Jerimaya 27:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Kidie ofian ayen mraro rọye kẹ ovwan na, oba rọye ke che si ovwan nẹ otọ rẹ ovwan na shesheri. Ke me djẹ ovwan kufia, ovwan ke cha ghwọrọ kufia.

Jerimaya 27:10 ပူးပေါင်းရင်းမြစ်များ

Ẹyano 22:18

Wo jẹn ọbuepha vwo rẹ ọ dia akpọ-ọ.

Jerimaya 14:14

Ọrovwohwo da ta kẹ vwẹ, Emraro na vwẹ odẹ me mraro rẹ ofian, mi ji ayẹ-ẹn mi ji iji kẹ aye-en eyẹ ta kẹ aye-en, aroẹmrẹ rẹ ofian ayen mrẹ kẹ ovwan na, epha ri fiemu-u, vẹ ọphiọvwẹ rọ hẹ udu rayen.

Jerimaya 23:16

Enẹ Ọrovwohwo rẹ otuofovwi na tare, Wọ kerhọn rẹ eta rẹ emraro re mraro kẹ wẹ na-a, re ghwẹ iphiẹrohọ ifefe vọn wẹ oma na, emramrẹ re iroro rayen ayen ta na, ọ dia ọ ro nẹ unu rẹ Ọrovwohwo na rhe-e.

Jerimaya 23:25

Emraro re vwẹ odẹ mẹ mraro rẹ efian na mi nyo obo rẹ ayen ta nẹ, Me vwerhẹ evwerhẹ, Me vwerhẹ evwerhẹ!

Jerimaya 27:14

Wọ kerhọn rẹ emraro na-a re tanẹ wa cha ga ovie ri Babilọn na-a na, kidie ofian ayen mraro rọye kẹ ovwan na.

Jerimaya 27:15

Mi ji aye-en, eriyin Ọrovwohwo tare, ẹkẹvuọvo ayen vwẹ odẹ mẹ mraro re efian, oba rọye ke me cha djẹ ovwan kufia, re ovwan da ghwọrọ kufia, ovwan kugbe emraro re mraro kẹ ovwan na.

Jerimaya 27:16

Koye me ke ta kẹ irherẹn na vẹ ihwo nana nẹ, Enẹ Ọrovwohwo tare, Wa kerhọn rẹ eta rẹ emraro re ovwan re mraro kẹ ovwan na-a, nẹ, Nighe, a cha ghwa ekuakua rẹ uwevwu rẹ Ọrovwohwo na nẹ Babilọn cha phẹrẹkpẹ, kidie efian ayen mraro rọye kẹ ovwan na.

Jerimaya 28:11

Ọye Hananaya rẹ ọmraro na da ta vwẹ aro rẹ ihwo ejobi, nẹ, Enẹ Ọrovwohwo tare: Tobọ enẹ me cha guọghọ urhekpe ri Nebukadneza ovie ri Babilọn nẹ ohọre rẹ ẹgborho ejobi vwẹ emu rẹ ikpe ivẹ. Ẹkẹvuọvo Jerimaya ọmraro na de kpo obo rọ ra.

Jerimaya 28:16

Vwẹ ọtiọye na enẹ Ọrovwohwo tare. Nighe, mi che si we nẹ otọ rẹ akpọ na. Vwẹ ẹgbukpe nana wo che ghwu, fikiridie wo gbe urhi rẹ Ọrovwohwo na ku.

Jerimaya 32:31

Orere nana kpare ophu vẹ ivuemiovwo mẹ, nẹ ẹdẹ ra vwọ bọn rhi te nonẹ na, eriyin na ki mi che ghwie nẹ obaro mẹ.

Jerimaya 8:19

Kerhọn, rẹ ovie rẹ ọmọtẹ re ihwo mẹ nẹ ugrogro te ohẹhẹre rẹ otọ na, Ọrovwohwo hẹ zayọn vwẹ etiyin na? Ovie rọye tobọ herọ? Die ayen vwọ vwẹ ema rayen vwọ kparẹ ovwẹ ophu? kugbe edjọ erhorha rayen?

Uvwerhe 2:14

Emraro wẹn mraro rẹ efian vẹ ọphiẹnvwẹ kẹ wẹ, ayen se tue orukuruku wẹn phia-a rọ vwẹ ughwe wẹn rhivwi rhe, ẹkẹvuọvo kẹ ayen bọ epha rẹ efian ro suẹn ohwo ghwrẹ.

Daniẹl 4:7

Etiyin otu rẹ egbẹnẹkẹ, vẹ idjene, ihwo ri Kaldia, Kugbe otu re fan otọ rẹ isio da rhe, me da ta evwerhẹ na kẹ ayen, ẹkẹvuọvo ayen sa vwẹ evwerhẹ na vẹ otọ rọye phia kẹ vwẹ-ẹ.

Zekaraya 10:2

Kidie ama ta ogbeta, emraro je mrẹ efian rhe, evwerhẹewerhẹ ta evwerhẹ re efian ọ me kẹ uchebro ofefe. Ọtiọye na ihwo na da hra kerẹ igegede; a wan ayen oma kidie ayen vwo osuigegede-e.

Malakae 3:5

Ki mi che si kẹre owẹ vwẹ orhiebro; ke me cha dia oseri rẹ okpakpa kpahe ebuepha na, kugbe igberadja na, kugbe otu ri duvwu iyori rẹ ogbarogba na, vẹ otu re ghwa otu re durhie iruo ria na, vẹ otu ri kpokpo eme-phrorivwi vẹ eyauku, otu ri gerẹ erhorha phihọ akakọ, ri jẹ oshọ mẹ ẹdjẹ na; eriyin Ọrovwohwo rẹ otuofovwi na tare.

Urhi Rivẹ 18:10

We ja mrẹ ohwo ọvo vwẹ uherevie rẹ ovwan rọ torhẹ ọmọshare eyẹ ọmọtẹ rọye vwo ze izobo-o, eyẹ ohwo rọ mraro, eyẹ ọbuepha eyẹ ohwo rọ mrorẹ eyẹ ọbo rọ ghwa ihwo ria,