Jerimaya 29:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Kẹsiẹye we ki se vwe rhe nẹ ẹrhovwo kẹ vwẹ, ki mi nyo ovwan.

Jerimaya 29:12 ပူးပေါင်းရင်းမြစ်များ

Jerimaya 33:3

se vwe ki mi nyo kẹ wẹn, ke me ta imu ride re djahere na kẹ wẹ e rẹ wọ je riẹn devo-o.

Une rẹ Ejiro 50:15

rere wo se vwe vwe ọke rẹ ukpokpogho, ki mi sivwi uwe, ru wọ da vwẹ urinrin kẹ vwẹ.

Une rẹ Ejiro 145:19

O ruẹ ẹguọnọ rẹ otu re djẹ oshọ rọye gba, ọye ọvo ri nyo oviẹ rayen, o mi sivwi ayen.

Une rẹ Ejiro 10:17

E Ọrovwohwo, wẹ ri nyo ẹguọnọ re ohwo dẹndẹn, wo ru udu rayen gan, wọ kerhọn rayen

Aizaya 65:24

Tavwe re ayen ki se ki mi nyo, re ayen je vwo ta ota na ki Mi nyo ayen.

Zekaraya 13:9

Ki mi che phi ẹkẹn rerha nana phihọ erhanre, re ruo fon kirobo re ru idọnọ fuan ye, ka davwe ayen kirobo ra davwe oro na. Ayen se odẹ Mẹ, ki mi nyo ke ayen. Ke Me ta nẹ, Ayen ihwo mẹ, Kẹ ayen ta nẹ, Ọrovwohwo na Ọghẹnẹ Mẹ.

Jerimaya 31:9

Ayen che rhivwi cha, vẹ oviẹ ji kugbe uchebro mi vwo sun ayen rhivwi. Mi che ru ayen yan vwẹ orhoma rẹ ame, vwẹ idjerhe ọphiọnphiọn rẹ ayen de je she, kidie mẹvwẹ ọse kẹ Izrẹl, Ifrem ji ọmọkpako mẹ.

Aizaya 30:19

Uyota, E ihwo ri Zayọn re dia Jerusalẹm, wa gbe cha viẹ ọfa-a. Vwe uyota ko ni aruẹdọn ke we vwe ọke wọ da viẹ se, ọke ro de nyo ko kpahe ke wẹ.

Izikiẹl 36:37

“E nẹ Ọrovwohwo Ọghẹne tare: Ọnana me je cha uphẹ kẹ uwevwi rẹ Izrẹl nẹ ayen nọ vwẹ rere mi ru kẹ ayen, re mi ru ihwo rọye bu kerẹ igọde.

2 Ikun rẹ Ivie 6:38

Ọ da dianẹ ayen kurhẹriẹ vwẹ iroro rayen ejobi vẹ udu rayen ejobi vwẹ evun rẹ otọ rẹ ayen da hẹ ighuvwu na, re mu ayen ra ighuvwu na, rẹ ayen de hirhe opharo ku otọ rayen na da nẹ ẹrhovwo, otọ ru wọ kẹ esẹ rayen na, orere ru wọ jẹreyọ na, kugbe uwevwi re me bọn kẹ odẹ wẹn na,

2 Ikun rẹ Ivie 33:13

Ọ da nẹ ẹrhovwo kẹ, Ọghẹnẹ de nyo orẹ rọye kugbe oyare rọye ọ da rhoma reyọ vwo rhe uvie rọye vwi Jerusalẹm. Etiyin Manasse ke riẹn nẹ Ọrovwohwo ọye Ọghẹnẹ.

ỌBE RẸ JOB 22:27

Ku wọ nẹ ẹrhovwo wẹn kẹ, ko nyo we, ku wọ hwa osa rẹ ive wẹn.

Aizaya 26:16

E Ọrovwohwo, vwẹ evun rẹ ọdjarhe kẹ ayen guọnọ owẹ kẹ ayen shẹ ẹrhovwo ẹnẹ vwe ọke wọ vwọ ghwe obo re efafa wẹn kpahe ayen.

Jerimaya 50:4

Vwẹ ẹdẹ yena vẹ ọke yena eriyin Ọrovwohwo tare, ihwo rẹ Izrẹl vẹ ihwo ri Juda che kuoma gbe, ayen cha, jẹ ayen viẹ; ayen cha guọnọ Ọrovwohwo Ọghẹnẹ rayen na.

Jerimaya 51:50

Wẹ rọ djẹ vabo rẹ ọlọkọ na, yanran wo muẹdia fọ-ọ Karohọ Ọrovwohwo vwẹ ogboko, jẹn iroro ri Jerusalẹm ro wẹ evun.

Hosia 14:9

Ohwo kohwo rọ ghwanre e jọ riẹn imu nana; ohwo kohwo ro vwo iroro, e jo vughe ayen; Kidie idjerhe rẹ Ọrovwohwo hẹ ọsoso ohwo rọ dia ọsoso yan vwẹ evun rọye, ẹkẹvuọvo oruimwemwu she vwẹ evun rẹ ayen.