Jerimaya 27:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Mẹvwẹ ohwo rọ vwẹ ọrho mẹ rode na vẹ ogangan rẹ obọ mẹ ma akpọ na, kugbe ihwo vẹ eranvwe re hẹ enu rẹ akpọ na, me vwọ kẹ ohwo kohwo ro jevwe nẹ me vwọ ke.

Jerimaya 27:5 ပူးပေါင်းရင်းမြစ်များ

Jẹnẹsis 1:25

Ọghẹnẹ da ma eranvwe rẹ akpọ na, deranvwe doka rayen kugbe uchuru okoka rọye, kugbe emu kemu ri kpono vwẹ otọ na okoka rọye. Ọghẹnẹ da mrẹ nẹ oyoma.

Jẹnẹsis 9:6

Ohwo ro sun ọbara rẹ ohwo te otọ, ohwo ọfa ji sun ọbara rọye te otọ, kidie Ọghẹnẹ ma ohwo vwẹ uhoho rọye.

1 Ivie 8:42

(kidie ayen che nyo usi rẹ odẹ wẹn rode na, kugbe egba rẹ obọ wẹn, kugbe igbabọ wẹn re riẹn phia), ọke rọ da rhe rhe nẹ ẹrhovwo vwẹ uwevwi nana,

Ezra 1:2

Enẹ Sairọs ovie ri Pẹsha tare: Ọrovwohwo Ọghẹnẹ rẹ Odjuvwu na, reyọ uvie rẹ akpo na ejobi vwọ kẹ vwẹ, o de ji urhi kẹ vwẹ nẹ me ra bọn uwevwi kẹ ọye vwi Jerusalẹm ri Juda.

Nehemaya 9:22

Wọwẹ re kẹ ayen uvie kugbe ihwo, wọ da ghare asan re otọ na teri ejobi kẹ ayen, ọtiọye ayen de vwo otọ ri Sihọn ovie ri Heshbọn kugbe otọ ri Ọg ovie ri Bashan.

Une rẹ Ejiro 102:25

Nẹ awanre rhe wọ vwọ tọn uchivwo re akpọ na phihọ, idjuvwu na kẹ iruo rẹ abọ wẹn.

Une rẹ Ejiro 96:5

Kidie ẹdjọ ri chekọ na ejobi na oma re, ẹkẹvuọvo Ọrovwohwo na re ma idjuvwu

Ẹyano 20:11

kidie ẹdẹ esan ye Ọrovwohwo vwọ ma odjivwu vẹ akpọ, abadi na vẹ imu rehẹ evun rẹ ayen ejobi, o de rovwoma vwẹ ẹdẹ righwrẹ na, fiki rẹ ọtiọye na Ọrovwohwo de bruphihọ edidjala na o de ruo fon.

Ẹyano 6:6

Fiki rẹ ọtiọye na gba ta kẹ ihwo rẹ Izrẹl, “Mẹvwẹ Ọrovwohwo na, mi che si we nẹ otọ rẹ oja rẹ ihwo rẹ Ijipti, ki mi che si we nẹ ọviẹn rayen, ke me tan wẹ nu obọ rẹ ayen.

Aizaya 42:5

Enẹ Ọghẹnẹ tare, Ọrovwohwo na, rọ ma idjuvwu rọ da nabọ riẹn phihọ na, rọ riẹn akpọ na phihọ vẹ obo re djẹ no rhe ejobi, rọ vwẹ ẹnwẹn kẹ ihwo re dia evun rọye kugbe erhi kẹ ihwo re yan vwẹ evun rọye.

Aizaya 44:24

Enẹ Ọrovwohwo tare, Ọtan wẹn, rọ mama owẹ nẹ evun rhe: Mẹvwẹ Ọrovwohwo, rọ ma emu ejobi rẹ ọye ọvo vwẹ idjuvwu na tan, rọ riẹn akpọ na phihọ–Kono vẹ ovwẹ gba herọ

Aizaya 45:12

Mẹvwẹ re ma akpọ na, Me da ma ohwo phihọ enu rọye, obọ mẹ me vwọ riẹn idjuvwu na phihọ, Mẹvwẹ re vwẹ urhi kẹ otu rẹ herọ ejobi.

Aizaya 48:13

Obọ Mẹ Me vwọ tọn uchivwo rẹ otọ na, obọrhe Mẹ re riẹn idjuvwu na phihọ ọke Mi vwọ sa ayen ayen de mudia kugbe.

Aizaya 51:13

rẹ Ọrovwohwo chọẹro, Ọ rọ Ma wẹ, rọ riẹn odjuvwu phihọ rọ tọn uchivwo rẹ akpọ na phihọ, rọ djẹ oshọ kẹdẹ kẹdẹ fiki rẹ ophu rẹ ohwo ro shenyẹ ihwo na, ro phi oma rọye phihọ oghwọrọ? Ki tivo ophu rẹ ohwo ro shenyẹ na epha?

Jerimaya 27:4

Ji iji nana kẹ ayen vwo rhe inini rayen. Enẹ Ọrovwohwo rẹ otuofovwi, Ọghẹnẹ rẹ Izrẹl, tare. Enẹ ovwan ta kẹ inini rẹ ovwan:

Jerimaya 32:17

E Ọrovwohwo Ọghẹnẹ! Wọwẹ vwẹ ogangan wẹn rode na vẹ ẹgba rẹ obọ wẹn ma odjuvwu vẹ akpọ na! Emu ọvuọvo bẹn kẹ wẹ-ẹ.

Jerimaya 51:15

Ọ rọ vwẹ ogangan rọye ma akpọ na, rọ vwẹ aghwanre rọye mu akpọ na vi, rọ vwẹ erianriẹn rọye na vwọ riẹn idjuvwu phihọ.

Daniẹl 2:38

je vwẹ obọ wẹn o phi emu na ejobi phihọ, kasan kasan rẹ ayen epha ejobi, emọ rẹ ihwo, eranvwe rẹ aghwa te ephran rẹ irharheghe, ọ da tanẹ wo sun ayen ejobi–wọwe ọye uyovwi rẹ oro na.

Daniẹl 4:14

O de kperi gangan tanẹ, She urhe na teye otọ re wọ nyavwe eghọn rọye kufia, hrọre ẹbe rọye nu, re wọ je hra emamọ rọye, jẹn eranvwe na djẹ nẹ otọ rọye, re ephran na rhan nẹ eghọn rọye.

Daniẹl 4:17

Ọnana orhiẹn rẹ erhẹrotọ na bruru, ọrhiẹn na ọye eta rẹ ihwo efuanfon na, rere oba rọye, ihwo rẹ akpọ vwọ riẹn nẹ ọ rọ me kpenu ejobi ri suẹn uvie rẹ ihwo, nẹ ohwo ro jere ọye ọ vwọ kẹ, ohwo ro me kpotọ kọye ọ vwọ ka obenu.

Daniẹl 4:22

Ọye owẹ, E Ovie, ro rhe rho wọ da rhe goma gigirigi. Ọrho wẹn de rhi kpenu o de rhi te odjuvwu, otọ ru wo suẹn, de rhi te oba rẹ akpo na ejobi.

Daniẹl 4:25

nẹ, a cha djẹ we nẹ ohri rẹ ihwo, wọ vẹ eranvwe rẹ aghwa kọye gba cha dia, ke che ru we vwọ re odi kerẹ erhuẹn, oma wẹ kọ kpọrhọ vẹ irho ro nẹ obo odjuvwu cha, ẹgbukpe ighwrẹ kọ wan wẹn vrẹn bẹsiẹ wọvwọ riẹn nẹ ọ rọ Me Kpenu ejobi ri suẹn uvie rẹ ihwo, nẹ ọ vwọ kẹ ohwo ro jere.

Daniẹl 5:18

E ovie, Ọghẹnẹ ro Me Kpenu ejobi vwẹ adia rẹ ovie, ọrho te urinrin vẹ ọghọ kẹ Nebukadneza ọsẹ wẹn.

Iruo rẹ Iyinkọn na 14:15

Ihwo na, die ovwan vwo ruẹ ọnana? Avwanre je hẹ ihwo rhe kerẹ ovwan, re ghwẹ iyẹnre esiri rhe ovwan rere ovwan yan jẹ emu diodi nana vwo bru Ọghẹnẹ ọkpokpọ na rhe, ohwo rọ ma odjuvwu kugbe akpọ kugbe abadi kugbe obo re hẹro ejobi.

Iruo rẹ Iyinkọn na 17:24

Ọghẹnẹ rọ mama akpọ na kugbe kemu kemu rọ herọ, rọ vwọ dia Ọrovwohwo ro vwo odjuvwu vẹ akpọ na, ọ sa dia evun rẹ ẹshẹ rẹ ohwo vwẹ obọ ru-u,

Iruo rẹ Iyinkọn na 17:26

Ọ da ma ihwo phihọ ẹgborho ọvuọvo nẹ e dia enu rẹ akpọ na, ọ da kẹ ayen uchọke rẹ ayen dia akpọ na te kugbe ughwru ro gbere kẹ ẹdia rayen,

Urhi Rivẹ 2:19

wo si kẹrẹ obaro rẹ emọ re Ammọn, wo kpokpo aye-en wo nene ayen họnra-a; kidie Me sa vwẹ otọ rẹ emọ rẹ Ammọn kẹ wẹ dia-a, fikiridie Me vwẹ rọ kẹ emọ ri Lọt nẹ ayen dia.

Urhi Rivẹ 2:21

ihwo ride na, buebu, grogro, kere ihwo rẹ Anak; ẹkẹvuọvo Ọrovwohwo da ghwọrọ ayen vwẹ aro rayen; ayen de phi ayen kua, ayen da rhe dia ẹdia rayen;

Urhi Rivẹ 2:7

Kidie Ọrovwohwo Ọghẹnẹ rẹ ovwan bruba iruo rẹ obọ rẹ ovwan ejobi nure; ọ riẹn oyan rẹ ovwan re wa yanre wan aton na; vwẹ ikpe ujuvẹ nana rẹ Ọrovwohwo rẹ Ọghẹnẹ rẹ ovwan vwo nene ovwan dia na; emu ọvuọvo rọ karo ovwan herọ-ọ.

Urhi Rivẹ 2:9

Ọrovwohwo da ta kẹ vwẹ nẹ, Ekpokpo Moabu-u, e ji nene ayen họnra-a; kidie Me sa vwẹ otọ rayen kẹ wẹ re wọ dia-a; fikiridie Me vwẹ Ai kẹ emọ ri Lọt nẹ ayen dia nure.

Urhi Rivẹ 32:8

Ọke rẹ Ọro Me Kpenu ejobi vwọ kẹ ẹgborho na ejobi ukuẹriọ rayen nu, rọ vwọ hẹriẹ emọ rẹ ihwo nu, o de gberi ughwru kẹ ihwo na, kirobo rẹ unu rẹ emọ rẹ Ọghẹnẹ bute.

Urhi Rivẹ 4:17

uhoho rẹ eranvwe keranvwe rọ akpọ na, uhoho rẹ ọphra kọphra rọ vwẹ ibekpe rhan vwẹ obenu,

Urhi Rivẹ 4:25

Ọke wo de rhi vwiẹ emọ kugbe emọ rẹ emọ wẹn re wa da rhe dia otọ na krekri re, we de rhi miovwi omobọ rẹ ovwan re, rhe kanre oma re emu kemu re, we de rhi ru umwemwu vwẹ obaro rẹ Ọrovwohwo Ọghẹnẹ wẹn na, wọ da nẹrhẹ ophu muo.

Urhi Rivẹ 4:32

Kidie gba nekpẹn rẹ ẹdẹ rẹ awanre na, e re hẹ obaro wẹn na, rha wẹ ọke rẹ Ọghẹnẹ vwọ ma ohwo phihọ enu rẹ akpọ na, nẹ abọvo rẹ odjuvwu re te abọ rivẹ, se oghẹre rẹ emu rode ọtiọnana ru vwọ dẹvure, gbenẹ e ji nyo ọ rọ họherọ re?

Urhi Rivẹ 4:35

Wẹwẹ a vwẹ rọ nẹ rere wọ vwọ mrasa riẹn nẹ Ọrovwohwo na ghinẹ Ọghẹnẹ; ọfa herọ vwọ ba-a.

Urhi Rivẹ 5:16

Vwẹ ọghọ kẹ ọsẹ wẹn vẹ oni wẹn, kirobo rẹ Ọrovwohwo Ọghẹnẹ wẹn jiji kẹ wẹ; rere ẹdẹ wẹn vwo gro, ro vwo yovwi kẹ wẹ vwẹ otọ rẹ Ọrovwohwo Ọghẹnẹ wẹn na vwọ kẹ wẹ.

Urhi Rivẹ 9:29

Dede na ihwo wẹn vẹ ukuẹriọ wẹn ayen ruẹọ, e re Wọ vwẹ ogangan Wẹn rode kugbe ugbobọ wẹn reyọ rhe na.

Kolose 1:16

Kidie oma rọye a wan ma kemu kemu ejobi, re hẹ obo odjuvwu kugbe re hẹ otọ rẹ akpọ na, emu ra mrẹ kugbe irejẹmrẹ owenẹ o dia obenu rẹ ekete rẹ ivie eyẹ ubrakpọ re suẹn, eyẹ ihwo ride eyẹ ogangan; obọ rọye a wa ma kemu kemu ejobi, ọye a je ma ayen kẹ.

Hibru 1:2

vwẹ asakiephana unu rẹ Ọmọ rọye kọye ọ wan ta ota kẹ avwanre, ọye o ve phihọ nẹ ọ reuku ri kemu kemu ejobi re hẹ akpọ na; oma rọye ọ wan mama akpọ na.

Ẹvwọphia 4:11

Wọwẹ hẹ ohwo ro fori, Ọrovwavwanre kugbe Ọghẹnẹ, rọ reyọ urinrin kugbe ọghọ kugbe ogangan, kidie wọwẹ re mama emu ejobi, ọhọre wẹn ayen vwọ herọ kọye a vwọ mama ayen.