Jerimaya 26:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ vwọ kerhọn rẹ eta rẹ idibo mẹ emraro na ri mi ji bru ovwan cha phẹrephẹre na, dede na wa kerhọ-ọn,

Jerimaya 26:5 ပူးပေါင်းရင်းမြစ်များ

Ivie rẹ Ivẹ 17:13

Dede na yẹn Ọrovwohwo ji ọmraro kọmraro kugbe ọmrẹ kọmrẹ ra nẹ Izrẹl vi Juda iroro, nẹ, Kurhẹriẹ nẹ idjerhe umwemwu rẹ ovwan na rere ovwan sẹro rẹ irhi mẹ kugbe iji mẹ, ovwan yọnrọn ayen kirobo ri mi ji urhi vwọ kẹ esẹ rẹ ovwan, kirobo ri mi ji idibo mẹ emraro na rhi yono ovwan.

Ivie rẹ Ivẹ 17:23

bẹsiẹ rẹ Ọrovwohwo ri vwo si Izrẹl nẹ obaro rọye kirobo rọ wan oma rẹ idibo rọye emraro ejobi na ta. Kọye a da kua Izrẹl nẹ otọ rayen vwo kpo Asiria ra dia ighuvwu re te ẹdẹ ri nonẹ na.

Ivie rẹ Ivẹ 24:2

Ọrovwohwo de ji ihwo ri Kaldia vẹ ihwo ri Siria vẹ Moab kugbe ihwo rẹ Ammọn ne ra họnre Juda rere ayen ghwọrọ, kerẹ ota rẹ Ọrovwohwo rẹ odibo rọye emraro na tare.

Ivie rẹ Ivẹ 9:7

Kẹ wọ guọghọ uwevwi rẹ Ehab ọrovwowe te otọ, rere me vwọ reihri vwẹ obọ ri Jẹzibẹl ọbara rẹ idibo mẹ emraro na, vẹ ọbara rẹ idibo rẹ Ọrovwohwo na.

Ezra 9:11

re wọ wan unu rẹ idibo wẹn na emraro na ji tanẹ, Otọ na rẹ ovwan ra ro na, rẹ ovwan cha reyọ vwọ re uku na, ọye otọ ro jefuọn rọ vọnre vẹ ẹgua rẹ ihwo re otọ na, vẹ omaetuo rayen rọ vọnrọ kugbe ijẹfuọn nẹ oba re te oba.

Jerimaya 11:7

Kidie me da nabọ kpokpa kẹ esẹ rẹ ovwan re me vwọ reyọ ayen nẹ otọ rẹ Ijipt cha, kọke kọke rhi te nonẹ na, tanẹ, Nyo urhuru mẹ.

Jerimaya 29:19

Fikiridie ayen davwẹ erhọn rẹ eta mẹ na-a ri mu jẹ idibo mẹ rẹ emraro na nẹ e ra ta kẹ ayen kẹsiẹ kẹsiẹ, eriyin Ọrovwohwo tare, ẹkẹvuọvo wa cha kerhọ-ọn, eriyin Ọrovwohwo tare.

Jerimaya 32:33

Ayen hirhe obuko rayen ku vwe ọ dia opharo raye-en, obo mi dje ayen eyeyono te na ayen sa kerhọn vwọ reyọ uyono-o.

Jerimaya 35:15

Mi ji idibo mẹ rẹ emraro na ejobi bru ovwan rhe, mi ji ayen ejojo, nẹ, Dohwo didjerhe umwemwu rọye rhẹriẹ ru, wa rhuẹrẹ eyere rẹ ovwan, vwo je edjọ efa ẹyan nene re we jẹn ayen egọ, re wa sa dia evun rẹ otọ re me kẹ ovwan vẹ esẹ rẹ ovwan na. Ẹkẹvuọvo wa vwẹ erhọn kpọtọ-ọ wa je kerhọn mẹ-ẹ.

Jerimaya 35:17

Vwẹ ọtiọye na, enẹ Ọrovwohwo Ọghẹnẹ rẹ otuofovwi, Ọghẹnẹ rẹ Izrẹl na tare: Nighe, me cha ghwa umiovwo rhurhu Juda vẹ ihwo ri Jerusalẹm ejobi, umiovwo re me ta kpahe ayen jovwe na, fikiridie me ta kẹ ayen yẹ ayen kerhọ-ọn mi se ayen yẹ ayen nyori-i.

Jerimaya 44:4

Dede na mi dje idibo mẹ emraro na ejejo bru ovwan rhe tanẹ, E, we ruẹ emuẹgha nana ro tu vwe oma na-a!

Jerimaya 7:13

Fiki rẹ obo rẹ ovwan vwo ru imu nana, vwẹ asakiephana, eriyin Ọrovwohwo na tare, ọke mi vwo dje ovwan ẹtẹta kẹ wa kerhọ-ọn, mi vwo se ovwan we nyori-i,

Jerimaya 7:25

Nẹ ẹdẹ rẹ esẹ rẹ ovwan vwo nẹ otọ rẹ Ijipt rhe rhi te none na, mi vwo ji idibo mẹ emraro na ejejo bru ayen, nẹ ẹdẹ ra ro ẹdẹ,

Izikiẹl 38:17

E nẹ Ọrovwohwo Ọghẹnẹ tare: Wẹ ohwo rẹ me ta ota rọye vwẹ ọke rẹ awanrẹ vwẹ oma rẹ idibo mẹ emraro rẹ Izrẹl, ihwo re mraro vwẹ ọke yena vwẹ ikpe buebu tanẹ: Me cha reyọ owẹ vwọ so ayen?

Emọs 3:7

Uyota Ọrovwohwo Ọghẹnẹ na se ru emuọvo-o, ro de je odjahọ rọye ẹ vwọ phia kẹ ihwo rọye emraro na-a

Zekaraya 1:6

Ẹkẹvuọvo eta mẹ vẹ iji Me, ri mi ji kẹ idibo mẹ emraro na, o rhe mu ese re ovwan? Eriyin ayen de kurhẹriẹ ta, kirobo rẹ Ọrovwohwo rẹ otuofovwi rori nẹ ọye ru avwanre fiki rẹ idjerhe vẹ uruemu rẹ avwanre na, ọtiọye o ghine ru avwanre.

Ẹvwọphia 10:7

ẹkẹvuọvo vwẹ ẹdẹ rẹ amakashe righwrẹ na de che hworo oware, igbunu rẹ Ọghẹnẹ, kirobo ro ghwoghwo kẹ idibo rọye emraro na, ke che ruo gba.

Ẹvwọphia 11:18

Ẹgborho na re do, ẹkẹvuọvo ophu wẹn da tua, ọke re vwo guẹdjọ rẹ irivwi te re, ra vwọ hwa osa kẹ idibo wẹn, emraro na kugbe ihwo efuanfon na, kugbe ayen otu re djẹ oshọ rẹ odẹ wẹn, te itete te iride, ra vwọ ghwọrọ oghwọrọ rẹ akpọ na.