Jerimaya 3:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Orovwohwo da ta kẹ vwẹ, Abe rẹ Izrẹl rẹ ogbigberadja na rere havwe nọ ọ ri Juda rẹ oniọvo re ofian rọye na.

Jerimaya 3:11 ပူးပေါင်းရင်းမြစ်များ

Jerimaya 11:10

Ayen rhivwi kpo umiovwo rẹ esẹ rayen ride, ihwo re rhọvwe nyo eta mẹ-ẹ ayen yan nene edjọ efa vwo ga ayen, uwevwi rẹ Izrẹl vẹ uwevwi ri Juda miovwo ọphọ ri mi nene esẹ rayen re na.

Jerimaya 3:22

We rhivwi rhe emọ rẹ igberadja na, Mi sivwi ọfarhiẹ rẹ ovwan na. Nighe, avwanre bru we rhe; kidie wẹ Ọrovwohwo Ọghẹnẹ rẹ avwanre.

Jerimaya 3:7

Mi roro nẹ, O de ru enena ejobi nu ko rhivwi bru vwe rhe; ẹkẹvuọvo o rhivwi-i, Juda rẹ oniọvo rẹ ofian rọye na mrẹrẹ.

Jerimaya 3:8

Ọ riẹnre nẹ fiki rẹ igberadja rẹ Izrẹl, ohwo ọfafarhiẹ na, mi vwo si ọbe kẹ nẹ o kpo, dede na oshọ se mu oniọvo ofian rọye na Juda-a, ẹkẹvuọvo ekpuyovwi rọye da je yanran re gbe igberadja.

Izikiẹl 16:47

Yẹ o te kẹ wẹ rere wọ yan phihọ idjerhe raye-en, eyẹ wọ ru kirobo rẹ ẹgua rayen epha-a, vwẹ ọmọke krẹ na wọ rhoma rhi miovwi nẹ obo rẹ ayen epha vwẹ idjerhe rayen. Kirobo re me herọ na, eriyin Ọrovwohwo Ọghẹnẹ tare,

Izikiẹl 23:11

Oniọvo rọye rẹ ọmọtẹ Oholibah mrẹ ọnana, etiyin ọ da rhoma miovwi no ro pho krẹ krẹ gbe igberadja, ro miovwi nọ ọ rẹ oniọvo rọye.

Hosia 11:7

Ihwo mẹ kẹ ukuko ayen siẹ phihọ kẹ vwẹ, ọtiọye na e de kru oghwa nyẹ ayen, rẹ ohwo ọvuọvo se mu-u.

Hosia 4:16

Izrẹl vẹ udu kọi, kerẹ erhuẹn ọshare ro vwo udu, kẹ Ọrovwohwo sa ghẹrẹ ayen vwẹ etiyin na, kerẹ ogodẹ vwẹ egbri ophephẹ?