Jerimaya 26:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Ẹkẹvuọvo Ahaikam ọmọ ri Shafan da nabọ vwẹ obọ rhurhu Jerimaya gangan ọtiọye na ọ gbe rhọvwe vwọ kẹ ayen hwe-e.

Jerimaya 26:24 ပူးပေါင်းရင်းမြစ်များ

1 Ivie 18:4

ọke ri Jezibẹl vwo hwe emraro rẹ Ọrovwohwo na, Obadaya da reyọ emraro ujori o de si ayen nu ujuvẹ gbe ihwe ẹko vwẹ evun re emwa, ọ da vwẹ emu kẹ ayen re ọ da vwẹ ame kẹ ayen da.)

Ivie rẹ Ivẹ 25:22

Vwẹ enu rẹ ihwo ri chekọ vwẹ evun rẹ otọ ri Juda na, ri Nebukadreza ovie ri Babilọn yan jovwo, ọ da vwẹ Gedaliah ọmọ rẹ Ahikam, ọmọ ri Shafan, vwo ru osun.

2 Ikun rẹ Ivie 34:20

Ovie na de ji iji ki Hilkaya, Ahikam, ọmọ ri Shafan, Abdọn ọmọ ri Mika, Shafan osiọbe na, kugbe Asaiya odibo rẹ ovie, tanẹ,

Jerimaya 29:3

Elasa ọmọ ri Shefan vẹ Gemaraya ọmọ ri Hilkaya vwẹ obọ rọyen ghwa ọbe na, ihwo ri Zedikaya ovie na ji kpo Babilọn bru Nebukadneza ovie ri Babilọn na. Ọ da tanẹ

Jerimaya 36:10

Kẹsiẹye, Barọk ki se eta ri Jerimaya nẹ ọbe na rhe kẹ ihwo na ejobi nyo, vwẹ evun rẹ uwevwi rẹ Ọrovwohwo na, vwẹ uvun rẹ Gemaraya ọmọ ri Shefan osiẹbe na, rọ hẹ ọguan ro kpenu na, vwẹ ewan ruọ rẹ Anurhoro ọkpokpọ rẹ uwevwi rẹ Ọrovwohwo na.

Jerimaya 36:11

Ọke rẹ Maikaya ọmọ Gemaraya, ọmọ ri Shefan, vwo nyo eta rẹ Ọrovwohwo ri nẹ ọbe na rhe,

Jerimaya 36:12

ọ da yanran kpo uwevwi rẹ ovie, ra ruẹ uvun rẹ osiẹbe na, isun na ejobi tidia vwẹ etiyin. Elishama osiẹbe na, Dalaya ọmọ ri Shemaya, Ẹlnatan ọmọ rẹ Akbọ, Gẹmaraya ọmo ri Shefan, Zedikaya ọmọ ri Hananaya, kugbe isun na ejobi.

Jerimaya 36:19

Isun na da ta kẹ Barọk, Re sioma nu, we vi Jerimaya, wo jẹn ohwo ọvuọvo riẹn asan rẹ ovwan epha-a.

Jerimaya 36:26

Ovie na de ji iji kẹ Jeramil rẹ ọmọ rẹ ovie na vẹ Seraya ọmọ ri Azriẹl kugbe Shelemaya ọmọ rẹ Abdil ne mu Barọk osiẹbe na vẹ Jẹrimaya rẹ ọmraro na, ẹkẹvuọvo Ọrovwohwo de si ayen nu.

Jerimaya 39:14

de ji ikọn ra reyọ Jerimaya nẹ ọguan rẹ ohẹrhẹ na rhe. Ayen da vwọ ke Gedalaya ọmọ rẹ Ahikam, ọmọ ri Shafan, re ọ reyọ kpọ. Ọtiọye ọ da dia ohri rẹ ihwo na.

Izikiẹl 8:11

Ekpako ujorha gbẹ ihwe rẹ uwevwi rẹ Izrẹl de mudia vwẹ obaro rayen, vi Ja-azaniah rẹ ọmọ ri Shafan ro mudia vwẹ ohri rayen, ọvuọvo vwo ẹphẹre vwẹ obọ, ivwirhi rẹ ugboduma na de bru kpenu.

Iruo rẹ Iyinkọn na 23:10

Rẹ aphro na rhe vwọ gan re, onotu na, rẹ oshọ muẹ nẹ ayen cha vwẹ abọ sha Pọl, da vuẹ isodje na nẹ ayen yanran ra vwẹ ẹgba reyọ nẹ ohri rẹ ayen re ayen vwo kpo obo ogba.

Iruo rẹ Iyinkọn na 27:43

ẹkẹvuọvo olotu rẹ ujori na, rọ vwo guọnọ Pọl sivwi, o gbi jẹ ayen ru obo rẹ ayen rori na-a. Ọ da ta kẹ otu re sa rhẹrhẹ nẹ ayen phọ phihọ ame rere ayen rhẹrhẹ wotọ.

Ẹvwọphia 12:16

Ẹkẹvuọvo akpọ na da cha aye na uko, otọ na de rhie o de se ame na rẹ ukpodje wo rhe na kpọ.