Jerimaya 28:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Kidie enẹ Ọrovwohwo rẹ otuofovwi, Ọghẹnẹ rẹ Izrẹl, tare: Mi phi ahwa rẹ utehru rẹ ọviẹn phihọ ohọre rẹ ẹgborho nana re ayen dia eviẹn ri Nebukadneza ovie ri Babilọn, ayen cha ga, kidie me je kẹ eranvwe rẹ aghwa dede.

Jerimaya 28:14 ပူးပေါင်းရင်းမြစ်များ

Jerimaya 15:12

Ohwo se vwirhi utehru, utehru ro nẹ obohwẹre ọnre cha kugbe ẹrovwo?

Jerimaya 27:4

Ji iji nana kẹ ayen vwo rhe inini rayen. Enẹ Ọrovwohwo rẹ otuofovwi, Ọghẹnẹ rẹ Izrẹl, tare. Enẹ ovwan ta kẹ inini rẹ ovwan:

Jerimaya 27:8

Ẹkẹvuọvo ọ da dianẹ uvie ọvo gbe rhọvwe ga Nebukadreza nana rẹ ovie ri Babilọn na-a, ro gbi ji phi ohọre rọye phihọ otọ rẹ urhekpe rẹ ovie ri Babilọn na-a, me vwẹ ọlọkọ kugbe owẹvwe vẹ emiavwe ru ẹgborho yena gangan, bẹsiẹye me vwọ wan obọ rọye ghwọrọ ẹgborho yena nu, eriyin Ọrovwohwo na tare.

Jerimaya 40:4

Asakiephana gbe nighe, nonẹ na me rhan ejọnrọn nẹ abọ wẹn. Ọ da dianẹ oyovwi kẹ wẹ rere wo nene uvwe kpo Babilọn, gba yanrhe, ke me vwẹ ẹro te we yoyovwi; ẹkẹvuọvo o gbi fo kẹ wẹ rere wo nene uvwe kpo Babilọn na-a, wo jovwo. Gbe ni otọ na soso ọ hẹ obaro wẹ, gba yan kpo asan kasan wo rori no yovwiri ro ji shehọ ru wọ ra.

Uvwerhe 1:14

Ogbeku mẹ da họhọ urhekpe ra gba mu vwe, obọ rọye a vwọ gba koko; e de mu ayen nyẹ ohọre mẹ; Ọ da nẹrhẹ ogangan mẹ lọhọ, Ọrovwohwo phi vwe hẹ abọ rẹ otu re gan nọ vwẹ.

Daniẹl 2:38

je vwẹ obọ wẹn o phi emu na ejobi phihọ, kasan kasan rẹ ayen epha ejobi, emọ rẹ ihwo, eranvwe rẹ aghwa te ephran rẹ irharheghe, ọ da tanẹ wo sun ayen ejobi–wọwe ọye uyovwi rẹ oro na.

Hosia 10:11

Ifrem umuomuo rẹ erhuẹn re yonori rẹ oma rẹ owian vwerha, me da yan jẹn oghwa rọ hẹ ohọre rọye vwo; ẹkẹvuọvo me cha gba urhekpe mu ohọre rẹ Ifrem, Juda ko che voro ivoro, Jekọp kọ che tuetue odi kẹ oma rọye.

Urhi Rivẹ 28:48

ku wa cha ga ivwighrẹ rẹ ovwan rẹ Ọrovwohwo che ji nẹ i mu kpahe ovwan, vwẹ owẹvwe vẹ urhuru rẹ ame, vwẹ ẹbẹba, vẹ ọkarovwe ri kemu kemu ejobi, ko che phi urhekpe rẹ utehru phihọ ohọre rẹ ovwan, bẹsiẹ rọ vwọ ghwọrọ ovwan nu.

Urhi Rivẹ 4:20

Ẹkẹvuọvo Ọrovwohwo reyọ ovwan, o de si ovwan nẹ erhanre rẹ utehru rhe, nẹ Ijipt rhe, rere wa dia ihwo rẹ obọ rọye, kirobo rọ epha nonẹ na.