Jerimaya 29:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Kidie enẹ Ọrovwohwo rẹ otuofovwi, Ọghẹnẹ rẹ Izrẹl, tare. We jẹ emraro vẹ eboepha re hẹ uherevie rẹ ovwan na phiẹ ovwa-an, wa kerhọn rẹ evwerhẹ re ayen vwerhe na-a,

Jerimaya 29:8 ပူးပေါင်းရင်းမြစ်များ

Jerimaya 14:14

Ọrovwohwo da ta kẹ vwẹ, Emraro na vwẹ odẹ me mraro rẹ ofian, mi ji ayẹ-ẹn mi ji iji kẹ aye-en eyẹ ta kẹ aye-en, aroẹmrẹ rẹ ofian ayen mrẹ kẹ ovwan na, epha ri fiemu-u, vẹ ọphiọvwẹ rọ hẹ udu rayen.

Jerimaya 23:16

Enẹ Ọrovwohwo rẹ otuofovwi na tare, Wọ kerhọn rẹ eta rẹ emraro re mraro kẹ wẹ na-a, re ghwẹ iphiẹrohọ ifefe vọn wẹ oma na, emramrẹ re iroro rayen ayen ta na, ọ dia ọ ro nẹ unu rẹ Ọrovwohwo na rhe-e.

Jerimaya 23:21

Mi ji emraro na-a, yẹ ayen djẹ, Me ta kẹ aye-en yẹ ayen mraro.

Jerimaya 23:25

Emraro re vwẹ odẹ mẹ mraro rẹ efian na mi nyo obo rẹ ayen ta nẹ, Me vwerhẹ evwerhẹ, Me vwerhẹ evwerhẹ!

Jerimaya 23:27

ri roro nẹ ayen ru ihwo mẹ re odẹ mẹ da chọrọ ayen ẹro vwẹ oma rẹ evwerhẹ rayen rẹ ayen ta kẹ ohwohwo na, yan nene Baal na?

Jerimaya 27:9

Eriyin na wa gba kerhọn rẹ emraro rẹ ovwan, eboepha rẹ ovwan, evwerhevwerhẹ rẹ ovwan, erieda rẹ ovwan, eyẹ idiẹbo re vuẹ ovwan nẹ, Ovwan cha ga ovie ri Babilọn na-a.

Jerimaya 28:15

Oye Jerimaya rẹ ọmraro na da ta kẹ Hananaya rẹ ọmraro na, Kerhọn, Hananaya, Ọrovwohwo ji we-e, wo ru ihwo nana re vwẹ ẹro so ofian.

Jerimaya 29:1

Enana eta rẹ ọbe ri Jẹrimaya rẹ ọmraro na si nẹ Jerusalẹm rhe ekpako rẹ ighuvwu na, ji rhe irherẹn na, te emraro na, vẹ ihwo na ejobi, ihwo ri Nebukadneza mu ighuvwu nẹ Jerusalẹm kpo Babilọn na.

Jerimaya 29:15

Fikiridie wa tare nẹ, Ọrovwohwo na vwẹ emraro kẹ avwanre vwi Babilọn–

Jerimaya 29:21

Enẹ Ọrovwohwo rẹ otuofovwi, Ọghẹnẹ rẹ Izrẹl, tare, kpahe Ehab ọmo ri Kolaya vẹ Zedikaya ọmọ ri Masaya, rẹ mraro rẹ efian kẹ ovwan vwẹ odẹ mẹ nighe, me cha reyọ ayen vwọ kpo obọ ri Nebukadreza ovie ri Babilọn, ọ che hwe ayen ghwẹ vwẹ irharo wẹn.

Jerimaya 29:23

fikiridie ayen ru uruemu rẹ ẹkpa vwẹ Izrẹl ayen vẹ eya rẹ irivẹ rayen gbe ọfanrhiẹn, ayen da vwẹ odẹ mẹ ta eta rẹ efian re me vuẹ ayen nẹ ayen ta-a. Mẹvwẹ ohwo rọ riẹnre, mẹvwẹ je he oseri, eriyin Ọrovwohwo tare.

Jerimaya 37:9

Enẹ Ọrovwohwo tare, Wọ phiẹn omobọ wẹ-ẹn, ta nẹ, ihwo ri Kaldia ghine cha yan jẹn avwanre vwo, kidie ayen cha da oma ji-i.

Jerimaya 5:31

emraro na mraro rẹ efian irherẹn na ki nene idjedje rayen ihwo mẹ ghwa reyọ wan ọtiọye, komavọ ovwan ru vwẹ ọke rẹ oba de te?

Uvwerhe 2:14

Emraro wẹn mraro rẹ efian vẹ ọphiẹnvwẹ kẹ wẹ, ayen se tue orukuruku wẹn phia-a rọ vwẹ ughwe wẹn rhivwi rhe, ẹkẹvuọvo kẹ ayen bọ epha rẹ efian ro suẹn ohwo ghwrẹ.

Izikiẹl 13:6

Ayen vwọrọ efian ayen bọn epha rẹ efian; ayen tare, Ọtiọye Ọrovwohwo tare, dede na yi mi ji aye-en ye ayen phiẹrohọ nẹ o ru ota ayen gba.

Maika 2:11

Ohwo de vrẹn kpo otafe ra ta eta ifefe vẹ efian, tanẹ, me ta ota rẹ udi vẹ udi ọgangan kẹ ovwan, kọye re cha ta ota kẹ ihwo nana.

Zekaraya 13:4

Vwẹ ẹdẹ yena oma cha vo kọmraro kọmraro vẹ emramrẹ rọye ọ sa vwẹ adja ya rọ da phiẹ ohwo-o,

Matiu 24:24

Kidie Kristi rẹ efian cha rhe, kugbe emraro rẹ efian, ayen cha vwẹ eka buebu phia, kugbe emu rẹ igbunu buebu; rere ayen vwọ phiẹn ihwo buebu ghwru; udu rẹ ayen da gba ihwo ra sanọ reyọ dede na, a jẹ phiẹn ayen.

Iyẹnrẹ Esiri ri Luk 21:8

Ọ da ta, Kẹnoma rere e vwo jẹ uwe esuo ghwro; kidie buebu cha rhe vwẹ odẹ mẹ, tanẹ, Mẹvwẹ hẹ ọye! yẹ ọke na si kẹre re! Wo nene aye-en.

Iyẹnrẹ Esiri ri Luk 6:26

Ekan kẹ ovwan, vwẹ ọke rẹ ihwo de jiri ovwan, kidie ọtiọye esẹ rẹ ovwan ji jiri emraro rẹ efian na.

Ọbe ri Pọl si rhe Ihwo ri Rom 16:18

Kidie oghẹre rẹ ihwo ọtiọye na dia Ọrovwohwo Kristi ayen ga-a, ẹkẹvuọvo urhuru sivwe rẹ oma rayen, ihwo re vwẹ eta avwerhe kugbe unuẹrarọ vwọ phiẹn igbori kugbe ihwo ughẹnghẹn.

Ẹfesọs 4:14

Rere avwanre vwo jẹ dia kerẹ imitete, re phieghe cha phieghe kpo rẹ odju rẹ uyono kuyono muẹ, aghware rẹ ihwo vẹ ona rayen vwẹ ophiẹvwe.

Ẹfesọs 5:6

We jẹn ohwo ọvuọvo vwẹ eta ifefe phiẹn ovwa-an, kidie fiki rẹ imu nana ophu rẹ Ọghẹnẹ vwọ tua kpahe emọ ri jẹ ọghọ evwo na.

2 Tẹsalonaika 2:3

We jẹ ohwo ọvuọvo phiẹn ovwan vwẹ idjerhe kidjerhe-e; kidie ẹdẹ yena ji te-e, jokpa nẹ ọ ro muẹ kpahe ihwo na ka rhe tavwe, ra da vwẹ onogbozighi na phia, kugbe ọmọ rẹ ughwru na,

2 Timoti 3:13

yẹ ihwo umwemwu kugbe otu ri muẹ odẹ kẹ oma re miovwẹ phihọ, e phiẹn yẹ a je ghwa phiẹn ayen.

1 Jọn 4:1

Imoni re ghare, ovwan se erhi kerhi gbuyota-a, ẹkẹvuọvo wa davwe ayen ni tavwe sẹ ghine erhi rẹ Ọghẹnẹ ayen ruẹ; kidie emraro rẹ ofian buebu ro evun rẹ akpọ na re.

Ẹvwọphia 13:14

vwẹ eka ra rhọvwe kẹ nẹ ọ ru vwẹ irharo rẹ eranvwe na, ọ da vwọ phiẹn ayen otu re dia akpọ na, ọ da ta kẹ ayen nẹ a kare oma rẹ eranvwe na ra vwẹ ọlọkọ nyavwe na yọ rhọvwe ghwu-u,

Ẹvwọphia 19:20

E de mu eranvwe na, kugbe emraro rẹ efian na ri ruẹ emu rẹ igbunu kẹ mrẹ na re vwọ phiẹn ihwo ra ka oka rẹ eranvwe na phihọ na kugbe ihwo re gọ oma rọye. E de mu ayen ivẹ na ọkpokpọ teye ẹtẹrhe rẹ erhanre rọ torhẹ vẹ ibiosio rẹ erhanre.