Jerimaya 26:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Enẹ Ọrovwohwo tare. Mudia vwẹ ọguan rẹ uwevwi rẹ Ọrovwohwo na, re wọ ta kẹ irere ri Juda ejobi re cha ẹga vwẹ uwevwi rẹ Ọrovwohwo na eta ejobi ri mi jiji kẹ wẹ nẹ wọ ta kẹ ayen na, wo si ota ọvuọvo no-o.

Jerimaya 26:2 ပူးပေါင်းရင်းမြစ်များ

Jerimaya 1:17

Ẹkẹvuọvo wẹ, chobiẹ amwa wẹn vrẹn, re wọ ta emu kemu ri mi ji iji rọye kẹ wẹ. Wo jẹ ofu rẹ ayen dje we-e, me da rha vwẹ ofu dje we vwẹ obaro rayen.

Jerimaya 1:7

Ẹkẹvuọvo Ọrovwohwo ke ta kẹ vwẹ nẹ, Wọ ta nẹ, mẹvwẹ omotete-e; fikiridie ihwo ri mi ju we bru ra ejobi wo che brẹ ra, Kemu kemu me ta kẹ wẹ ọye wọ ta.

Jerimaya 19:14

Etiyin Jerimaya de nẹ Tọfẹt rhe, obo rẹ Ọrovwohwo jiro ra nẹ ọ ra mraro na, ọ de mudia ọguan rẹ uwevwi rẹ Ọrovwohwo, ọ da ta kẹ ihwo na ejobi;

Jerimaya 23:28

E jẹ ọmraro rọ vwerhẹ evwerhẹ ta evwerhẹ rọye, ẹkẹvuọvo e jẹ ọ ro vwo ota mẹ vwẹ esegbuyota ta. Didi emu odi ve ọka gbe vwo kugbe? eriyin Ọrovwohwo tare.

Jerimaya 25:2

ri Jerimaya rẹ ọmraro na ta kẹ ihwo ri Juda ejobi kugbe ihwo re dia Jerusalẹm.

Jerimaya 28:5

Jerimaya rẹ ọmraro na da da ta kẹ Hananaya rẹ ọmraro na vwẹ aro rẹ irherẹn na vẹ ihwo ejobi ri mudia vwẹ uwevwi rẹ Ọrovwohwo na.

Jerimaya 36:10

Kẹsiẹye, Barọk ki se eta ri Jerimaya nẹ ọbe na rhe kẹ ihwo na ejobi nyo, vwẹ evun rẹ uwevwi rẹ Ọrovwohwo na, vwẹ uvun rẹ Gemaraya ọmọ ri Shefan osiẹbe na, rọ hẹ ọguan ro kpenu na, vwẹ ewan ruọ rẹ Anurhoro ọkpokpọ rẹ uwevwi rẹ Ọrovwohwo na.

Jerimaya 42:4

Jerimaya rẹ omraro na da ta kẹ ayen, Mi nyo ovwanvwan, nighe, kirobo rẹ wa nọre na me cha rẹ Ọrovwohwo Ọghẹnẹ rẹ ovwan na, emu kemu rẹ Ọrovwohwo kpahe kẹ ovwan me cha vuẹ ovwan, me sa djahe emu ọvuọvo kẹ ovwa-an.

Jerimaya 7:2

Mudia vwe anurhoro rẹ uwevwi rẹ Ọrovwohwo, wo ghwoghwo ota nana, hlyo ota rẹ Ọrovwohwo na, ovwan ihwo ri Juda ejobi re ro inurhoro nana cha ga Ọrovwohwo na.

Jerimaya 7:27

Eriyin na gba ta eta nana kẹ ayen, yẹ ayen cha kerhọn wẹ-ẹ. Wo che se ayen, ye ayen cha kpahe kẹ wẹ-ẹ.

Izikiẹl 3:10

Ọ da rhoma ta kẹ vwẹ, Ọmọ rẹ ohwo, eta mẹ ejobi re me cha ta kẹ wẹ reyọ ayen phihọ udu wẹn, rere wọ vwẹ erhon wẹn nyo ẹme.

Izikiẹl 33:7

Ọtiọye wẹ, ọmọ rẹ ohwo, mi vwo ru ọrhẹroto kẹ uwevwi rẹ Izrẹi, kọke kọke wo vwo nyo ota nẹ unu mẹ rhe, ku wọ kpa okpa mẹ phihọ ayen obọ.

Izikiẹl 40:4

Ohwo na da ta kẹ vwẹ, Ọmọ rẹ ohwo, vwẹ ẹro wẹn ni, ru wọ vwẹ erhọn wẹn nyo, ru wọ vwẹ iroro kpahe obo ri mi che dje kẹ wẹ na, kidie a reyọ owẹ rhe etinẹ rere mi vwo dje kẹ wẹ, ghwoghwo obo re wọ mrẹre ejobi kẹ uwevwi rẹ Izrẹl.

Matiu 28:20

Wẹ yono ayen vwọ riẹn otọ rẹ imu na ejobi re dje kẹ ovwan na. Nighe, me vẹ ovwan herọ vwẹ ọke ejobi, rhiri rhi te oba rẹ akpọ na.

Iyẹnrẹ Esiri ri Luk 19:47

Ko yono kẹdẹ kẹdẹ vwẹ uwevwi rẹ ẹga na. Ilori rẹ irherẹn kugbe isiẹbe kugbe ikpihwo rẹ ihwo na da guọnọ obo rẹ ayen vwọ ghwọrọ;

Iyẹnrẹ Esiri ri Jọn 18:20

Jesu da kpahe kẹ, Me ta ota gbonoze kẹ akpọ na. Kọke kọke ejobi mi vwo yono vwi Sinagọg kugbe uwevwi rẹ ẹga, asan rẹ ihwo ri Ju ejobi de koko, Me ta ota ọvuọvo vwẹ odjahọ-ọ.

Iyẹnrẹ Esiri ri Jọn 8:2

Vwẹ irhiọke ride ọ da rhoma rhe uwevwi rẹ ẹga na; ihwo na ejobi de bro rhe, o de tidia o de yono ayen.

Iruo rẹ Iyinkọn na 20:20

obo ri mi si emu ọvuọvo rọ vwẹ erere kẹ ovwan nu-u, mi yono ovwan vwẹ azagba ji nẹ uwevwi kpo uwevwi,

Iruo rẹ Iyinkọn na 20:27

Kidie mi sioma reyọ vwo jẹ iroro rẹ Ọghẹnẹ e dje kẹ ovwa-an.

Iruo rẹ Iyinkọn na 5:25

Ohwo ọvo da rhe ta ke ayen nẹ, Ihwo rẹ ovwan mu phihọ uwodi na i mudia vwẹ evun rẹ uwevwi rẹ ẹga na ri yono ihwo.

Iruo rẹ Iyinkọn na 5:42

Kẹdẹ kẹdẹ unu rayen gbe ka-a rẹ ayen vwo yono ihwo vwẹ evun rẹ uwevwi rẹ ega na kugbe nẹ uwevwi kpo uwevwi vwo ghwoghwo nẹ Jesu ọye hẹ Kristi na.

Urhi Rivẹ 12:32

Kemu kemu mi ji iji kẹ wẹ wọ Me karohọ ru; wo phiẹ ba-a, wo ji siẹ no-o.

Urhi Rivẹ 12:5

Ẹkẹvuọvo we mi kpo asan rẹ Ọrovwohwo Ọghẹnẹ rẹ ovwan na sanọre vwẹ orua rẹ ovwan na ejobi, vwo kpo ẹdia rọye ọ Me dia ẹguọnọ rẹ ovwan, Etiyin ọye wọ ra.

Urhi Rivẹ 4:2

We brẹ ba ota ri mi ji iji kẹ ovwan na-a we ji siẹno-o, rere wa yọnrọn irhi rẹ Ọrovwohwo Ọghẹnẹ rẹ ovwan na ri mi jiji rayen kẹ ovwan.

Joshua 8:35

O vwo eta rẹ urhi na ọvuọvo rẹ Mosis jiri na ri Joshua je se kẹ ọghwẹgbe rẹ Izrẹl na-a te eya na, te imitete na, kugbe erhorha na re dia ohri rẹ ayen.

Ẹvwọphia 22:19

ohwo de si nẹ eta rẹ aroẹmrẹ re hẹ evun rẹ ọbe nana, Ọghẹnẹ ko si ẹkẹn rọye ro tere vwẹ urhe rẹ arhọ na no, kugbe orere ọfuanfon na, re dje vwẹ ọbe nana.