Jerimaya 27:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Me da ta enana ejobi vwọ kẹ Zẹdikaya ovie ri Juda Phi ohọre wẹn phihọ otọ rẹ urhekpe rẹ ovie ri Babilọn, re wọ ga je ga ihwo rọye, re wọ rhọ.

Jerimaya 27:12 ပူးပေါင်းရင်းမြစ်များ

Isẹ 1:33

ẹkẹvuọvo ohwo rọ kerhọn mẹ oma ko fuo, oma ko fuo, ọ gbe djẹ oshọ rẹ umiovwo-o.

Jerimaya 17:4

Wa cha rhan obọ rẹ ovwan nẹ ukuẹriọ re me vwọ kẹ ovwan, ki mi che ru ovwan vwọ ga ivwighrẹ rẹ ovwan vwẹ otọ re wa riẹnre-e, kidie vwẹ evun rẹ ophu mẹ ki mi koko erhanre ro cha la bẹdẹ phiyọ.

Jerimaya 21:9

Ohwo rọ da oma ji orere nana che ghwu ughwu rẹ ọlọkọ vẹ ọ rẹ owẹvwe, kugbe ọ rẹ emiavwe; ẹkẹvuọvo ohwo rọ yan nọ rọ da vwẹ oma rọye kẹ ihwo ri Kaldia re yariẹ ovwan phihọ na cha rhọ ye arhọ rọye kọ cha dia osa re ofovwi.

Jerimaya 27:8

Ẹkẹvuọvo ọ da dianẹ uvie ọvo gbe rhọvwe ga Nebukadreza nana rẹ ovie ri Babilọn na-a, ro gbi ji phi ohọre rọye phihọ otọ rẹ urhekpe rẹ ovie ri Babilọn na-a, me vwẹ ọlọkọ kugbe owẹvwe vẹ emiavwe ru ẹgborho yena gangan, bẹsiẹye me vwọ wan obọ rọye ghwọrọ ẹgborho yena nu, eriyin Ọrovwohwo na tare.

Jerimaya 28:1

Vwẹ ukpe yena ọvo na, vwẹ ẹtuohọ rẹ uvie ẹriọ ri Zedikaya ovie ri Juda, vwẹ emeranvwe rẹ iyori rẹ ẹgbukpe rẹne, Hananaya ọmọ rẹ Azu rẹ ọmraro ro nẹ Gibeọn rhe, da ta kẹ vwẹ vwẹ uwevwi rẹ Ọrovwohwo, vwẹ idaro rẹ irherẹn na vẹ ihwo na ejobi, nẹ,

Jerimaya 28:2

Enẹ Ọrovwohwo rẹ otuofovwi Ọghẹnẹ re Izrẹl, tare; Mẹ guọghọ urhekpe rẹ ovie ri Babilọn nure.

Jerimaya 38:17

Etiyin ọ da ta kẹ Zedikaya, Enẹ Ọrovwọhwo Ọghẹnẹ rẹ otuofovwi, Ọghẹnẹ rẹ Izrẹl tare, Wọ da vwẹ oma wẹn kẹ isun rẹ ovie ri Babilọn, ke sivwi arhọ wẹn, a rha vwẹ erhanre torhẹ orere na-a, wọ vẹ uwevwi wẹn ke rhọ.

Jerimaya 42:11

Wa djẹ oshọ rẹ ovie ri Babilọn na-a, ohwo rẹ oshọ rọye mu ovwan na, wa djẹ oshọ rọye-e, eriyin Ọrovwohwo tare, kidie me vẹ ovwan herọ, ki mi sivwi ovwan mi ji si ovwan nẹ obọ rọye rhe.