Jerimaya 27:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Asakiephana mi phi etọ nana ejobi phihọ obọ ri Nebukadreza, ovie ri Babilọn, re odibo mẹ na, me je vwẹ eranvwe re aghwa na kẹ re ega.

Jerimaya 27:6 ပူးပေါင်းရင်းမြစ်များ

Ivie rẹ Ivẹ 25:28

O da vwẹ ẹnwẹ rẹ ọghọ vwọ ta ota kẹ, ọ da kẹ ẹdia ro kpenu vrẹn ẹdia rẹ ivie re vẹ ọye gba herọ vwẹ evun ri Babilọn.

2 Ikun rẹ Ivie 36:23

E nẹ Saerọs ovie ri Pẹsha tare, Ọrovwohwo na, Ọghẹnẹ rẹ odjuvwu, vwe uvie rẹ akpọ na ejobi kẹ vwẹ, ọ da vuẹ nẹ me bọn uwevwi kẹ vwi Jerusalẹm, rọi Juda. Kohwo kohwo vwe ohri re ihwo rọye, Ọrovwohwo Ọghẹnẹ rọye nene dia. E jo kpo.

Aizaya 44:28

rọ ta kpahe Sairọs, Ọye osuigegede mẹ, ko che ru iroro mẹ ejobi gba; kọ ta kpahe Jerusalẹm, nẹ, Ka cha bọn wẹ, vwọ kpahe uwevwi na nẹ, Ka cha tọn uchivwo wẹn phihọ otọ.

Jerimaya 21:7

Ukuko rọye, eriyin Ọrovwohwo tare, mi che phi Zẹdikaya ovie ri Juda tẹ idibo rọye, vẹ ihwo rẹ orere nana rẹ emiavwe vẹ ọlọkọ kugbe owẹvwe hwe chekọ phihọ obọ ri Nẹbukadreza ovie ri Babilọn ji phihọ obọ rẹ ivwighrẹ rayen, phihọ obọ rẹ ihwo re guọnọ arhọ rayen. Ọ cha vwẹ arọ rẹ ọlọkọ nyavwẹ ayen, o che mu ayen ẹro-o, o ji jẹn ayen vwo-o, ọ je rẹ ehrọre raye-en.

Jerimaya 22:25

Mi de phi we phihọ obọ rẹ ohwo rọ guọnọ arhọ wẹn, phihọ obọ rẹ ohwo rẹ oshọ rọye mu we, tobọ phihọ obọ ri Nẹbukadreza ovie ri Babilọn ji phihọ obọ rẹ ihwo ri Kaldia.

Jerimaya 24:1

Ri Nẹbukadreza ovie ri Babilọn vwo mu Jekonaya ọmọ re Jehọiakim, ovie ri Juda, kugbe isun ri Juda, te ewena, te idjogun, nẹ Jerusalẹm rhe, ro vwo mu ayen imu vwo kpo Babilọn, Ọrovwohwo da vwẹ emramrẹ nana vwọ nẹ vwẹ. Nighe, ibere ri fig ivẹ da hẹ obaro rẹ uwevwi rẹ Ọrovwohwo na.

Jerimaya 25:9

gbe nighe, mi che se uvwiẹ rẹ obọhwẹre ọnre cha, eriyin Ọrovwohwo tare, kugbe Nebukadreza ovie ri Babilọn, odibo mẹ na, me ghwẹ ayen rhe vwọ họnre otọ nana vẹ ihwo re dia, je kpahe irere nana re yarierẹ na; me cha ghwọrọ ayen tọtọtọ, mi de ru ayen imuosho vẹ unuẹfiọn, kugbe ihwo ra hwe bẹdẹ.

Jerimaya 28:14

Kidie enẹ Ọrovwohwo rẹ otuofovwi, Ọghẹnẹ rẹ Izrẹl, tare: Mi phi ahwa rẹ utehru rẹ ọviẹn phihọ ohọre rẹ ẹgborho nana re ayen dia eviẹn ri Nebukadneza ovie ri Babilọn, ayen cha ga, kidie me je kẹ eranvwe rẹ aghwa dede.

Jerimaya 43:10

ọ da ta kẹ ayen nẹ, Enẹ Ọrovwohwo rẹ otuofovwi, Ọghẹnẹ rẹ Izrẹl tare, Nighe, mi che ji ikọn ra reyọ Nebukadreza ovie ri Babilọn, odibo mẹ, rhe, o che phi ekete rẹ uvie rọye phihọ enu rẹ elalọ nana ri mi sinu na, kọ bẹrẹ eharha rẹ uvie rọye sa enu rọye.

Jerimaya 49:30

Djẹ, ghoro sheri, dia asan okokodo, E ihwo ri Hezọ! eriyin Ọrovwohwo tare. Kidie Nebukadreza ovie ri Babilọn jẹ iroro kpahe owẹ, o vwo obo ro che ru kpahe owẹ.

Izikiẹl 29:12

Ke me kua otọ rẹ Ijipt fiotọ vwẹ uherevie rẹ irere ra kua fiotọ na ejobi; irere rọye ka kua fiotọ ikpe ujuvẹ soso vwẹ ohri rẹ irere ra kua fiotọ na. Me hra ihwo rẹ Ijipt na ro ohri rẹ ẹgborho na, ka hra ayen nene ohri rẹ irho na ejobi.

Izikiẹl 30:24

Ki mi ru igbabọ rẹ ovie rẹ Babilọn gan, ki mi phi ọlọkọ mẹ phihọ obọ ẹkẹvuọvo ki mi vwirhi igbabọ rẹ Fẹro, ko de irhivwẹ gangan kerẹ ohwo rẹ egbọlọ sheri.

Daniẹl 4:12

Ẹbe rọye pha yoyovwi, emamọ rọye buebu gbidi, kẹ emuọre vwọ kẹ ihwo ejobi. Eranvwe rẹ aghwa na kẹ otọ rẹ ophie rọye e dia, eghọn rọye kọye emephran rẹ irharheghe dia, oma rọye kọye ihwo ejobi da ria.

Daniẹl 4:22

Ọye owẹ, E Ovie, ro rhe rho wọ da rhe goma gigirigi. Ọrho wẹn de rhi kpenu o de rhi te odjuvwu, otọ ru wo suẹn, de rhi te oba rẹ akpo na ejobi.