Jerimaya 27:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Ọ da dianẹ ayen kẹ emraro, ri vwo ota rẹ Ọrovwohwo na, gbe jẹn ayen rẹ Ọrovwohwo rẹ otuofovwi na, rere ekuakua re jovwo vwe uwevwi rẹ Ọrovwohwo na, vẹ uwevwi rẹ ovie ri Juda, kugbe Jerusalẹm na vwo jẹ Babilọn ẹra.

Jerimaya 27:18 ပူးပေါင်းရင်းမြစ်များ

Jẹnẹsis 20:17

Etiyin Ebraham da nẹ ẹrhovwo kẹ Ọghẹnẹ, Ọghẹnẹ de sivwi Abimẹlẹk, o de ji sivwi aye rọye kugbe eviẹn rẹ eya ro vwori ejobi, kọye ayen de vwiẹ emọ.

1 Ivie 18:24

wo se odẹ rẹ ẹdjọ wẹn rere mi se odẹ Ọrovwohwo. Ọghẹnẹ rọ vwẹ erhanre mie kọye hẹ ọfuanfon. Ihwo na ejobi da kpahe Wọ riẹnre ta.

1 Ivie 18:26

Ayen da reyọ erhuẹn na, ayen da va, ayen de se odẹ ri Baal nẹ irhiọke te oghẹruvo, tanẹ, E Baal nyo avwanre Ẹkẹvuọvo e nyo urhuru ọvuọvo-o, ohwo ọvuọvo nyori-i. Ayen de pho kreikrei riariẹ agbada rẹ ayen soro na.

2 Ikun rẹ Ivie 32:20

Etiyin Hẹzikaya rẹ ovie na kugbe Aizaya rẹ ọmraro na, ọmọ rẹ Amọz, da nẹ ẹrhovwo fiki rẹ ọnana ayen de kperi se odjuvwu

Jerimaya 15:1

Etiyin Ọrovwohwo da ta kẹ vwẹ, owenẹ Mosis vẹ Samuẹl mudia vwẹ obaro mẹ dede, udu mẹ sa rhẹriẹ bru ihwo nana-a. Si ayen nẹ obaro mẹ, rere wo jẹn ayen yanran.

Jerimaya 18:20

A san vwẹ umiovwo vwọ hwa osa rẹ erhuvwu? Dede na ye ayen tọn ọgọdọ kẹ arhọ mẹ. Karohọ obo ri mi mudia vwẹ obaro wẹn vwọ ta ota yoyovwi kpahe ayen, wo vwo ku ophu wẹn rhẹriẹ nẹ oma rẹ ayen.

Jerimaya 42:2

Ayen da ta kẹ Jerimaya rẹ ọmraro na, Jẹn omaevwerhe rẹ avwanre te obaro wẹn wọ rẹ Ọrovwohwo Ọghẹnẹ wẹn na kẹ avwanre, kidie umuku rẹ avwanre ro chekọ na rhe bu-u, kirobo rẹ ẹro wẹn je ghwa mrẹ na.

Jerimaya 7:16

Vwọ kẹ wẹ, wọ nẹ ẹrhovwo kẹ ihwo nana-a, wọ viẹ-ẹ eyẹ wọ nẹ ẹrhovwọ kẹ aye-en, wọ je rẹ vwọ kẹ aye-en, kidie mi che nyo we-e.

Izikiẹl 14:14

ọ da tobọ dianẹ ihwo nana erha na herọ, Noa, Daniẹl, kugbe Job, oma rayen ọvo ọye ayen se sivwi fiki rẹ ọvwata rayen, eriyin Ọrovwohwo Ọghẹnẹ tare.

Izikiẹl 22:30

Me da guọnọ ohwo vwẹ ohri rẹ ayen rere ọ bọn igbẹhẹ na rọ mudia vwẹ asan guọghọre rọ hẹ obaro mẹ vwẹ otọ na, rere mi vwo jẹ ẹguọghọ; ẹkẹvuọvo a mrẹ ọvuọvo-o.

Malakae 1:9

Asakiephana gba guọnọ aroesiri rẹ Ọghẹnẹ, rere o ni arodọvwẹ rẹ avwanre. Wa da vwẹ emu ọtiọye na yọnrọn obọ rhe ko ni arodọvwẹ rẹ ovwan we roro? eriyin Ọrovwohwo rẹ otuofovwi na tare.

1 Samuẹl 12:19

Ihwo na ejobi da ta kẹ Samuel, Rẹ Ọrovwohwo Ọghẹnẹ wẹn na kẹ idibo wẹn, rere avwanre vwo je ghwo; kidie avwanre rhoma vwẹ umwemwu nana ba imwemwu rẹ avwanre ri jovwo, rẹ avwanre vwo nọ ekpẹn rẹ ovie kẹ oma rẹ avwanre.

1 Samuẹl 12:23

Ọ rọ marho mi che ru umuemwu kpahe Ọrovwohwo re mi se jẹ ẹrhovwo ẹnẹ kẹ Ọrovwohwo fiki rẹ ovwa-an; ki mi yono ovwan phihọ idjerhe rẹ esiri vẹ ọsoso.

1 Samuẹl 7:8

Ihwo rẹ Izrẹl da ta kẹ Samuel, Kperi se Ọrovwohwo kẹ avwanre wọ da unu jẹ-ẹ, rere o sivwi avwanre nẹ obo ri Filistia.