Jerimaya 3:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ke me cha kẹ ovwan isuigegede ri je vwe, re cha vwẹ ẹriẹn vẹ evughe ghẹrẹ ovwan.

Jerimaya 3:15 ပူးပေါင်းရင်းမြစ်များ

Isẹ 10:21

Ẹbẹrunu rẹ ovwata nẹrhẹ evun vọn ihwo buebu, ẹkẹvuọvo jẹ iroro evwo re nẹrhẹ ughwu hwe ohwo oghenghẹn.

Jerimaya 23:4

Me cha vwẹ isuigegede re vwẹ ẹro te ayen mu kẹ ayen, oshọ rhe mu ayen ọfa-a, udu gbi bru aye-en, ọvuọvo gbi ghwru no-o, eriyin Ọrovwohwo tare.

Jerimaya 31:10

Nyo ota rẹ Ọrovwohwo, E ẹgborho na, rere wo ghwoghwo vwẹ erhuru rẹ obo ogboko na, ta nẹ, Ọ rọ hra Izrẹl na ji che koko, ọ je cha sẹro rọye kirobo rẹ osuigegede sẹro rẹ igegede rọye.

Izikiẹl 34:2

Ọmọ rẹ ohwo, mraro kpahe isuigegede rẹ Izrẹl, mraro, rere wo ta kẹ ayen, ikpuyovwi rẹ isuigegede na, E nẹ Ọrovwohwo Ọghẹnẹ tare: E isuigegede rẹ Izrẹl re ghẹrẹ oma rayen ọvo! Ọ dianẹ isuigegede ye ghẹrẹ igegede na?

Izikiẹl 34:23

Ke me vwẹ osuigegede ọvo mu kẹ ayen, kọye odibo mẹ Devid, kọ cha ghẹrẹ ayen, ko ghẹrẹ ayen ko dia osuigegede rayen.

Izikiẹl 37:24

Odibo mẹ Devid kọ dia ovie vwẹ enu rẹ ayen, ayen ki vwo osuigodẹ ọvo. Ayen ki nene irhi mẹ, je jomaotọ vwọ yọnre iji mẹ.

Iyẹnrẹ Esiri ri Luk 12:42

Ọrovwohwo da ta, Kono hẹ odido rẹ esiri rọ ghwanre na, rẹ onini rọye cha vwọ hẹ enu rẹ uwevwi rọye, rọ cha vwẹ emuọre rayen kẹ ayen vwẹ ọke rọye?

Iruo rẹ Iyinkọn na 20:28

Wa kẹnoma rẹ ovwan kugbe uchuru na ejobi, rẹ Ẹrhi Ọfuanfon na vwọ kẹ ovwan nẹ wa vwẹ ẹro te, re wa ghẹrẹ ishọshi rẹ Ọrovwohwo rọ vwẹ ọbara robọ rọye dẹ.

1 Kọrẹnt 2:6

Vwẹ ohri rẹ ihwo rẹ ghwanre kẹ ọye avwanre de yono aghwanre, dede na yọ dia aghwanre rẹ oge nana-a eyẹ ọ rẹ isun rẹ oge nana-a, ri che ghwrẹ kuẹfia na.

1 Pita 2:2

Kere emọ boba, rẹ urhuru rẹ evie rẹ erhi siẹ, rere ovwan vwọ sa rho te esivwo;

1 Samuẹl 13:14

Ẹkẹvuọvo Asakiephana uvie wẹn gbe cha tọ-ọn; Ọrovwohwo mrẹ ohwo ọfa ro jere nure; Ọrovwohwo ji vwo mu nẹ ọ dia ovie vwẹ enu rẹ ihwo rọye nure, kidie wọ yọnrọn urhi rẹ Ọrovwohwo ji kẹ wẹ-ẹ.