọ tanẹ, Rhivwi Izrẹl rẹ igberadja na, eriyin Ọrovwohwo tare. Mi gbi vwẹ ophu ni we-e, kidie me vọnre vẹ aruẹdọ, eriyin Ọrovwohwo tare.

Jerimaya 30:3

Kidie nighe, ẹdẹ cha, eriyin Ọrovwohwo tare, re me cha vwọ reyọ ughwẹ rẹ ihwo mẹ rhivwi rhe, Izrẹl vi Juda, eriyin Ọrovwohwo tare, ke me vwẹ ayen rhe otọ re me vwọ kẹ esẹ rayen, ayen ke reyọ.

Jerimaya 31:8

Nighe, me cha reyọ ayen nẹ orho rẹ obọhwerẹ ọnre rhe, koko ayen nẹ oboshesheri rẹ akpọ rhe, irhuẹro vẹ ikpono dia ohri rayen, aye vẹ ọmọ kugbe ọ rọ chuẹ uvwiẹ gbe koko; usun rode na, ayen che rhivwi rhe etinẹ.

Jerimaya 50:20

Vwẹ ẹdẹ yena vẹ ọke yena, eriyin Ọrovwohwo tare, a cha guọnọ orukuruku vwẹ Izrẹl, a gbe mrẹ vwọ-ọ, kugbe umwemwu vwi Juda a gbe rnrẹ ọvuọvo vwọ-ọ, kidie umuku ri mi che jovwo mi che vwo ghovwo ayen.

Jerimaya 50:4

Vwẹ ẹdẹ yena vẹ ọke yena eriyin Ọrovwohwo tare, ihwo rẹ Izrẹl vẹ ihwo ri Juda che kuoma gbe, ayen cha, jẹ ayen viẹ; ayen cha guọnọ Ọrovwohwo Ọghẹnẹ rayen na.

Jerimaya 50:5

Ayen cha nọ ekpẹn rẹ idjerhe ra wan kpo Zayọn, vẹ opharo re hirhe kuo tanẹ, Wa mọ re kuoma gbe Ọrovwohwo vwẹ ọphọ ẹriọ ri bẹdẹ ro je ẹro ẹchọrọ bẹdẹ.

Jerimaya 7:7

ke me rhọvwe nẹ ovwan dia etinẹ na, otọ re me vwọ kẹ esẹ rẹ ovwan rhabaye nẹ ayen dia bẹdẹ.

Izikiẹl 11:17

Fiki rẹ ọtiọye na gba ta kẹ ayen, Enẹ Ọrovwohwo tare: mi che si we koko nẹ oma rẹ ihwo na rhe, me me ghwẹ wẹ koko nẹ evun rẹ ẹkuotọ ra hra wẹ ra jovwo na, ke me vwẹ otọ rẹ Izrẹl na kẹ wẹ.

Hosia 1:11

Te ihwo ri Juda vẹ ihwo rẹ Izrẹl ka ghwẹ ayen koko, kẹ ayen vwẹ ohwo ọvo mu osun kẹ oma rayẹn, kẹ ayen yan nẹ otọ na, fikiridie ẹdẹ ri Jezrẹl cha rho gangan.

Hosia 11:12

Ifrem vwọron efia rhurhu uvwe uwevwi rẹ Izrẹl vẹ ọphiẹnvwẹ; ẹkẹvuọvo Ọghẹnẹ je riẹn Juda, ọ je hẹ ohwo rẹ uyota kẹ Ọfuanfon Ọvuọvo na.

Hosia 2:2

Nene oni wẹn jẹ iroro, vuẹ kidie ọ gbe dia aye mẹ-ẹ, me gbe dia ọshare rọye-e nẹ o siobọ nẹ igberadja rọye, no si ọfarhiẹ nẹ udu rọye,

Emọs 9:15

Ke Me kọn ayen phihọ otọ rẹ obọ rayen, a gbe cha sa kọrọ ayen kufia-a vwẹ evun rẹ otọ re Me vwọ kẹ ayen na, eriyin Ọrovwohwo Ọghẹnẹ wẹn tare.

Zekaraya 10:6

Me cha kẹ uwevwi ri Juda ogangan, mi ji che sivwi uwevwi ri Josẹf. Me cha ghwẹ ayen hirhe rhe fikiridie mi ni aruẹdọn rayen, ayen ke cha dia kerẹsiẹ rẹ a mrẹ nẹ Me je sen ayen dẹvo-o; kidie mẹvwẹ hẹ Ọrovwohwo Ọghẹnẹ rayen mi che nyo kẹ ayen.

Zekaraya 2:6

E! E! Djẹ nẹ otọ rẹ obọrhe ọnre, Ọrovwohwo tare; kidie Me hra wẹ ro asan ejobi vwe igogo ẹne rẹ akpọ na, Ọrovwohwo na tare